Dagens mann i draumeverda

I dag vil eg lage eit innlegg om ein gut med draumar. Ein gut som har streva seg fram, og alltid visst kva han ville oppnå. Om ein ung mann som i dag fekk alle blikk på seg, og utallege telefonar. Og Drillo smiler og seier at han har tru på han. Og så var eg så kjempeheldig å få treffe han i dag, og sjå smilet og forventninga i augene hans. Ubetaleleg. Det er faktisk sånn at ein får energi av slikt, til eigne framtidsdraumar... Lykke til kjære Jonathan! Eg veit at du vil lukkast, med alt du styrar med. For du har ei eiga evne til å stå på, og ville bli best! Likevel med ei audmjukheit, der du alltid huskar å trekkje fram andre, som "gjer deg god". Vi er så kjempestolte av deg! :) 

God klem frå tante Elin :)

Med inspirasjon frå Jeanne d`Arc Living del II

:) Eg var ikkje heilt ferdig før i dag, skulle det vise seg... Måtte ha meir urskiver... Så NO er eg ferdig! For dei som lurer på kva eg snakkar om, finn de del I under her :)

;)

Med inspirasjon frå Jeanne d`Arc Living I

Eg kan alltid finne på kreative ting, ved å kike på bilda i magasinet Jeanne d`Arc Living. Eg er ikkje så flink å lese teksten første gongane eg ser gjennom bladet. Og som eg har sagt før, så klipper eg ut bilder som treff hjertet mitt ekstra. I dag har det gamle vinduet på stova fått nytt innhald. Som så mange andre her inne, ser eg på gamle urskiver som nydeleg dekor. Desverre har eg ingen sjølv, men har mange bilder av slike. Og vips, så blei dei godt synlege her hos meg. Har kvite peonar på stovebordet, og litt tilfeldig havna ein nesten visna ein i den gamle skåla for nokre veker sidan. No synes eg at eg berre MÅ leggje ein i vatn der... Vakkert...

Eg har bygd dette bordet sjølv, av gamle fjøler. Faktisk ganske enkelt, viss du har ei kappsag :)

Håper du blir inspirert av mine idèar, eg blir veldig inspirert av å lese bloggar! Og eg treng snart ikkje interiørblad lenger, når eg har dokke :) Forresten; eg treng JDL... Avhengig...

Ynskjer alle ein vakker måndagskveld!

Eg satsar på ein varmare tysdag, med full fart frå morgen til kveld :)

Elin

Turistskip i snøvkave...

Ja, for her snøva det igjen i går kveld. Eg som hadde bestemt at det var snart sommar... Tydelegvis ikkje noko eg er autorisert til? Det lynte i blitz frå turistskipet som passerte. Sikkert fasinerte turistar, som synes det er kjekt med norsk vinter i mai??? Eller fortvila menneske som trudde dei skulle få sjå eit vårvakkert vestland, med grøne lier og ein vakker solnedgang? Uansett, turistsesongen er i gang. Og DET er eit sikkert vårteikn!

I dag er snøven smelta vekk, og sola skin. Men det er kaldt...

Ha ein vakker dag, og tenk positivt! Det er på den måten ein kjem absolutt lengst!

Elin :)

Søndagsbord...

Mitt gamle kjøkkenbord er tilbake etter ein ferie på snart ti år...

Velkommen inn på kjøkkenet mitt igjen, du vakre!

Ha ein flott søndagskveld!

Ynskjer alle ei fin, ny veke!

Elin

Vakkert på ein laurdag...

Ynskjer å glede fleire med synet av denne buketten roser, som stod og smilte til meg på kjøpesenteret i ettermiddag. Eg har plassert han på det nye sofabordet i ein gamal, vakker vase. Eg vil beskrive kjensla av totalinntrykket som pur lukke... Skal ikkje så mykje til for å få meg i den stemninga. Er så heilt forelska i desse gamle tinga mine, at eg kan sitje lenge om gongen og berre nyte...

Eg vil minne alle om at det er frigjeringsdagen etter krigen i dag. Pappaen min var alltid så oppteken av at vi unge måtte huske denne dagen, og kor mykje det betydde for Norge i 1945. Eg lova han difor å flagge på 8.mai, og eg kjenner at det er ein fin måte å minnast pappa på også.

Vil ynskje alle ein rett trivelg laurdagskveld!

Klem frå Elin :)

Draumemorgen...

Endeleg vår! Endeleg sol frå skyfri himmel, og ein fantastisk solnedgang i går kveld. Prosjekta står i kø, og etter endt fysiotime klokka ni, har eg 100 ting eg ynskjer å gjere. Men med litt redusert kapasitet, er det ikkje slik som før, at eg får gjort alt dette i FULL fart... Men eg skal starte med ein ting, så får eg sjå kor langt eg rekk. Det som er positivt, er at eg KAN halde på med ting. Lenge klarte eg ikkje noko av det eg hadde lyst til å gjere. Og det var frykteleg vondt å takle. Kjekt at dokke likte bilda frå terrassen i november. Kjenner på meg at det blir MANGE terrassebilder frå mai og juni etter kvart ;) I alle fall viss sola har lyst å vere her! Etter elleve år i huset her, går eg fortsatt ut om morgenen, og puster djupt inn og ut, ser utover fjord og fjell, og kjenner kor heldig eg er som får bu midt i eit slikt paradis...

Ynskjer dokke ein vakker dag!

Elin

Frokost på terrassen

Etter ein hektisk dag, er eg endeleg på plass i godstolen, med fotballkamp på skjermen. Tenkte eg skulle dele nokre bilder med dokke frå november :) Eg ser at mange nye lesarar har kome til, og eg hadde IKKJE mange lesarar når eg viste av desse bilda sist! Håper at kvelden din er god!

Takk for alle fine kommentarar under her. Godt at dokke delte gleda mi, og forstod lukka ved å finne denne skatten! Og det er ikkje tull; eg visste ikkje at ho stod i kjellaren...

Elin :)

Sjå kva eg fann i kjellaren!!! HYL!!! :)))

Eg har alltid sagt at eg er eit surrehaud, og gløymer ting like fort som eg kjem på dei. Men i dag fekk eg sjokk av kor lite eg eigentleg har kontroll på. Har styra på og rydda og vaska hagestova i heile dag, og fekk alt på plass før lillebror skulle hentast. MEN: stovebordet vårt høyrer til der ute, og eg vart difor utan bord framfor sofaen. Eg visste at eg hadde fleire gamle dører i kjellaren, som eg har berga ut av falleferdige hus. OK. Ut på skattejakt, i min eigen rotete kjellar. Og der, bak mykje sarv og gamle bygningsplater får eg auge på herlegheita. Det var nok sånn hallelujamusikk når eg benda meg mellom nokre ski og diverse anna, som rasa ihop rundt meg. Ikkje nøye med. For der var døra eg har drøymt om i det siste! I mitt eige hus! Og eg kan enno ikkje hugse heilt når eg sette henne der. Har ein teori om at ein UFO har stråla henne ned, for eg har hatt mangedoble porsjonar med uflaks siste åra. Kanskje dette er universet sin måte å muntre meg opp på? Ikkje veit eg. Men no har eg nytt sofabord. Har snakka med verkstaden som laga understell til den andre døra, og dei står klare til å hjelpe meg på nytt. Må tenkje litt. Enn så lenge, er zinktønnene frå House Doctor gode hjelparar. ;) Har skura, støvsuga og skrubba igjen. Herleg sliten der folk har brukt å ta på henne. I`m in love... Sånn er det med den saken :)

:) Happy - happy - happy!

Ha ein fin onsdagskveld, eg grur meg ikkje ein gong til boring med tannlegen i morgen :)

Elin

Frå vinter til vår i løpet av ein dag :)

Vi vakna til snøv i dag. Tre-fire cm. Ussja meg! Utover dagen varma sola meir, og sjølv om det har vore kaldt i lufta, reiste snøven. Eg hadde eit enormt behov for sommarsysler i dag, så eg skrudde ned eine flaken i hagestova, og sette ut oliventrea mine. Eg har ikkje kjøpt inn sommarblomster enno. Så litt peonar fekk gjere susen i eine gamle kasserolla. No har vi grilla pølser, og lata som om vi slett ikkje fraus :) Humøret er i alle fall FLEIRE hakk høgare enn i går på desse tider! Men eg har flytta inn att oliventrea, for det er meldt kuldegrader til natta igjen. No kryssar vi fingrar og tær for at mildare vindar skal finne Norge!

Hagestova er uansett erklært åpna, så no veit eg kva eg skal hengje fingrane i resten av veka. Rot og rusk må ut, akebrett, hagemøblar, ski, osv.osv. må flyttast til andre stadar. No er det snart sommar! For det har eg BESTEMT!!!

Her er synet som møtte meg i dag tidleg. Nokre cm.nysnøv på terrassen og i hagen. Tenkte eg skulle lage ein snøvengel, men det blei ikkje noko av.

Ha ein fin kveld!

Elin

Mormor sitt gamle englebilde

Når eg var lita, brukte eg å studere eit bilde mormor hadde på soverommet sitt. Av barna som bad kveldsbøn, og engelen som passa på dei. Eg lurte alltid på om engelen hadde ei eiga stjerne som hang over hovudet, eller om det var eit vindu i bakgrunnen ho lyste gjennom? Eg likar så godt fargane i rommet, og er svært svak for blåtonar mot det turkise.  Alle detaljane er så vakre! Skulle gjerne hatt eit slikt inventar sjølv; både seng, skjermbrett, stolar og tekstilar! Har prøvd å fotografere gjennom glaset i rama, men ikkje med det beste resultatet.

Takk for lånet av bildet mamma! :)

Eg fekk denne vakre awarden frå Anki med bloggen Landlige hjem sist veke, verdens beste bloggven! Føler ho har vore her inne like lenge som meg, trass i at ho byrja å blogge etter nyttår! Tusen takk til deg, Anki! Setter så stor pris på bloggen din og deg! Eg velger å gje awarden vidare til Karin. Ho skriv alltid fine ord til meg, og gir smil og glede! TUSEN takk for at du har vore med meg heile vegen Karin! :) Blogging hadde vore temmeleg meiningslaust, utan alle gode vener der ute! TUSEN takk for at dokke har gjeve meg eit kjempeløft i det siste, og for at stadig fleire brukar litt tid her inne i draumeverda mi! :)

Ha ein fin dag!

NB! Her er det kaldt, strålande sol og kvitt av snøv!

Elin

Panner til begjær...

Lekre gamle panner står på dagsorden her i heimen. Eg har lenge planlagt å setje nokre til pynt på kjøkkenet. Og i dag, med konstante snøvbyger, og kvit plen, var det berre å setje i gang. Den beste medisinen når eg deppar, er å gjere ting eg elskar. Så får ein tenne nokre stearinlys, setje på yndlingsmusikken, og berre late som om alt er som det skal. Pannene er kjempefine, slitne under, men like fine utanpå. Bordet eg laga til sist veke, står i frambygget på kjøkkenet. Kjenner på meg at eg kjem til å gjere drastiske ting i vekene framover... It`s time for a change ;)

Lillebror kom akkurat og klaga, for det er nok snøv på parabolantenna... 3.mai!!! Ja, eg veit eg sutrar no. Men det får no vere måte på!!!

Håper vèret er bedre der du er!

Elin

Calvin Klein og minner om sommar...

I dag var eg fast bestemt på å lage eit nytt innlegg om eitt av mine favorittmerker, som i høgste grad minner meg om sommar! Eg hadde kan hende eit håp om eit gløtt av sol utanfor vindauga i skrivande stund. Eg er stor fan av Calvin Klein. Eg er slett ingen moteguru, men eg fell ofte for enkle, reine linjer, og nøytrale fargar. Eg er heller ikkje ei slik ei som må ha merkeklede. Tvert om. Det viktigaste er at ein føler seg vel i det ein går i. Men der er ein ting eg ikkje kan klare meg uten, og det er CK parfyme... Eg har prøvd å skifte merke, gang på gang, men kjem alltid tilbake til Calvin Klein. Veslemor i huset studerte halvfulle flakongar på badet no i helga. Og luktene frå flaskene fekk fram ein slik lengsel etter sommar og varme. Det er merkeleg kor ein assosierar hendelser og lukter? Favoritten min vart kjøpt i juni 2008. Og heldigvis er der ein del igjen på flaska. Trur ikkje eg får tak i akkurat denne lenger? Nokon som veit?

Ringen min er også CK. Veldig Elin, enkel og utan noko fiksfakseri.  No droppar eg bildet av verandaen. Dokke skal sleppe å bli deppa over snøv 3.mai... Let desse turkise og sommarlege bilda liggje på netthinna, og så skal eg også slutte å stirre ut vindauga... Kan heller halde ringen min opp i lufta, og kviskre : My little precious... Hi-hi ;)

Ynskjer alle ein fin fin måndag!

Elin

Personlige ting, minner og eigne skattar, samt litt vintage og slitasje her og der...

Kommentar hos meg på fredag : "Jeg liker også Slettvoll - men så liker jeg jo mye, da;-) Ispedd personlige ting, minner og egne skatter, samt litt vintage og slitasje her og der, - den kombinasjonen skulle jeg likt og sett!!"

Det var Laila med den fine bloggen Harmoni og Kontrast som uttalte dette. I 2004 starta ho interiørbutikken ZanZ i Lillestrøm. No styrar ho med andre ting, og har blant anna blitt mamma :) Men eg er veldig glad ho byrja å blogge. Eg finn alltid inspirasjon inne hos henne! Og kommentaren hennar til meg på fredag, inspirerte meg VELDIG! Har hatt planar om å gå over stova lenge, og skifte frå vinter til sommarham. Og i går, 1.mai med sludd og snøv i lufta utanfor, vart det endeleg litt futt i sakene. Og det var orda til Laila som dreiv alt framover. For eg har jo det meste som ho ramsa opp, trur eg? Har aldri funne noko navn på stilen min, for eg mixar det meste av interiørting. Så i kveld blir det litt bilder frå stova i huset mitt.

Slettvoll saman med personlige ting, minner og eigne skattar, samt litt vintage og slitasje... Eg hadde det i alle fall kjekt når eg flytta rundt på ting, og elskar resultatet :) Takk for idèar og inspirasjon Laila!

Ha ein fin kveld,

ynskjer dokke alle ei flott, ny veke!

Elin 

Kom mai du skjønne milde...

Det lettar opp, etter ein lang dag med skodde, regn, sludd- og snøvbyger...

Men vakkert er det likevel...

Elin