Adventskalender på 2.2m...

 

 

 

 

I dag har eg vore på jobb. Nesten uverkeleg å bruke det ordet... Veldig godt, men likevel vemodig, fordi eg veit at det er langt opp og fram før det å jobbe dagleg kan bli ein realitet. Men eg storkosar meg kvar gong eg er ute på oppdrag. I dag var jobben ekstra kjekk. Kjem meir om dette seinare.

 

Før eg reiste, prøvde eg å ta bilder av adventskalenderen i trappeoppgangen til loftet. Der er minimalt med lys, og eg tok meg ikkje tid til å hente stativet til kameraet. Det som kanskje ikkje kom fram i går, var at kalenderen er 2.2m... Største adventskalenderen som har vore i hus her i alle fall. Men familien synes det er greit med eit tre i trappa, så då er vel alle glade og fornøgde? :)

 

Har fått spørsmål frå fleire om korleis eg fester greinene. Når ein arbeider med så store ting, må ein skru eller spikre. Eg anbefalar å skru. Til mindre tre har eg brukt stift og lim. Eg borar alltid hol med maskin før eg setter inn skruar eller stift, slik at treverket ikkje skal sprekke.

 

 

Elin

 

 



Drivvedstre som julekalender

 

 

 

 

I dag har eg endeleg fått gjere ferdig storesøster sin julekalender.

Laga av drivved frå fjøra. Til pynt har eg laga silkepompongar, ikkje så vanskeleg

skulle det vise seg? Storesøster har ein avtale med oss om 10-12 pakkar i desember. Ikkje

dyre ting, men slikt som ho treng. Lillebror vil ha LEGO Starwars-kalender. Så då får han det.

 

Eg har lenge hatt planar om å gjere litt meir ut av trappeoppgangen til loftet.

No skal det bli. Men det blir nok i kjent Elin-tempo, ikkje

så fort kanskje.. Men nokre hyller og litt andre

ting skal få kome opp på veggane.

 

Eg var heldig å få eit kjempekjekt oppdrag frå

eit reklamebyrå i går. Takka sjølvsagt

ja! Så i dag har eg tatt fram jule-

musikk, og prøvd å kome

i rette stemninga.

 

Blir nok vist her på

bloggen

også!

 

 

Elin

 

 



DIY under oppseiling - kjøkkenbord fullt av drivved

 

 

 

Ja, eg forstår det kan vere frustrerande å bo saman med meg... Eg kommanderte familien ned i fjøresteinane på søndag, for å finne drivved til meg. Før gjorde eg alt sjølv, men å balansere på steinar er liksom ikkje førstepri hos meg for tida. Eg har eit spennande prosjekt på gang, som eg lova å gjere ferdig i dag. Men så vakna eg med tidenes hauverk i dag tidleg, og kom meg ikkje ut på badet eingong. No har ibux og nokre extra timar med søvn gjort underverk! (skulle ikkje bruke pc, men, men...) Håper på stigande form, og prosjektstart utover ettermiddagen. Kan du gjette kva eg skal lage? Det er 2-3m langt, og det har noko med desember å gjere.

 

 

Tusen takk for alle fine

kommentarar på babybilda!

 

 

Elin

 

 



Bloggtreff i Ålesund!

 

 

 

 

 

Håper å møte flest mogeleg interiørbloggarar

14.november på Herlighet Moa/Ålesund!

 

For meir info. trykk HER!

 

Kjempefint om dei som kan kome, skriv det i ein kommentar

under innlegget her, eller på det eg har linka til!

 

 

 

Elin

 



Eit lite vidunder

 

 

 

 

 

 

 

 

 

 

 

Slik har min dag vore. Saman med barndomsveninna mi. Ho har blitt velsigna med

å bli mamma igjen i godt vaksen alder. Det er alltid rørande å få observere

ei fersk mamma, og ikkje minst det vesle underet ho steller med.

Det har gått i pupping, byssing og forsøk på å få tatt bilder.

 

Vesle Linnea er den rolegaste babyen eg har hatt på fotobesøk.

Men likevel beundrar eg stort dei som tek blinkskot av

slike små menneske. Det er ikkje enkelt!

 

Eg hadde ikkje klart å gjere dette dagleg, det kjenner eg i kveld.

Men sjølve opplevinga er så fin, at det oppveg for

alt anna. Eg skulle så inderleg ynskje at eg

vart frisk nok til å lære meir, og få

jobbe med dette på heiltid!

 

 

Eg skal fortsetje å drøyme...

 

 

Elin

 

 

 



Tre tips til ting du kan lage sjølv før jul!

 

 

 

 

 

 

 

Her er tre DIY (do it yourself) som eg laga sist november.

Eg er i gang med eit nytt prosjekt, der idèane blir tatt vidare. Bilder kjem

seinare! Ser liknande DIY`ar over alt for tida. Eg vart inspirert av bl.a. OiSoiOi i fjor.

 

Det å lage stjerner av greiner er i alle fall enkelt.

Lag to trekantar, og fest dei over kvarandre. Du kan bruke både streng og

hyssing. Du kan bruke greiner frå tre, eller drivved. Berre fantasien som setjer grenser!

 

Lykke til!

 

 

Elin

 

 



Frokost ute i den blå, fantastiske timen...

 

 

 

 

 

Eg har vore så opptatt av å finne roa i meg sjølv etter siste åra med kroniske smerter. Alle som har vore i ein slik situasjon, veit nok at ein alltid har ei uro innvendig. Angst, redsel. Eg er svært glad for å kunne seie at eg kvilte i meg sjølv i dag. I den blå timen, på benken eg er så glad i, med mamsen sine nybakte rundstykker. Ei kjensle av å vere bra nok. Å kunne senke skuldrane. Å vere takksam.

 

Takksam også for at så uendeleg mange har vore innom Draumesidene denne veka.

Ja, det betyr enormt mykje. Akkurat for denne kjensla av å vere bra nok.

 

 

Tusen, tusen takk!

 

 

 

Elin

 

 



Terrassen i november

 

 

 

 

 

 

 

 

 

 

 

 

 

Midt i mellom haust og vinter.

November har gitt oss ei veke med kulde og snøv,

medan det i dag har vore haust igjen. Herleg spør du meg!

Eg ynskjer meg mange slike fine dagar framover!

 

 

 

Elin

 

NB! Interessert i strikkeputene? Selger to grå og to svarte!

Ta kontakt på draumetausa@gmail.com 

 

 



K O S

 

 

 

 

 

 

 

Velbrukte bilder, men eg trur dette blir mitt bidrag til

NIB`S utfordring i november.

 

 

Ynskjer alle ei god helg!

 

 

Elin 



Levande lys ein fredags formiddag

 

 

 

 

Ikkje sånn at eg vil skryte av forma mi siste dagane. Og det å stå opp

er verst. Stiv og støl, og lite positiv. Når eg kjem ned i første etasje hjelper det stort

at kjøkkenbenken ikkje er full av ting som skal inn i oppvaskmaskina, og at vi har rydda kjøkkenbordet kvelden før. Det har også blitt tida der levande lys gir meg energi og ro.

November er ein månad som har blitt finare for meg etter at eg byrja å blogge.

Likte ikkje desse vekene før. No gleder eg meg! Håper berre at dagane

blir nokonlunde gode, og at eg klarer litt av alt eg tenkjer å gjere.

 

Enn så lenge er dette ein dag i godstolen,

og ei kjensle av at det er fredag.

 

Og morgonen er gløymt

for denne

gong.

 

 

Elin

 

Bloggtreff i Ålesund

 

 

 

 

 

Hurra! Endeleg eit nytt bloggtreff på Sunnmøre!

Eg gleder meg slik til å få treffe fleire interiørbloggarar!

 

Det er kjempefint om du gir eit vink om du kan tenkje deg å bli med på dette i kommentarfeltet under her. Eg har sagt ja til å informere om treffet, og finne ut evt. kor mange som vil kome til Herlighet den 14.november kl. 20.00

 

Det vil kome fleire påminningar neste 14 dagane.

Eg blir kjempeglad om du kan tipse andre interiørbloggarar om treffet.

 

Eg kjem til å prøve å få ei oversikt over sunnmørske bloggarar,

og vil leggje ut ei fullstendig liste til slutt,

med linkar til alle. Så sjølv om du ikkje kan

på treffet, gi meg eit vink om

bloggen din.

 

Håper vi sjåast!

 

 

Elin

 



Rosa batikk på jenterommet, F R E S H T !

 

 

 

 

 

 

 

 

Det er ikkje vanskeleg å lage eigne ting i batikk teknikk.

Eg fann mange gode tips og råd HER! Ellers huskar eg godt når vi laga slike

kunstverk på skulen i handarbeidstimen. Og i desse batikktider sparer ein lett nokre kroner på å vere kreativ sjølv. Og mønsteret du kan skape, er uendeleg mange. Puta storesøster har fått, er laga av eit laken kjøpt på KID til ein rimeleg penge. Eg har vore så fasinert av TineK sine nye puter med knuter i hjørna. Det måtte eg prøve å få til. Så var det berre å klippe på frihand, og prøve å sitje lenge nok til å sy ferdig vidunderet. Det gjekk såder bra ;)

 

Litt stolt av meg sjølv,

litt lilla på fingrane fordi eg gløymde at ein skulle bruke

hanskar når ein farga stoffet... Og litt klar for

å farge meir!

 

 

Blei du inspirert?

Dette kan alle klare!

Du kan byrje med å knyte og farge eitt kvitt

kjøkkenhandkle for eksempel.

 

Lykke til!

 

 

Elin