Draumar som vart verkelege

I løpet av dagen i dag, passerar teljaren min 50.000 besøk. Dette finn eg ganske utruleg, og eg hadde ALDRI trudd at så mange fann vegen innom draumesidene mine på under eitt år! Når eg starta, kalla eg bloggen "Elin sine draumesider". Etter kvart kjøpte eg domenet Draumesidene.com. Eg kjende ei jente som blogga om interiør, ellers var eg heilt åleine inne i denne verda. Men det gjekk ikkje lenge før nye navn og nick dukka opp på skjermen. Eg var veldig aktiv dei første månedane, og var flink å leggje att kommentarar. Eg var ajour med å få med meg kva folk la ut, og storkosa meg med masse inspirasjon.

Etter kvart vart bloggen min lest av fleire, og veldig mange la att kommentarar hos meg. Då byrja det å gå over styr. For eg rakk jo ikkje å skrive tilbake til alle? Eg hadde konstant dårleg samvet, og kosa meg slett ikkje lengre... Så kom det trasige tider i livet mitt ellers, og det enda med at eg sletta den gamle bloggen min. Det gjekk ikkje mange dagane, før Nye Draumesidene var på plass. "Med blanke ark og fargestiftar til", stod det på headeren den gong. Og det vart starten på ei ny tid for meg. Det har vore kjempetøft å snekre saman denne bloggen, med lite overskot innabords, men eg er veldig glad at eg fortsette å ta bilder, og dele med alle dokke der ute.

I sommar sletta eg alle på favorittlista mi, og la inn att dei som eg les kvar dag, og dei som kommenterar ofte hos meg. På denne måten har eg igjen fått tid tl å følgje med på "alt som skjer". Og dei som ikkje er på lista mi lengre, må ikkje vere lei seg. Av og til er eg innom dei også. Og somme har eg kanskje gløymt å leggje til att? Poenget mitt er, at blogging skal vere ein ting eg gjer for å ha det kjekt!

Eg fekk tilogmed premie i går for lang og tru blogging... Neida; men det passa veldig bra å bli trekt ut i konkurransen til Riviera Maison Molde :) Produkt for 1400 kroner! Eg som aldri vinn... Tusen takk til damene der!!!

Eg har utsatt Give Awayen min til oktober, når bloggen min fyller eitt år. Tida går så fort?

Bilda er frå hagestova vår, og det vesle kjøkkenet eg har der.

Tinga er skattar eg fekk forrige veke. Eg er så glad i

gamle bakeformer, og 

desse var heilt

etter min

smak

:)

Eg kjem til å fortsetje å drøyme. Utan draumane mine kan eg aldri bli den eg ynskjer å vere...

Kanskje legg du att ein kommentar i dag,

viss det er akkurat du som er

besøkjande nummer

50.000? 

God klem til alle kjekke

lesarar frå

Elin!

♥ ♥ ♥

Gjesp...

Så vart det blogging til midnatt - igjen... Og no har eg det som lillebror før i dag, sliten etter at mamma tok 150 bilder... ;) Måtte berre dele dette gjespet med dokke! :)

God natt! :)

Elin

♥ ♥ ♥

Fotoshoot med husets femåring :)

Neste torsdag er lillebroren vår fem år. Ganske utruleg, synes ikkje det er så lenge sidan eg gjekk rundt og vagga og venta på at han skulle kome ut til oss? Vel, når eg tenkjer på alt som har skjedd i mellomtida, er det kanskje lenge sidan likevel? Sidan langtidsvarsla stadig melder regn, måtte vi nøyte oss i kveld, og få tatt litt bilder. Temaet vart kvennhus, blåbær og søt lillebror. Og det funka som berre det! Han er ikkje så glad for at ting tek lang tid... Så det er litt av ein prøvelse for mammaen også, som kryp rundt, og prøver å finne på morosame ting, alvorlege ting, plassar han kan sjå, ting han kan tenkje på... Han gleda seg til vi skal lage julekort, sa han. Så då kan han ikkje ha fått skrekken i dag heller! ;) Her er i alle fall vår vesle sjarmør!

Ynskjer alle ein fin fin kveld, og

 ei flott, ny veke! Her skal

 lillebror i barnehagen

frå tysdag, det går

mot haust? Men

det er ikkje

så nøye ;)

Hausten kan vere svært vakker!

Klem

Elin

♥ ♥ ♥

Lukta av rosa hageroser...

... vakna eg til i dag. Med tyllhimmelen over meg, kjentes det som om eg var ein heilt annan stad enn heime... Det er merkeleg med slike forandringar i huset. Ein er stadig i dei same romma, men det kjennes bedre å vere der? Fordi ein har gjort nokre grep, som ein likar.

Kor lenge eg får behalde tylleventyret, er opp

til han som søv ved sidan av meg... 

Til no har eg fått lov å ha

 min kvite, florlette

himmel :)

Ha ein vakker søndag!

Klem

Elin

♥ ♥ ♥

Himmelseng over blå fjord...

Hei alle mine gode lesarar! Berre ei lita helsing på ein laurdag, der husrydding og husvask står på programmet. Soverommet er nok ein gong i fokus. Og den rotete gangen, som har vorte full av skap og kommodar og alt mogeleg anna... Då er det godt å late att døra, og berre nyte sol, fjord og ein blå himmel... No får hus vere hus, eg vil sitje pladask stille oppe i korgstolen og nyte sommardagen... Fleire bilder kjem seinare :)

Sjølvsagt var der gamle vindu i draumehuset

eg besøkte før i veka, med trenaglar

og gamalt glas med bobler i...

Og no er to av dei mine ♥

Ha ein vakker laurdag!

Klem

Elin

♥ ♥ ♥

Korgstol i bryllupsrus...

Her kjem nokre bilder av korgstolen eg fekk, blant mange andre skattar. Og når eg også har fått pakken min med tyll, og kveldssola bryt gjennom... Då er det eventyr på jord oppe på balkongen ved vårt kvite soverom. Lukta av Martaliljer fyller rommet, og eg kan sitje der og sjå utover fjorden og drøyme meg langt bort... Men det er eg også god til! :)

Eg vil anbefale to bloggar i kveld! Det er ikkje så ofte eg gjer?  Den første fann eg for lenge sidan, og fasinerar meg veldig, Siren sin blogg Det gode liv. Den andre er heilt fersk, Jannicke sin blogg Lille vildand. Desse to damene inpirerer meg veldig, og er verkeleg verdt ein tur innom!

No skal eg setje meg ut på terrassen i den vakre kveldssola.

Nyte. Lytte. Puste. Eksistere...

Kos deg i kvelden du også!

Elin

♥ ♥ ♥

Minner...

Ho huska at han stod nede på kaia. Vinka til henne. Skulle ta rutebåten utover. Det verkte ein stad i bringa. Men han skulle kome att, sa han. Skulle tene pengar slik at dei kunne gifte seg.  Det var harde tider, folk reiste over frå Norge, i håp om eit betre liv...  Ho hadde venta og venta. Endeleg kom det eit brev. Sommarsola stakk i bakken, der ho hadde gøymt seg bort... Eitt år sidan ho hadde høyrt frå han. Eit bilde. Ei amerikajente... Han stod der så vakker i fin dress ved sidan av. Det var som om ho ikkje fekk puste. Salte tårer i eit furete, brunt fjes...  Ho røyste seg mellom hesjene, og tørka vekk tårene. Kremta. Putta biletet inn dit smerta sat. Gøymde det ved hjartet. Pusta djupt inn. Ingen måtte sjå, eller vite. Dette var hennar skam og sorg. Arbeidet venta.

Ho fann aldri ein ny. Og smerta sat i hjertet til ho døydde, nittito år gamal...

Men bildet finns enno.

I ein vinduskarm under holete blondegardin.

Minner...

Hold on to love, that is what I do

Now that I've found you

And from above, every thing's stinking

They're not around you

And in the night, I could be helpless

I could be lonely, sleeping without you

And in the day, every thing's complex

There's nothing simple when I'm not around you

But I miss you when you're gone

That is what I do

And it's goin' to carry on

That is what I do

Hold on to my hands

I feel I'm sinking, sinking without you

And to my mind, every thing's stinking

Stinking without you

And in the night, I could be helpless

I could be lonely, sleeping without you

And in the day, every thing's complex

There's nothing simple when I'm not around you

And I miss you when you're gone

That is what I do

And it's goin' to carry on

That is what I do

The Cranberries

"There`s nothing simple, when I`m not around you..."

 

Elin

NB! Historia er ikkje knytt opp til dette bildet!

Eg får fortalt ting på mine vandringar.

Og så blir historiene så sterke

innimellom.

Sånn som

med dette

bildet.

♥ ♥ ♥

Lavendel-dreams...

Ha ein fin kveld!

Klem

Elin

♥ ♥ ♥

Ikke la motgangen kvele deg, luft sjelen!

Tusen, tusen takk til Lise Dagrun for uventa, nydeleg pakke i posten! Og ikkje minst for så fine ord i brevet som låg ved! Lise Dagrun har åpna butikk i fjøset sitt på Nordmøre, og hjertet eg fekk er heimelaga, med flotte ord bakpå. Ho har ikkje eigen blogg, men har vore følgjar hos meg LENGE!

 I oktober er det eitt år sidan bloggen min vart åpna mot omverda. Det er veldig kjekt å kike tilbake på innlegg frå denne første tida, og sjå at det er same kjekke damene som enno stikk innom! :)  Eg kjem til å gi bort gåver sjølv snart! Eg passerar 50.000 lesarar innan kort tid, og nærmer meg som sagt årsjubileum med raske skritt. Eg har ulike ting eg vil gi bort, og kanskje blir det nokre overraskelsar også... ;)

Takk igjen til snille Lise Dagrun! Eg skal gjere mitt beste for å lufte sjela mi i ny og ne!!! (trur eg gjer det kvar dag?) ;)

Ha ein vakker torsdag der ute!

Klem frå meg!

Elin

♥ ♥ ♥

More bedroom...

Og for dei som ikkje er lei... Meir soverom ;) Sengegavlen er ferdig, og eg trur eg er fornøgd. Må liksom kike litt på det ferdige prosjektet før eg bestemmer meg :) Ellers er tur nr.2 til det gamle huset unnagjort, og eg gliser frå øyre til øyre. Tinga eg har foreviga på soverommet, er statistar i eit kvitt rom med godt lys. Men nokre av dei skal få vere der i framtida også. Den vakre benken har ein fantastisk patina! Men eg trur den må vike plassen for eit klesskap, eller ein kommode av praktiske hensyn. Det er litt av utfordringa no, å skape eit spesielt rom, men ha alle funksjonar intakte. Og oppbevaring er viktig! Time will show! ;)

Den gamle korgstolen er SÅ vakker!!! Skal vise han bedre fram ein annan dag. Den øverste kofferten er den eldste i samlinga mi til no. Fantastisk sjarmerande, og velbrukt.

Ynskjer alle ein flott kveld, her ventar tre barn på omelett til kvelds ;)

Klem

Elin

♥ ♥ ♥

Livsteikn i ein gang...

Spor etter dei som budde i huset, for lenge sidan...

Traces of the ones who lived in the house many years ago...

Elin

Sko frå farne tider...

Eg tok sjølvsagt ein del bilder i går kveld i det gamle huset. Vil gjerne dele nokre av dei med dokke! Denne første serien traff hjertet mitt, og har ei stemning som representerer opplevinga mi av det heile...

Takk for alle fine kommentarar! Må innrømme at eg må spare nakken min for tida...

Blir litt for tungt med verktøybruk... Men eg lovar å kome sterkare

tilbake og besøke dokke alle!

Klem

Elin

♥ ♥ ♥

Draumekveld med funn til soverommet!!!

Verdas snillaste jente, V., kom og henta meg i kveld. Saman reiste vi til eit gamalt hus, der eg kunne få ta med meg det eg hadde lyst på... (!!!) Dette blei julaften og jibuss på ein gong! :) Tusen takk til V. og hennar fantastisk gavmilde foreldre! Eg kan vel med ein gong leggje til at bagasjerommet på stasjonsvogna vart fullt... Eg har allereie skura opp ein del av skattane, men ein heil dunge ventar på meg i morgen også. Eg føler på meg at eg kjem til å stå opp tidleg og kome i gong! Soverommet er halvferdig. No ventar eg på pakkane i posten frå Stoff & Stil, forøvrig det einaste eg har kjøpt til no. Så dette er ein kjempebilleg make-over :) Lovde nokre bilder før i dag, så her er nok ein smakebit på ting som befinn seg i rommet!

Sengegavlen av gamle fjøler har ho mor fixa sjølv. Han er ikkje heilt ferdig :)

Ha ein fin kveld!

Eg er ganske trøtt etter ein kjempefin dag,

og ein draum av ein kveld...

Klem

Elin

♥ ♥ ♥

Sneak Peak på soverommet ;)

For å vere litt hemmelighetsfull, kjem det nokre sånn halvvegsbilder i dag. Kappsaga og Elin er gode vener, og bortsett frå ei dundrande hodepine, er dagen fin. Eg hadde planlagt sol i dag? Men den som ventar på noko godt... Skal vere hylande effektiv, trur eg ;) Og då kjem det nok fleire bilder i kveld? Viss ikkje har eg rett og slett punktert... :)

For meir soveromsinspirasjon, stikk innom Kjersti :)

Ynskjer alle ein fin fin tirsdag!

Elin

♥ ♥ ♥

Soveromsmakeover er i gang :)

Så er eg i gang. Og det er ikkje berre lett å lage til dette nye soverommet. Det einaste som er sikkert, er at nesten alt eg gjer er basert på gjenbruk. Var akkurat i kjellaren (ja, den som eg ikkje har oversikt i...) ;) og fann nokre gamle saker eg hadde gløymt av. Einaste store problemet, er at det er ein del tunge ting eg ville ha flytta MED EIN GONG! Men eg må vente, for å få hjelp... Og det har eg IKKJE tid til! Men no nærmar kvelden seg, og løftaren min kjem snart heim frå jobb. Eg har også litt prestasjonsangst; det er så mange som kommenterer at dei følgjer spent med på soveromsprosjektet... Huff, alt eg begir meg ut på! Men eg har eit bilde i hovudet, og prøver å halde fast ved det... Eg ser likevel at det blir nok ein del endringar etter kvart? Kreative prosessar skal vere slik! Eg ventar også eit par pakkar i posten, som er viktige for å få til den siste finishen på rommet. Legg ved nokre bilder av dagens putlerier.

 

 

Rommet har kraftig lukt av måling etter behandling av veggar og golv, men dei små rosene fyller rommet med ein vidunderleg følelse av sommar...

No er det tid for Elin`s PIZZA, og dernest er det ein kar som skal få løfte litt... ;)

Elin

♥ ♥ ♥

Den beste inspirasjonen kjem ofte frå naturen...

Treng eg seie meir? Med skyer og himmel spegla i golvet, er vegen kort til fantasi og eventyr...

Elin

♥ ♥ ♥

Mjuk himmel...

Yndlingsbildet mitt, måla av Aina Haugen. Lysestakar frå Kremmerhuset. Nydeleg krans av metallblomster og blad frå Emmas Verden. 

Første bilda frå soverommet. Eit kvitt lerret, ein mjuk himmel... Og eg er så heldig å få fylle på med fargar, og engleting... Det blir ei vakker veke i Draumeverda mi!

Tusen takk for alle fine helsingar på innlegget under. Det er ingen som plagar meg, ikkje sånn direkte i alle fall! Men hadde eit stort behov i går for å få ut litt frustrasjon... Reknar med at det er fleire som føler dette på kroppen, i alle fall når ein bur stadar der ting er gjennomsiktige, og Jantelova råder. Veit om ei kjekk jente som gav opp bloggen sin, p.g.a. slikt... Og SLIK vil vi ikkje ha det!

Ha ei flott, ny veke! Eg GLEDER meg!

Elin

♥ ♥ ♥

Til deg som leitar etter alle feila mine!

Eg håper at det er få som føler at dette innlegget er til dei... Eg vil skrive eit innlegg til dei som er ute etter å finne feil hos meg... Til dei som sitt i skjul, og lurer på kva Elin finn på i dag... Viss eg skal vere heilt ærleg, hadde eg vore heilt fornøgd med at berre ukjende las bloggen min. Vi som interiørbloggar, blottlegg ikkje berre delar av heimane våre, men også delar av vårt indre... Av og til blir eg skremt av kommentarar i det daglege livet, frå folk som har funne bloggen min. Som regel er folk koselege, men der er ofte litt spisse undertonar i samtalen. Eg vil med dette fortelje, at vi som bloggar, (reknar med at eg har mange med meg) ikkje synes vi er bedre enn alle andre. Vi synes ikkje at alle andre tek "feil" i smaken sin. Vi MÅ ikkje vise fram alt vi har rundt oss, for å få skryt... Vi bloggar for å leve ut draumar og kreativitet. For å vere ein del av eit samfunn der det er OK å vere langt over normalen oppteken av hus og heim. Det er OK om ikkje de føler det på same måten!!!

Eg var temmeleg tom inni meg i fjor haust, når eg tok mot til meg og åpna bloggen min mot verda. Det var skremmande, og eg kjende meg så dum og lita. Det tok ikkje så lang tid, før eg vart kjend med fleire her inne. Og reisa har vore fantastisk! Sjølvtillit og smil kom på plass igjen, og dagane fekk eit nytt innhald. Eg har vore sjukmeld lenge, og NAV synes dette var ein glimrande idè for å kome i gang igjen. Sakshandsamaren min les Draumesidene :) Til slutt vil eg minne om at det er lett å gjere seg opp ei meining om folk, og veldig lett å kritisere valg og handlingar. Det er ikkje alltid ein kjenner heile historia deira...

Eg ynskjer alle lesarane mine ein flott augustmånad, også dei som sitt med kritiske auge... Eg er berre Elin. Full av feil. Men med eit stort hjerte. Ganske naiv. Ein drøymar, som ELSKAR å styre på i huset sitt. Og det er vel ikkje straffbart vel? Nesten 50.000 unike treff på 10 mnd.? Noko må vel vere rett i det eg gjer? Neste skritt... Kven veit? ;)

Slutt å lese bloggen min, viss du sitt etterpå og tenkjer : kva i alle dagar er det ho bruker tida si til? Slutt å bruke tida di på meg! Noko så vekk kasta! Gå deg heller ein tur, og smil til medmenneska dine, det er mykje meir fornuftig!!! 

Elin