Me, my camera & my dreams...

Får stadig kommentarar og mailar om fototekniske ting. 

Eg er slett ikkje god på slike ting. Det er meir learning by doing med meg. Eg har eit Canon EOS 7D, og tek bilder med to objektiv, Sigma 18-200mm, og Canon 50mm 1,4. Eg brukar stativ til dei fleste bilder på vinterstid. Eg redigerer i photoshop, og brukar RAW-format på bilda. Skrift og rammer hentar eg frå PhotoScape (gratisprogram på nettet) 

Det å ta gode bilder handlar om så mykje meir enn å ha dyrt utstyr. Ein må kunne å bruke kameraet, og ein må planlegge bilda på førehand. Eg er veldig impulsiv, det er nok difor eg kan spy ut innlegg dagleg i periodar. Men til slutt handlar det om å kunne inspirere andre. Om å skape ei stemning i bilda dine.

*

Eg er på vei inn i ein ny fase i livet mitt. Framgangen har vore enorm siste månedane. I den forbindelse har eg takka ja til eit prosjekt med ein arbeidsgivar. Det er jammen ikkje farleg å vere meg, har tilbod om fleire spennande jobbar. Meininga er å dra bloggen med på lasset. Det vil medføre ein del sponsa innlegg, men eg håper å kunne vere kreativ, og inspirere lesarane mine likevel? Veit ikkje heilt kva mottaking dette får, men for meg er dette nytt og utfordrande. Det viktigaste er å behalde denne herlege optimismen som boblar i og rundt meg for tida. Eg vil også prøve å kome i gang med freelancing for ulike aviser framover våren. Alt avhenger av om energien strekk til, og om kroppen er snill mot meg. Eg håper at lesarane mine forstår at eg må gjere nokre endringar, viss bloggen skal kunne bestå. 

Tusen takk for følget gjennom siste tre år og fire månedar.

Nokre har kanskje vore med heile vegen?

Uansett; takk for fine kommentarar,

gode smil og oppmuntring på

tunge dagar!

Draumesidene skulle hjelpe meg å halde fast på draumane mine.

Eg ser no at bloggen også har skapt nye draumar. 

Bedre draumar. Og no er dei i ferd med å gå 

i oppfylling... Og alle de der ute 

kan bli med vidare :)

Eventyret har så vidt byrja...

Elin