Kjøkkenkos i den første hauststormen

 

 

 

 

 

 

Her på Sunnmøre har fønvindane siste døgna gått over i storm, og store nedbørsmengder, vi snakkar plaskregn! Kroppen min er aldri glad i store lavtrykk, og når eg var pjusk frå før, passa dette uvèret veldig dårleg. Det er ein ting som hjelper, og det er varme og kos. Klare å slappe heilt av. Fyrer på peisen for første gong sidan i vår, og har kakao i koppen.  

 

 

Takk til alle som har meldt seg på GiveAwayen! Trekkjer ein heldig vinnar på søndag.

Er sjølvsagt berre å melde seg på, viss du ikkje har gjort det allereie?

 

Du finn informasjon HER!

 

 

Elin

 

 

 

 



Utanfor dobledørene på soverommet

 

 

 

Får av og til koselige mailar frå lesarane mine. Mange lurer på fargekodar, andre lurer på kva butikkar eg handlar i osv. Eg har prøvd å skjerpe meg og skrive litt under bilda. Så leit der! Men eg elskar å få mailar, så det er berre å sende spørsmål viss det skulle vere noko. Eg svarar så godt eg kan. I går fekk eg imidlertid spørsmål om noko eg ikkje har fått før. -kva er utanfor dei doble dørene på soverommet ditt Elin? Godt spørsmål. Eg har vist bilder før, men fann dei ikkje i farta. Og sidan det er ein nydeleg dag med sol, tok eg nokre bilder i full fart.

 

Der er ein fantastisk lufteveranda! :) Med ei utsikt som nok kan ta pusten frå dei fleste? Setter STOR pris på dette, så enkelt å hive ut sengekleda og lufte dei. Ikkje det at eg er den flinkaste i klassa til å huske på det, men eg har i alle fall inga unnskyldning for å la vere på fine dagar! Eg blir stadig meir forelska i mine nye dynetrekk og putevar frå BeachHouseCompany. Veldig mange var innom i går, men ikkje så mange melde seg på GiveAwayen? Eg veit ikkje kvifor, men av over 2000 sidevisningar, var det kun 40 som hadde lyst på nytt sengetøy? Eg er kanskje dårleg på å invitere til konkurransar? :) Eg veit neimen ikkje. Men uansett; eg trekkjer ikkje før neste søndag :) 

 

Gå til innlegget under, eller trykk

HER

for å bli med du også!

 

NB! Det har ingen ting å seie for min del kor mange som er med! :)

 

 

Håper måndagskvelden er fin!

 

 

Elin

 

 

 



Soverommet vårt, og GiveAway med sengetøy frå BeachHouseCompany

 

 

Sengeklede frå BeachHouseCompany, sengeteppe frå Himla, butikk Herlighet, pynteputer Home og tepper frå By Nord, butikk At Home. Glitterputa laga eg av ein topp frå BikBok, nedsatt til 39 kr ;) 

 

 

Eg får av og til mailar frå produsentar som vil at eg skal prøve produkta deira og reklamere for desse. Det er svært sjelden eg takkar ja. Men sidan eg allereie hadde fått eit godt inntrykk av svenske  BeachHouseCompany via Kjerstis lykke, var dette tilbodet litt for freistande. Eg har sjølv fått tilsendt eit sengesett i Plain White og ein nattkjole i kvitt, og føler verkeleg at eg kan anbefale produkta vidare! Der er mange fargar å velge i forøvrig. Selskapet ynskjer å kome inn på den norske marknaden i nær framtid.

 

Nattkjolen er av svært mjuk kvalitet, og er veldig god å liggje i. No skulle eg sjølvsagt ha vist fram herlegheita på meg, men p.g.a litt for mykje celulittar i kneområda mine, trur eg ikkje så mange hadde blitt imponert av akkurat det. Men Kjersti såg smashing ut i sin, du kan sjå bilda hennar HER. Kjersti er forresten dama bak ein av mine yndlingsbloggar!

Sengekleda var uvante, veldig mykje stretch i dei. Ikkje slike med "stivelse"i,  som eg er mest van med. Men det skulle vise seg at ein av og til bør prøve nye produkt! Veldig fornøgd :)

 

Det finaste med heile opplegget, er at eg får lov å gi bort eit sett til ein heldig lesar av Draumesidene! Det er ei stor glede å invitere til GiveAway igjen! Den blir trekt allereie neste søndag, så meld deg på snarast mogeleg :) 

 

Det er to kriterier for å bli med:

 

1. Du må gå inn på BeachHouseCompany sine sider og finne ut kvar dei hentar inspirasjonen sin frå?

 

og

 

2. Du må fortelje meg kva som er din favoritt interiørbutikk!

 

Ganske enkelt?

 

Svar på spørsmål 1. og 2. i ein kommentar under her.

 

 

 

1 lodd - kommentar

1 lodd - følger

1 lodd - dele/linke på blogg eller facebook,

bruk gjerne bildet over her :)

 

 

 Bli gjerne med, sjølv om du ikkje har blogg sjølv eller gmail konto, men husk å skrive ei adresse som eg kan nå deg på!
 

Ver snill å skrive kor mange lodd du tek
nederst i kommentaren din!

Lyst å bla i katalogen? Trykk HER  

 

 

 

Fristen er ute!

 

 

Elin





Haust i hagestova

 

 

 

 

Ny kopp frå Ahlens, skei frå Kremmerhuset

 

 

Må innrømme det; litt kjekt å gjere heimen lunare og tenne lys på kveldane. Likevel skulle eg ynskje at sommaren hadde varma oss meir enn han gjorde. Satsar på ein strålande fin haust og førjulsvinter!

 

I morgen vil eg leggje ut ein GiveAway, håper maaange har lyst å bli med i trekninga! To månader sidan eg feira 300.000 unike treff, og eg er overvelda over alle besøk sidan det? Eg har sagt det før, og seier det igjen; TUSEN TAKK til alle som ser innom Draumesidene!

 

 

Elin

 

 

 



Jenterom - prøver på nytt å imponere tolvåringen min...

 

 

 

 

 

 

 

 

Og denne gongen vart det innertiar :) Vi har halde på å tulla rundt på dette rommet sidan mars? Men det har vore vanskeleg å møte ein tolvåring sine ynskjer, fordi dei har vore så vage. I mitt siste forsøk denne veka, tenkte eg at ho nok stadig har eit ynskje om å vere større enn ho er. Huskar vel det frå min eigen barndom, med ei storesøster som hadde det meste av det eg lengta etter. Så løysinga var å lage eit rom som etter mi meining var litt for minimalistisk og vaksent. Men du  VERDEN for ein herleg reaksjon hos henne som skal vere der! Møblane er stort sett dei same som har vore der siste åra. Bordet har fått "svarte sokkar" og svart skuffe, rett og slett for at målinga hadde bobla seg nederst på beina, og så gadd eg ikkje å pusse og måle opp igjen heile. Skuffa har vore borte nokre år i kjellaren, og var blå. Senga er ny. Vi har bygd ramme sjølv nederst, og sett på hjul. Det skulle også vise seg å vere livsnødvendig med ein spegel på veggen, denne har eg hatt i 15 år og er laga av ei gamal ramme. Den har vore grøn, gullfarga, kvit og no lyseblå. Sengegavlen er ei bygningsplate måla med tavlemåling. Men utklipp frå magasin og internett viste seg å vere kulare enn krittskrift akkurat no.

 

Velkommen til alle nye følgjarar! Håper at bloggen kan inspirere!

Det er fredag, og det er sikkert mange som gleder seg

til helg? Håper den blir fin!

 

 

Elin

 

  



Krymping av kontorplass, og litt nytt frå IKEA

 

 

 

 

Litt ommøblering på stova, og behov for meir plass i kontorenden, medførte krymping av pulten min. I alle fall midlertidig. Elementa er frå Ikea. Billeg og smart. Just how I like it! Teppet og ny svart stol frå same leverandør. Ute stormar det og regnar. På tide å hente inn skinn og pledd? Verkeleg haustfølelse i kveld.

 

 

Tusen takk for så fine tilbakemeldingar på innlegget

under, eg vil fortsetje å drøyme!

 

 

 

Elin

 

 



Min draum

 

 

 

 

 

 

Eg drøymer. Eg håper. Eg prøver å aldri gi opp dette håpet. Eg har så lyst å arbeide igjen. Å kunne drive med det eg setter aller størst pris på; å fotografere. Det gir meg så veldig mykje, og eg veit at dette er ein livslang lidenskap. Ikkje alle kan arbeide med det dei likar best, eg veit det. Og kanskje bør det berre vere ein hobby. Men eg drøymer.

 

Med det eg vil kalle dårleg fotoform i dag tidleg, fekk eg besøk av eit lite nurk på snart to veker. Eg bad mammaen om å få lov til å øve meg på hennar vesle skatt. Med opplysning på førehand om at eg kanskje måtte avlyse heile seansen, føltes det ikkje så skummelt. Og det var nok ikkje det beste eg har gjort. Men kanskje det viktigaste; sidan eg nesten trakk meg på morgenen i dag, men klarte likevel å psyke meg opp til å gjennomføre. Det er mykje redsel som sitt i dei fysiske smertene mine, redsel for å bli verre. Det er ein psykisk kamp også. Den foregår kvar dag.

 

Det å få studere ein liten, fersk baby er nok den beste medisin. Blir like fasinert kvar gong eg får lov å ta bilder av slike små menneske. Gløymer alt som er trist og vondt. Difor er eg veldig glad for at eg fekk gjere dette akkurat i dag, ein ganske trasig onsdag i utgangspunktet.

 

Eg drøymer. Eg håper. Vil drive med fotografering på heiltid. Klare å ta kursa eg lengtar etter å gjennomføre. Skulle ynskje ryggen gav meg ein lang nok pause, slik at eg kom meg nokre skritt vidare. Det hadde betydd så enormt mykje. Både for livskvalitet og sjølvtillit.

 

Tusen takk til Stine og nurket hennar for nokre flotte timar!

Det gjorde verkeleg ein forskjell for meg i dag!

 

 

Elin

 

 



Soverom - in progress

 

 

 

 

 



 Kommoden kjøpte eg for snart 15 år sidan, og den har vore svart i 4-5år

 

Soverommet er sparsommeleg blogga om, spesielt denne veggen. Har likevel sett meg som mål å få til ei forbetring i løpet av neste vekene. Har laga ei ny hylle i alle fall, med element kjøpte på Clas Ohlson. Og så er det alt det gyldne som eg snakka om ein dag før. Rammene kjøpte eg for fleire år sidan, og tenkte at eg kunne måle dei. No passa dei plutseleg inn? Sengeteppet er nok frå same perioden. Nattkjolen er alldeles herleg, og er av merket Beach House.

 

Har ikkje nokon god plan på kva eg skal finne på vidare, så time will show. Satsar på ei strålande opplagd veke, med mange gode idèar! Det ynskjer eg alle som er innom også!

 

 

Elin 

 

 



Skråblikk på hagestova

 

 

 

 

Litt ny fotovinkel, og ikkje minst lekre nymåla svarte dører. Har lurt så veldig på om dei vart fine slik, men det var ingen ting å lure på! Hagestova har vore under arbeid sidan 2006, det er jammen på tide at alt blir ferdig! Puta fann eg på halv pris hos At Home i Ålesund. Alle varer i butikken var satt ned 50%. Masse fint!

 

Tusen takk for så mange tilbakemeldingar på innlegget under her! No er det laurdagskveld og oppladding til

tolvårsdag i morgen. 

 

 

Elin

 

 



Lovely?

 

 

 

 

 

 

Etter ei laber veke, er det fantastisk godt å ha klart å rydde kjøkken og stove før helga kjem. Blir faktisk friskare i kroppen når eg har ordna opp. Såg NIB hadde eige innlegg om rot her forleden, eg gidd ikkje å ta del i debatten lengre. Bloggarar har også rot. Ingen tvil om det. Men synes det er mykje kjekkare å blogge etter at eg har rydda.

 

 Eg fann ein kommentar langt nede her, trur den var frå juli. Ikkje alltid eg får med meg alle, spesielt viss det kjem kommentarar lenge etter at nye innlegg kjem til. I alle fall; det var ei koseleg dame som ville vite om eg har hatt same stilen i huset heile tida. Der kan eg svare eit absolutt nei! Var mykje meir shabby chic ein periode, men før det igjen ligna det nok litt på den stilen eg har no. Eg bloggar ikkje for å prøve å likne på andre, men eg plukkar ivrig inspirasjon frå andre! Eg innser at stilen min ikkje er slik at dei fleste gispar, og tenkjer at SLIK vil dei også ha det! Men; for meg handlar det om å vere seg sjølv, på godt og vondt. Det å kunne gjere ting med interiøret, fordi ein har friheit til å skape sine eigne uttrykk. Så får eg berre innsjå at eg aldri vil bli ein av dei bloggarane med flest følgjarar og mest treff. Eg prøver i alle fall å vere meg sjølv, og akseptere at eg er litt sær ;) 

 

Eg synes huset byrjar å få ein slags balanse, det har eg streva med. Det høyres nok latterleg ut for dei som ikkje er interiørfrelste, men eg drøymer stadig om ei slags heilheit i første og andre etasje. Uten å gå konkurs. Dei tinga vi styrar med no kostar ikkje all verda, men utgjer ein stor forskjell.

 

Kva råd eg vil gi? Eg er neimen ikkje sikker. Vi er alle så veldig forskjellege. Eg trur det handlar om å finne fram til ting som ein blir glad av å ha rundt seg? Om det er gjenstandar, fargar el.a. Og så vil eg understreke at eg likar SVÆRT mange ulike stilar. Trur eg har ein fordel der; eg let meg inspirere av det meste!

 

Vil ynskje alle ei flott helg,

om kroppen er på lag, skal eg få på plass ei fotoutstilling

der flinke barn har vore i aksjon!

 

Gleder meg!

 

 

Elin