Black and white in the livingroom

 

 

 

 

Har prøvd meg på fargar i interiøret før i år. Og eg har likt å ha ymse fargeklattar rundt omkring, i form av puter og bilder. Men no går det mot haust. For meg er haust og vinter kvitt, svart og grått. Sånn er det berre. Men nytt av året 2012, er også min fasinasjon for gull og gyldne innslag. Har eit interiørblad frå i fjor haust, som eg stadig har kika på. Lurte på om eg kom til å like denne nye trenden etter kvart? Og som eg tenkte; no er her some glitter & gold i huset.

 

Så skal eg også prøve å ha nokre grøne planter for å gjere interiøret litt meir fargerikt. Eg er ingen stor inneplante-fan, men prøver innimellom med meir eller mindre vellukka forsøk. Den planta som eg har hatt lengst, er ei corokia kjøpt for eitt år sidan. No ser den litt pjusk ut, men det er nok fordi eg har gløymt å vatne den nok. Den vil faktisk ha ein del vatn? Så når eg var innom den vakre butikken Mille Fleurs i Ålesund, og dyktige Susanne hadde ei flott, stor corokia igjen, slo eg til. Krukka kjøpte eg til halv pris hos Home&Cottage i sommar, og eg synes dei to kledde kvarandre?

 

Så skal eg fundere vidare på kva anna grønt som skal få sleppe inn i huset.

 

 

Forresten; eg har takka ja til ein flott GiveAway, skal kome tilbake med meir informasjon etter kvart. Reknar med at det er mange der ute som ynskjer seg nytt, lekkert sengetøy til mørke haustnetter? Det gjer i alle fall eg!

 

Tusen takk for alle fine tilbakemeldingar. Eg tenkte det før i dag; no har eg blitt ei slik sær bloggedame som aldri kjem seg til å skrive tilbake til andre. Ei sånn som irriterte meg før... Beklager, det ligg meir bak enn det eg har lyst til å dele her inne. Men i alle fall, som eg har sagt tusen gongar før; kommentarane held meg i gang! Tusen, tusen takk!

 

 

Elin

 

 



Nytt bad i ein fei!

 

 

 

Gjort på ein, to, tre :) Den blå/lilla kanten på veggen har fått fargen Thunder Sky frå Pure&Original. Du får kjøpt målinga fleire stadar i Norge, bl.a.hos ZanZ på Lillestrøm, eller hos Karisma Interiør i Ålesund. Mi heimesnekra baderomsskåp vart plutseleg grå, nærmare bestemt i fargen Elephant Skin, med svarte lister. Eg er KJEMPEfornøgd! Hylla på veggen (som er ein kopi av ei hylle frå 1800-t) vart også svart. Og til dei som blir stressa av at eg tør å måle desse tinga mine, så kan eg berolige og fortelje at eg aldri har angra på slikt. Eg er ganske god på å leve i nuet når det gjeld interiørting.

 

Viss du vil vite meir om måling av baderomsfliser; besøk

Franciskas Vakre Verden HER!

 

Må vel kanskje også innrømme at det med 1-2-3 ikkje var så fort unnagjort i mitt tempo, og med måling med liten pensel uten maskering for å få alt så fint som mogeleg... Men viss du måler store flater, er det faktisk gjort på ein svusj! ;)

 

 

Elin

 

 



Nytt frå Jotun/Lady

LADY Pure Color 10341 Kalk

Diskret komfort og feminin eleganse i temaet SIMPLE LIVING. Veggene her er malt i LADY Pure Color 10341 Kalk. Hyllen på veggen har fått et par strøk av fargen LADY Supreme Finish Superblank 9918 Klassisk Hvit.



LADY Pure Color 10341 Kalk og 10429 Diskret

Farget listverk er nytt og spennende og kan skape en helt ny innramming. Her er listene malt i vår nye farge LADY Supreme Finish Silkematt 10429 Diskret. Veggen har fargen LADY Pure Color 10341 Kalk.

Bilder og tekst er lånt frå Lady Inspirasjonsblogg som du finn HER!

Eg veit snart ikkje opp og ned på meg sjølv, og sidan eg står og prøver å måle litt kvar dag, var det kjekt å sjå slike spennande nyheiter frå Jotun! Ellers må eg få takke for fine tilbakemeldingar; veldig kjekt at folk har tid til å skrive nokre ord :) Eg er i interiørmodus, og det gjeld å skrive ned gode idèar sjølv om eg veit at dei ikkje er gjennomførbare akkurat no. Har også vore heldig å få lov å vere med i nokre prosessar der andre treng interiørhjelp. Veldig kjekt, og absolutt noko eg kunne tenkje meg å jobbe meir med i framtida.

Det kjem bilder frå mine 1000 prosjekt når eg landar...

viss eg landar.

Elin



Nye hyller med "betonglook" på hagestova

 

Kjekt å få til noko med enkle midlar sjølv! Viser til forrige innlegg om korleis eg laga til hyllene. Innser likevel at det sikkert er eit vanskeleg prosjekt, viss du ikkje har styra med sparkel, saging og tilpassing før. Ein må ha ei viss mengde tolmod, det er ikkje som å skru saman eit ferdigmøbel. Sjølve møbelet har eg hatt i hovudet heile sommaren, og beina vart saga i rekveddungen i juni. Ein endå enklare måte å få slike røffe hyller på, er å bruke vanlege hyller, og måle med Pure&Original kalkmåling. Eller sparkle trehyller? Det kan hende det også går bra? Hyllene er super-upraktiske med tanke på støvtørking, vannsøl osv.osv. Men WHO CARES? Så lenge eg er lukkeleg akkurat no?

Eg boblar over av tilsynelatande gode interiøridèar om dagen, men eg har desverre ikkje forma inne til å realisere alle. Men litt sysling kvar dag. Det er målet.

Ha ei fin, kreativ ny veke der ute!

Elin



Nye betonghyller / Concrete shelves

 

For nokre dagar sidan fekk eg ein idè om korleis eg kunne lage betonghyller til hagestova. Og det var såpass enkelt at eg kunne klare det sjølv. Når vi sette opp peisen vår på kjøkkenet, brukte vi spesialplater, som dernest vart sparkla og måla. Vi har hatt nokre rester av desse platene i kjellaren sidan (svindyre), og eg fann til mi store lukke at der var nok til prosjektet mitt. Eg har tatt bilder på morgenkvisten, og skal få tid å lage til eit større innlegg i kveld eller i morgen. Eg kan seie såpass at eg er storfornøgd!

 

Nyt søndagen!

Elin

 



Fredagskjøkken og Nicolas Vahè

Snart helg, og ganske lenge sidan eg viste kjøkkenbilder vel? 

Har fått spørsmål om dei ulike glaskrukkene med innhald som står ved ovnen og på kjøkkenvifta. Dette er matprodukt frå Nicolas Vahè. Eg har kjøpt dei hos Herlighet i Ålesund, som har eit stort utvalg frå denne leverandøren. Masse spennende saker til kjøkkenet, både panner, skjærefjøler og ting du kan bruke når du kokkelerar. Mi sist innkjøpte krukke er Lemon & Ginger Salt, just lovely! Og alt med eit flott design; gjer ikkje noko det?

Ynskjer alle ei flott helg!

Elin



.

Gangen i august...

Elin

Soverommet mitt med gyldne detaljar og betongvegg (in my dreams)

Ikkje heilt ferdig... Men snart... Vurderte å bytte ut sengegavlen, men eg er såpass emosjonelt knytt til desse gamle plankane, at eg klarte ikkje å ta dei bort... Dessuten er der herlege gyldne tonar i det grå, vèrbitte treverket ;) Eg har fleire prosjekt på gang i huset på ein gong, så eg held på litt over alt. Og som vanleg går det ikkje så fort, men det går framover.

Har måla diverse med Pure & Original kalkmåling, kjøpt hos KARISMA interiør, Ålesund. Visste ikkje at denne butikken hadde desse produkta? Gleda var stor når eg fann det ut. Dei hadde godt utvalg i fargar, hadde inne begge eg ville ha.Veggen bak senga har fargen Elephantskin. Stria mi, som eg hatar, vart i alle fall litt finare med denne grove finishen.

Ny redigeringsmetode på bilda mine i dag, veit ikkje om eg beheld denne teknikken? Kanskje blir dei lyse bilda sakna? Har berre behov for litt meir fargar og mørkheit i bilda mine. Trur eg... Time will show. Ein veit aldri når ein heiter Elin.

Elin



Pirates of the fjord

No er vi slitne alle mann, etter ein fantastisk dag med bursdagsfeiring nede ved fjorden. Lillebroren runda 7 år ved midnatt, og det måtte vi sjølvsagt markere! Hovedpersonen vakna klokka 6 (!!!), og sjølv om eg sov litt meir i 8-9 tida, må eg innrømme at det også er godt å vere ferdig med barne- og familieselskap. Eldste piraten, med lapp over auget og raudt halstørkle, var 91 år ;)

Endeleg kjem det også nokre bilder frå paradiset vårt, ein stad vi er veldig glade i. Pynta for sjørøverfest med alt det inneber :) Eg har laga sjørøverflagget av svart kartong, og klipte deretter ut dødningehovudet av kvitt papir. Enkelt når eg hadde noko å sjå etter. Vimplane er klipte ut i to ulike stoff, og limte med limpistol på ein hyssing. Verdens raskaste pynt, var gjort på ein halvtime alt saman.

Ellers har eg fått gjort mykje i huset siste veka, spennende forandringar på gang. Det blir nok bilder etter kvart. Må berre bli litt meir ferdig først.

Ynskjer alle ei flott, ny veke!

For ungane her sin del, den siste i sommarferien 2012...

Vi skal nyte sol og seinsommar max!

Elin



På leiting...

Inspirasjonsbilder lånte frå bloggen til TineK

Befinn meg stadig langt inne i draumeverda mi med vakre bilder og roleg musikk.

Venner meg sakte til at hausten nærmar seg. Og det kjennes godt å gjere huset lunare. Lampane er i bruk igjen på kveldstid, putene blir brukt meir inne enn på hagestova, og telysboksen er heldigvis full etter besøk på IKEA i sommar. Vi vil gjerne ha meir sommar, ikkje misforstå, men det er så godt å kjenne at eg godtar at det går mot mørkare tider. Men den varme sommaren; den kom liksom aldri i år heller? Kanskje neste år...

 

Elin

 



Sweet summerfriend

Eit aldri så lite hallo frå meg!

Rakk å ta nokre bilder av ein skjønn, liten sommarven før i dag. Veldig kjekt å få ta portrett av barn for vener. Blir liksom ikkje nervøs heller, når det er sånn i farta. Ofte då bilda blir best?

 Er så heldig at eg har klart å jobbe litt i det siste, og er no midt i eit fotoprosjekt for ungdom. Frivilleg arbeid, men så kjekt! Angåande interiørinnlegg, måtte eg berre ha ein pause. Og den varer nok ei stund til. Litt lei av alt for tida? Vart mykje blogging i juli, og då kjem det som regel ein aldri så liten nedtur i etterkant. Men vi har spennende saker på gang i huset, så det blir nok fart i blogginga igjen? Men hovedfokuset etter endt fotoprosjekt, blir 7-års feiring på søndag, piratfest ved fjorden. Og jammen er det meldt sommarvèr også?

I`ll be back ;)

Elin

 



Nytt interiørmedlem in da house

Gyngestolen sa at han følte seg velkommen... ;)

Fint med slike overraskelsar på ein heilt vanleg torsdag!

Tusen takk for alle kommentarar og mailar som har kome inn siste dagane og vekene. Eg skal prøve å få svart på alle spørsmål! Har fått fleire om korleis eg får til bilda mine slik som dei er. Vel, det hadde vore enkelt å forklare viss eg var litt flinkare teknisk, for då hadde eg visst korleis eg skulle gjere det! Eg har eit veldig fint kamera, Canon EOS 7D, og det beste objektivet mitt er eit Canon 50mm. Det er det eg har brukt til å ta bilda i dagens innlegg. Det er viktig å ha mykje dagslys! Dernest tek eg alle bilder med manuell innstilling, med ein veldig lys kvitbalanse. Denne kan du variere alt ettersom kva fargeglød du vil ha i bilda dine. Eg slepp også inn mykje lys når eg tek bilda. Gløym lysmålaren i balanse på midten! Så redigerer eg bilda mine i PhotoShop. Eg brukar RAW format. Ellers har eg halde på snart tre år med prøving og feiling, og det har blitt over 20.000 bilder.

Mitt viktigaste råd er å våge å prøve, og feile!

Dersom du er frustrert, og ikkje kjem vidare; ta eit fotokurs!

Bur du her på Sunnmøre, kan du sjekke opp sidene til

 John Colbensen, JC foto

Absolutt verd tid og pengar!

John er ein prisvinnande fotograf,

og er i tillegg ein kjempeflink og tolmodig lærar!

Elin