...og meir julestemning på soverommet! :)

Den nydelege vimpelrekkja har verdas beste Hildegunn laga!

Synes ho passa perfekt på draumesengegavlen :)

Takk for alle nydelege ord i innlegga under!

Dokke er best!

Ha ein fin kveld!



Jul på soverommet

Denne herlege puta kjøpte eg på Kremmerhuset i går. Eg forelska meg i henne på ein av mine fototurar før i november, og i går fekk ho bli med meg heim. Har knapt kjøpt noko som helst til huset denne hausten. Og det er eg veldig stolt av! :) Men no synes eg jammen at eg fortente ei ny pute! :) Ho har fått heidersplass i korgstolen på soverommet, og eg blir så glad av å sjå på henne! Ho kjem nok ned i første etasje i næraste framtid... Eg har gode dagar, saman med andre interiørfrelste damer. Det er så kjekt å få bli kjend med nye menneske, som likar dei same tinga som eg! Tusen takk så langt til Kristine, Linda og Tove som har tatt meg med inn i heimane sine! Eg kjem til å vise fram bilder frå besøka mine, i etterkant av publiseringa i Sunnmørsposten. Eg veit enno ikkje om reportasjene kjem i nettavisa deira. Første del av serien min kjem på laurdag.

Eg skal ha nokre rolege dagar, er planen. Sola skin frå skyfri himmel, og minusgradene riv i nasen. Fekk akkurat telefon om at peisinnsatsen vår har kome til butikken. Og DET var BRA! For neste veke er det meldt ned mot tjue minus? Er det mogeleg? Heldigvis var montøren også ledig, så snart knitrar det i ved på kjøkkenet igjen! GLEDER meg! :)

Har fleire bilder frå soverommet,

men trur eg må vente med å redigere fleire

til i kveld. Håper dagen din er FIN!



Julekort 2010 volume 2, dei var visst ikkje så verst likevel? :)

Kanskje var ikkje lyset så verst likevel? Hi-hi! :) OK! Eg innrømmer det; eg var STRESSA før i dag!

Har blitt litt vel fullt oppe i hovudet mitt, og med kurset i tillegg til alle bilda og skrivinga, ... Eg er ikkje van til å ha det så travelt! Men no skal skuldrane ned. Heilt sikkert. Og eg kosa meg stort i ettermiddag, tok ein pause frå interiørbilda, og tok meg av mine eigne skattar. Alven min frå i sommar; ho blir stadig større... Og lissjeprinsen min som er i ferd med å bli stor skulegut... Så velsigna heldig vi er som har desse to borna våre. Og dei synes til og med at det er kjekt å bli med mamma på fototur! Det viser nok att i bilda?

Nyt kvelden der ute! Tusen takk til ALLE som har vore innom, og ikkje minst lagt att så fine kommentarar. Eg kjem sterkare tilbake i veka som kjem, akkurat no blir skrivinga mi konsentrert til reportasjene. To er ferdige :) Eg har så mykje fint eg vil dele med dokke før jula er her på rett! Eg trur eg har hatt veldig godt av å jobbe, idèane berre strøymer på? Og sjølvsagt er målet å inspirere ALLE som tek turen innom! :)



Rykande ferskt julekort anno 2010 :)

... men eg er ikkje fornøgd... Lyset var ikkje på mi side i dag, og sjølv om borna gjorde ein kjempeinnsats, har eg få bilder som er gode nok til julekortbruk... Men det kan godt hende at det er dette bildet som blir sendt ut? I alle fall kjekt å kunne sende ei helsing til alle dokke der ute!

Eg har jobba med reportasjer sidan klokka åtte i dag,

og kanskje dokke også vil sjå korleis utsikta mi var då?

Apropos julestemning...

Det var godt med ein tur ut med fotografering av ungane, men
søndag, eller ikkje... Eg må bli ferdig med all skriving og redigering!

Take care!



Gamle julekort...

Ville så gjerne dele litt fleire av julekorta eg tek vare på. Dei er frå rundt 1900-talet :) 

Her er det endeleg helg, kom heim frå siste økta av Photoshop Lightroom kurset for eit par timar sidan. Er godt gåen, skal innrømme det, men det er så veldig kjekt å ha klart å gjennomføre dette! Måndag, onsdag, i går og i dag. Vi lærte ikkje så mykje om redigering i denne omgang, men om sjølve bruken av programmet. Litt redigering vart det imidlertid, og eg er mållaus av å ha sett ein flik av alt ein kan gjere ved hjelp av Lightroom. 

I går hadde eg ein flott dag hos koselege Linda, og hennar familie. Linda snakkar stadig om å få seg ein blogg, og eg håper at ho kjem i gang snart! Huset deira var fantastisk, og eg tok nærare 300 bilder... Ikkje for at eg måtte, men for at eg ville få med meg "alt" som var å fotografere. Eg skal ta tak i dette i morgen, for på måndag brakar det laust i eit nytt hus. For spesielt interesserte kan eg vel nevne, at dama der stadig drøymer om å få seg sin eigen eplehage? ;) Hmmm... Kven kan DET vere mon tru? :)

Ha ein VAKKER kveld!



Jul ved kvennhuset

God helg!



Jul ved fjorden min...

For deg som har lest bloggen min i eitt år, har du vore med på denne turen før. Men eg tek sjansen på å vise bilder frå ein av mine yndlingsstadar ein gong til. Eg vaks opp nede ved fjorden, fordi mormor og morfar budde der. Kan aldri huske å hatt redningsvest; vi måtte lære å passe oss! Vinteren var det alltid kaldt og utriveleg nede ved båthusa. Slik huskar eg det i alle fall. Men no har eg ei heilt anna oppfatning. På fine dagar, sjølv om gradestokken nærmer seg null, kan ein kjenne varmen frå sola når ein står inntil naustveggane. Dei fleste bilder eg har tatt til julekort i det siste, er tatt nedanfor naustet til mamma. Eg nyt denne staden. Eg var også så heldig å få bu her ned til vannkanten i tre år, før vi bygde huset vårt.

Hjertet i innlegget i går kom frå verdas vakraste Eplehage,

og hjertet over her meiner eg at eg vann hos vår alles kjære Maliva? :)

Eg må ha hatt ei voldsom hjertevinnarlukke i fjor?

I dag er eg og lagar mi andre reportasje, i eit julepynta hus :)

Den kjem forhåpentlegvis ut neste helg i

Sunnmørsposten. Er det noko som heiter å gruglede seg? ;)

Det kan hende at det også kjem bilder i nettutgåva.

Og det hadde no vore kjekt? Eller?

Ha ein uendeleg god vekeslutt alle saman!



Epler til jul...

Epler høyrer til i juleminna mine. Gjerne Gravenstein. Mamma sine favorittar. Og mine. Påverka i oppveksten? ;) Epler er lekre å fotografere. Desse bilda er frå 17.nov. i fjor, litt tilfeldig at eg valgte dei i dag, men ser at eg nesten traff på eittårsdagen deira! Skjebnen? Håper du også får vinter og julekjensle av dei :) Eg synes det er så kjekt å lese bloggar litt rundtomkring, og sjå gode idèar til julepynting. For som mange seier; det er ALLTID lurt å starte i god tid, for å kunne kose seg undervegs...



Epler er sunn og god julepynt!

Håper alle har ein fin kveld,her har lillemor bestilt popcorn til"Hvem kan slå Aamodt og Kjus."

Sist torsdag var det jubel i heimen, for ho held med Ylvisbrødrene :)

 

Julehjerte på gamalt vindu

Her har vore ein fantastisk vintermorgon. Ein kan merke den blå timen, lufta er kald og klar. Fjorden ligg gråblå og stille under snøvdekte fjellsider. Eit perfekt julekort! Og eg er så heldig å sitje her på fjellhylla mi og nyte det heile... (uren-luren-himmelturen...) Den kassa med julepynt frå i går, var jammen spennende. Eg har tatt ut litt til. Må liksom porsjonere litt, og ikkje sjå alt på ein gong! :) Hukommelsen min er det så som så med. Eg huskar ikkje alt eg hadde laga til og kjøpt inn i fjor. Eg var ny i bloggverda, og vart veldig påverka av alt det skjønne som eg såg rundt omkring. Trur kontoen min skreik høgt meir enn ein gong? Hjertet som heng på det gamle vinduet på kjøkkenet, trur eg at eg vann? Men kvar? Er det nokon der ute som har sendt dette til meg??? Meiner det er ein premie? At det går an å gløyme av å ha fått noko så fint, og med kven?

Eg trur vinduet skal få litt julepynt etter kvart? Har ikkje så mange idèar enno til årets pynting. Prøver å vere litt kreativ, og forandre på ting frå år til år. Det hadde vore alt for enkelt, om alt hadde sin faste plass? ;) Akkurat no er det så fullt i hovudet av alt mogeleg anna, at eg trur julepynting av hus får settast på vent. Kurset eg er med på, Photoshop Lightroom, er veldig interessant. Har vore to kveldar, og skal fullføre dette i morgen og laurdag. I morgen er det også eit nytt besøk i eit hus som er julepynta, og eg skal få lov til å ta bilder. GLEDER meg! Trur ikkje eg skal kjede meg denne helga heller?

Ta vare på torsdagen,

smil til folk du ser,

kanskje er det

akkurat det dei treng,

for å smile tilbake?

Klem

Elin



Gjenoppliving av heimelaga julepynt, på soverommet...

For etter å ha vaska soverommet, og fått lufta skikkeleg i det vakre vintervèret, var eg opp på mørkeloftet etter minste kassa med julepynt. Der eg har det eg er mest redd for... Nokre gongar gjennom siste året, har tanken slått meg; kva viss nokon har lagt noko tungt på toppen ved eit uhell? Blir jo sett op ein del ting der, og uten lys er det fort gjort... Så eg fekk meg ein støkk, når nokre store tre-englar låg på toppen. Pulsen steig raskt, og eg tok bort plasten som låg under. Der låg dei, nesten like fine. Avispapirpynten min frå 2009... Litt prega av englemedfarta, trong dei førstehjelp. Det gamle vaskestativet på soverommet skulle vise seg å vere eit glimrande rekonvalesentopphald for litt syndtrykt julepynt! :) Eg huskar ikkje kvar eg fekk idèen, men eg meiner dei er veldig Elinifiserte? Ser eg har litt kulepennmerker i kantane, eg huskar eg stod på kvelden og laga desse, tydelegvis med dårleg lys!

Lillemor gispa når ho kom frå skulen;

MAMMA har du tatt ned julepynten!? :)

Håper kvelden din er GOD!

Elin



Litt frå mi ynskjeliste...

Snille jenter har det med å få fine gåver. Eg har det med å kjøpe ting til meg sjølv... ;) Men det er for at eg har så sær smak, får eg høyre. Det er greit. Men dagens ynskjer trur eg fleire der ute kan like? Herlege Lisbeth, med den vakre bloggen Hyacinth`s Cottage Home, har litt av skulda... Ho hadde nemleg eit innlegg i går om denne nydelege julepynten frå Lene Bjerre. Det er sjelden eg viser bilder som eg ikkje har tatt sjølv, men dette får bli eit unntak. For desse skjønnheitene er det kanskje fleire som vil ha tak i?

Gå inn HER for meir inspirasjon.



Have a lovely day!


Elin

Det er vel lov med eit juleinnlegg no? :)

For vi har bikka midten av november? Tusen takk for alle underbara kommentarer! Det er så fantastisk å dele gode nyheiter her inne! Dei blir liksom endå bedre når folk er så entusiastiske! :) Mine dagar er veldig julete. Eg sitt og redigerer julebilder, og høyrer julemusikk, og skriv om juleting... Er det rart eg er i høgtidsmodus? Eg skal fortelje meir om prosjektet mitt, når alt er i orden med oppdragsgivar. Og sjølvsagt dele bilder, som ikkje blir brukt i reportasjene. Det er mogeleg at ein del av bilda også vil leggjast ut på ei anna nettside enn denne. Det eg KAN seie allereie, er at eg elskar det eg jobbar med!

Her i heimen er det ikkje julete. Har sett gjennom innlegga mine i fjor på same tida, og då var eg jammen tidleg ute med diverse. Akkurat no har eg nok med dei skjønne heimane eg får besøkje, som osar av stemning. Nesten som ein skvett når ein kjem ut att i friskluft, og innser at det enno er halvannan månad til jul? Jammen bra, så kan vi glede oss endå meir?

 

Bildet er frå det nydelege huset til Kristine.
Bambi, heldigvis med både mamma og pappa, frå Kremmerhuset.


Nyt kvelden!

Klem E

Heisann og hoppsann! Her er eg igjen! :)

Hei alle saman! Tenk at det er ei veke sidan siste skikkelege innlegg! Tida går utruleg fort mot jul! :)

Grunnen til mitt fråvèr er så enkelt, som at eg har byrja så smått å jobbe. Eg har vore sjukmeld i snart tre år, så det kjennes fantastisk å vere i gang igjen. Men så var det dette med å starte litt roleg... Det er veldig lett at ballen rullar alt for fort... Det har skjedd mykje spennande her siste tida. Nye bekjentskap som får meg glad og inspirert, og bloggen hjelper meg veldig på vegen fram mot nye og spennande ting. Eg styrar stort sett med det eg har gjort siste året, alle dagar. Nemleg å ta bilder og arbeide med tekst. Berre at no er det til andre formål enn bloggen. I veka som kjem skal eg gjennom eit 13 timars kurs i Photoshop Lightroom. Håper rygg og nakke samarbeider. Blir SÅ kjekt å lære meir om redigering!

Eg er kjempetakknemleg for dei oppdraga eg har fått, og dei tinga som ventar fram mot jul. Eg får gjere alt eg likar best; ta bilder, skrive, og møte menneske som gjer store inntrykk på meg. Dette frå dei aller minste, til dei som er litt størrelse på :) Laga mi første "Heime hos" reportasje i går. Tusen takk til Kristine og hennar familie, for at eg fekk kome! Så får vi sjå om produktet passerer nålauget hjå oppdragsgivar, i så fall skal eg lage tre til før desember er her :)

I dag har det gått i portrettfotografering, av både små og store. Legg ved bilder av ei nydeleg, lita pie, som sjarmerte meg i senk! Tenk å få lov til å ta bilder av slike sjarmtroll! :)

Håper du også smilte?

Eg ynskjer alle saman ei flott ny veke!

Så sjåast vi... snart?

God klem

Elin