...

søndag 30. september 2012

Hagestova

 
 


 
 


 
 
 
Storesøstra mi har strikka puter til meg,
mønster funne hos DROPS.
 
I morgen er det oktober. Vi får finne fram varmare klede, og pakke bort siste rest av
sommaren. Trea har blitt gule, og hagen er i ferd med å gå i dvale. Det er fantastisk med
solgløtt og varme strålar innimellom, men vi har allereie skrapa is på bilruta. Eg håper på
at komande månad gjev oss fine dagar med strålande lys, for etterpå ventar den mykje
mørkare november.
 
Draumesidene feirar tre år i veka som kjem.
Fine premiar ventar heldige vinnarar i GiveAway!
Eg gleder meg til å få gi bort nokre fine saker!
 
 
Ynskjer alle lesarane mine ei flott oktoberveke!
Her på Draumesidene blir det fest!
 
 
Elin
 
 
 



Formiddag på terrassen siste dagen i september

 
 
 
 



 
Håper din siste dag i
september 2012 er fin!
 
Elin
 
 


lørdag 29. september 2012

Kjøkkenet på ein laurdag

 
 
 



 


 
Sidan eg har skrevet lange avhandlingar på siste innlegga,
blir det lite tekst i dag.Ynskjer alle ein flott laurdag,
og ei fortsatt fin helg!
 
TUSEN TAKK for alle fine helsingar
angåande reportasja i huset vårt!
 
 
Elin
 
 


fredag 28. september 2012

Huset vårt i Vakre Hjem & Interiør

 
 
 Det er dagen derpå, reportasjebesøket eg har grugleda meg til i månedar er over. For eit menneske i full form er eit slikt prosjekt godt overkomeleg. Men eg må innrømme at eg var så sliten i går kveld, at eg lurte på om eg kunne stå opp i dag? Men det gjekk fint. Må rekne med nokre rekonvalesentdagar framover, men eg satsar på at ryggen tek seg inn igjen. Eg gjorde ingenting i går, bortsett frå å finne fram lys, fyrstikker og anna praktiske småtteri. Anna og Carina fekk styre som dei ville, det hadde eg bestemt på forhånd. Eg hadde heller ikkje klart å engasjere meg i alt rundt, det visste eg ville bli for mykje. Ein kjenner sjølvsagt presset psykisk også. Eg var kjemperedd for å få ein slik dag der eg knapt rullar ut av senga, eller ein slik der hovudet og nakken verker så eg ikkje klarer å sjå skikkeleg. Men det var ein fin morgen i går. Vi hadde streif av sol på terrassen, sjølv om det var meldt regn. Alt i alt flaks med det meste :)
 
I forkant av reportasjen hadde eg vurdert om eg skulle låne ting til huset, men fann fort ut at eg ville ha mine eigne ting. Det eg imidlertid ikkje har i hus, eller ser grunn til å investere i, er eit sengeteppe. Så vart også fristelsen for stor med nokre nydelege puter frå DAY HOME. Herlighet-damene lånte villeg ut begge deler. Eg er dei stor takk skuldig! Det har vore veldig flott å få så fin sørvis der! Likedan vil eg takke Anita og Bjørn på Ølen Møbel, som let meg handle sjølv om dei ikkje har nettbutikk! Det var så fint å få putte litt nytt i hyllene før bilda skulle bli tatt.
 
 
Eg er ein av dei som stadig skriv om kor viktig det er å bruke oppatt, men selvfølgelig er det meir morsomt å blogge når ein kan vise fram nye ting. Og eg må innrømme at eg har vore som eit barn på julaften når eg har fått mine nye ting i forkant av reportasjen. Likevel innsåg eg i går, at mange av tinga eg har framme, har vore her i fleire år. Og eg går som regel for rimelege løysingar, kreative prosjekt, i staden for nyinnkjøpte, ferdige ting. Storesøster hjalp meg å snekre saman 9 stillasplankar før i veka. Deretter tok vi på kalkmåling. Resultatet er nytt bord på loftstova. Materialen kosta 150kr. Og vi ELSKAR vårt nye bord! :) Og så håpar eg at jenta får sansen for slikt, og tek det med seg i livet vidare.
 
 



 
Så med dette vil eg takke Anna og Carina og alle andre som har vore med på å verkeleggjere draumen min om å klare dette løftet. Tusen takk også til storesøster Kristin som har strikka flotte puter til meg! Skal vise desse i eit anna innlegg. Og ikkje minst takk til mannen min (som er sliten no) og mine to fantastiske barn som har stått på fordi eg ikkje klarer... Er frykteleg spent på korleis omgivelsane reagerar på at vi er med på dette? Bur i grisgrendte strøk, der Jantelova til tider kan vere beinhard.
 
Uansett; artikkelen kjem i Vakre Hjem & Interiør, oktober 2012
 
Så får det gå som det vil,
eg kjenner meg ganske så tøff
som har gjennomført dette!
 
 
Elin
 
 
 


torsdag 27. september 2012

Storfint reporterbesøk av Anna og Carina :)

 
 
I dag har eg hatt besøk av to dyktige, svenske damer. Anna Truelsen og Carina Olander har vore i min bloggroll temmeleg lenge. Carina heilt sidan eg byrja å blogge hausten 2009. Eg har sett arbeidet deira i ulike magasin og på nettet. Eg vart difor så glad når Anna tok kontakt og ville kome på besøk til oss. Eg har fått fleire spørsmål om dette med å ha heime-hos reportasjer. Der har vore ein del tilbod siste åra. Men eg kjende aldri at eg var klar for noko slikt. Litt ironisk at vi har gjennomført det i dag, med mi labre form siste månedane. Men det har gått bra!
 
Vårt fantastiske haustvèr siste veka tok ein pause, men Carina rakk utebilder før regnet kom.
 
Anna og Carina har gjort dagen til ein draum, og dei har fått styre på! Kjekt å sjå interiøret på ein litt anna måte, enn det ein sjølv tenkjer? Har prøvd å plukke litt tips både med tanke på foto og styling. Men no er vi ferdige. -kan eg ta lego utover loftstovegolvet no, mamma? Lillebror er i full gang med konstruksjonar over fleire kvadratmeter! :) Huset var herleg som nyrydda, men vi er allereie på vei tilbake til normalen. Det eg er stoltast av, er skåpa på kjøkkenet. Eg skal ta bilder ein annan dag. Akkurat no skal eg berre sitje i stolen min og smile. Vere fornøgd fordi eg har klart å gjennomføre dette prosjektet, trass i smerter i ryggen.
 
 
Eg var tøffare enn redd, ein stor siger!
 
 
Nyt kvelden, det skal eg!
 
 
Elin
 


Mester med skinn!

 
 
 
Eg møtte ei fasinerande dame i dag. Ei dame med tæl! Agnes Lande driv firmaet Lærmakerne. Ho held tidlegare til i Oslo og dernest Risør, men flytta heim til barndomsbygda si i vår. Agnes lagar alt mogeleg i skinn og lær. Eg var innom for å få tatt hol i lærreimene mine frå TineK. Eg fann fort ut at Agnes kunne lage kva som helst slags reimar til meg! (og det til ein veldig fin pris) Ho lagar bl.a. vestar til motorsyklistar, lommebøker, vesker, puter osv. I dag jobba ho på eit kunstverk som skal sitje på motorsykkelsetet til Marcel Lelienhof. Utrulege detaljar?
Trur denne dama kan lage nesten kva som helst?
 
 
 
 
Besøk websida hennar HER, eller gå inn og lik på FB HER!
 
Som eg sa til henne; sjølvsagt spreier eg den glade bodskapen om jenter som er
dyktige, kreative og sprudlande, og det ute på landsbygda!
 
You rock Agnes!
 
 
Elin
 
 


tirsdag 25. september 2012

Pakke frå Ølen Møbel

 
 
 
 
Og ENDELEG kom postmannen med to kasser frå Ølen Møbel!
Julaften x 4! Minst... Der var det litt av kvart, bl.a. min første TineK lampe. Kjøpte ein fot frå RM som likna på salg i sommar, og dei er VELDIG like! Skal tru kven som var først i handelen? Ellers var der herlege treskåler, TineK keramikk, TineK lysglas, trebestikk... Som sagt litt av kvart. Eg er veldig glad for å ha blitt kjend med Anita og Bjørn på Ølen Møbel.
Super sørvis og alltid godt utval!
 
Ellers har eg fått mailar frå butikkar og leverandørar som vil vere med å sponse premiar til GiveAway neste veke! :) DET setter eg veldig stor pris på! Berre å seie frå viss fleire butikkar vil vere med, send ein mail til draumetausa@gmail.com
 
 
Ha ein fin kveld!
 
Elin
 
 


mandag 24. september 2012

Kreativ på kommando?

 
 
 
Ikkje mogeleg, ville eg ha svart for nokre månedar sidan. Eg har hatt den laid back`e unnskyldninga i alle år. "Kreativitet er noko som kjem til ein..." Nix, eg har lært. På torsdag kjem imidlertid to flinke damer som skal lage reportasje i heimen her. Og sjølvsagt fylgjer det eit visst press med å skulle kome på trykk i eit interiørmagasin. Siste dagane har eg funne på mange ting, som eg aldri tidlegare har tenkt på? Nesten overraska over at eg er i ein positiv flow med tanke på kreativitet?
 
 

 
Og ja, skuvsenga har fått ein makeover, trass i alle kommentarar om at ho var så fin trefarga.
Så får eg sjå om eg angrar på måling denne gongen. Har aldri gjort det før.
 
Det nærmar seg også treårsjubileum for Draumesidene.
Er så oppteken med denne reportasja, at eg ikkje har planlagt noko ekstra.
Men det kan nok hende at eg finn på noko neste veke?
 
 
Velkommen til alle nye følgjarar!
Og tusen takk for alle besøk!
Så kjekt at dette er beste månaden for
bloggen nokon sinne :)
 
Kunne ikkje fått betre treårspresang!
 
 
Elin
 
 
 


søndag 23. september 2012

Hagestova i haustskrud

 
 

 
 
Hagestova vår i ettermiddag. Varm og god etter ein solrik dag. Det var lenge sidan sist... Elskar å sitje her når eg skal blogge. Yndlingsmusikk på anlegget, Øystein Sevåg. Ein nydeleg fjord som blir meir og meir gullfarga etter som mørket sig på. Tok eit bilde sånn på tampen her, for å prøve å formidle stemninga...


 
Verdens heldigaste...
 
 
Ha ei fin, ny veke!
 
 
Elin
 
 
 


Nye hyller, just lovely!

 
 
 
 


 
Vi har ENDELEG fått sol! Eg smiler heilt rundt!
Har sulla rundt på kjøkkenet i formiddag, og fått på plass den
nye hylla mi. Looking good! (synes eg i alle fall)
 
No skal sola NYTAST!
 
 
Elin
 
 
 


lørdag 22. september 2012

Ny favorittvegg på kjøkkenet



 




 
 
Merkeleg. Har vore så irritert på dette hjørnet av kjøkkenet i 13 år, men no er det i ferd med å bli ferdig. Som eg skreiv ein dag før; kvifor i all verda har vi ikkje gjort noko med det før? Ny hylle er i skrivande stund på veg opp over kjøleskapet, og er GLEDER meg til å sjå alt på plass!
 
 
Elin
 
 


fredag 21. september 2012

Eit snev av sommar er vel bedre enn støvtørking?

 
 
 

 
Er det ikkje? Så det vart utetid for meg i dag,
i staden for støvtøking... Og det føles faktisk bra! :)
 
Er alltid så takknemleg for at lavendelkrukkene mine blomstrar
heilt til snøven kjem. Og at dei som regel kjem att med nye blomster neste år også.
 
Sol er fantastisk, håper vèrvarselet stemmer.
Vi skal nyte dei neste dagane!
 
 
Elin
 
 


Would have, should have, could have...

 
 
 
 
Enkelte dagar blir ikkje heilt slik som ein skulle ynskje? For min del har det vore tilfelle for heile veka. Trudde eg skulle få gjort små ting kvar dag, men så har kroppen slått seg heilt vrang. Legen min skulle prøve å finne noko ny medisin, men det gjekk heller ikkje så bra. Blei faktisk dårlegare...
 
 
 
-skal tørke støv... har tatt opp døra ut til
hagen for å bære ut teppa...

 
-har sydd/brodert ferdig lampeskjermane
på kjøkkenet siste to dagane!

 
- sola skin for første gang på lenge, meir behageleg her ute enn inne...

 
-skulle få ferdig prosjekt innebygging av skåp/kjøleskåp
NB! Få bort alle fingeravtrykka på stålet...

 
-HAR prøvd ut ny sjuarma lysestake frå Ellos, og høyrt på juleplata til Kurt Nilsen!
Men kva skjedde med vindua vi vaska for nokre veker sidan? Sukk...
 
Kort oppsummert; litt har blitt gjort, mykje har ikkje blitt gjort.
Enkelt og greit. Reknar med at dei fleste kjenner seg igjen.
 
Utradisjonelt innlegg? Det var meininga.
Ein interiørbloggar er eit vanleg menneske, sjølv om vi gjer vårt
beste for å framstå delikate og inspirerande! :)
 
Mitt beste våpen på tunge dagar er humor og sjølvironi.
 
I`ll be back!
 
God helg!
Elin
 
 
 
NB! Sette akkurat på It`s raining men, brukar å hjelpe på
energi og humør? ;)
 
 
 
 


Lekkert!

 
  
Sjølv om eg berre bur ein liten time frå Ålesund, og er veldig heldig med masse flotte butikkar i nærområdet, er det kjekt å handle på nettet. Postmannen har som tidlegare nevnt opplevd meg med stjerner i augene meir enn ein gong. I dag har eg hatt ein vond dag, og vart veldig oppmuntra når han ringte på døra. (han fekk ein klem,ja) Har fått pakke frå hviit, og ellos siste to dagane. Likevel manglar den gjevaste. Pakken frå Ølen Møbel. Denne butikken skulle eg GJERNE ha besøkt!  Men når det ikkje er gjort i ei handvending, hjelper det svært godt på å få så fantastisk sørvis og hjelp frå Anita og medarbeidarane hennar. Eg oppdaga Ølen møbel på grunn av at dei reklamerte med eit godt utvalg av TineK varer, og mi forundring var stor når det viste seg at dei hadde alt mogeleg inne på lager som eg var ute etter. Dette er vel eitt år sidan.
 
 
 
 
Eg vil med dette uttrykkje sosial misunnelse til alle som bur så nær, at dei faktisk kan stikke innom denne flotte butikken, eg reknar med at den er minst like fin i røynda som på alle dei flotte bilda eg har sett. Men som sagt; eg skal få pakke med postmannen - kanskje i morgen? Han lovde å kome SNART igjen! :)
 
For masse fin inspirasjon, besøk bloggen til Anita HER!
Dersom du som meg ikkje bur nær nok for eit besøk,
kik innom HER!
 
Du kan ta kontakt med butikken dersom du
ser noko du har lyst på! 
 
 
Elin


torsdag 20. september 2012

Tøffe bilskilt til lillebror

 
 
 
 


 
Ein stolt lillebror har fått ekte bilskilt på veggen! Vi kjøpte dei hos Irina, og det vart jubel hos minstemann! Han har fått seg nytt nattbord og lampe også, kassa fann eg i naustet til mamma. Lampen er frå Ellos. Putetrekket kjøpte pappaen i Stockholm for eit par veker sidan. Den andre puta til lillebror, med alfabetet på, kjøpte eg på Kremmerhuset for lenge sidan. Viser på forrige innlegg om rommet hans. Fekk nokre spørsmål om dette.
 
Irina hadde igjen eit skilt då vi kjøpte desse?
Kanskje ho har det enno? Ho har i alle fall VELDIG
mykje anna fint i butikken sin
 
Trykk på linken under for eit besøk!
 
 
Elin