Kabeltrommel! Familieforøkelse i interiøret! Vi har fått eit nytt babybord :)

Er han ikkje søt vel? :) Heilt sidan eg var og laga reportasje hos Amalie i hennar vakre hus, har eg hatt planar om å skaffe meg ein liten kabeltrommel. Og for nokre veker sidan, var eg heldig å finne ein. I dag har vi trekt ut stiftar, og fjerna resten av kabelen som var på. Mor og far i huset gjorde nykomaren nystelt og fin :) No skal han få tørke på kjøkkenet, og så skal han pussast og få kome opp på rommet til lillebror. I påvente av dette, vart han kaffebord. Eg kjøpte mannen Nespressomaskin i julegåve, og ho har gjort stor suksess. Eg drikk ikkje kaffe, men synes vidunderet er fin å sjå på :) Koppane er favorittar, vi fekk dei i bryllupspresang i 99.  

Benkeplata har fått x antal omgongar med olje i dag, og vi ser ein ende på arbeidet som har pågått sidan nyttår. Eg veit at somme som kjenner meg, er litt bekymra over alt som skjer, medan eg ikkje er i form. SLAPP av! :) Eg kosar meg oppi alt rotet, og ting får ta så lang tid som det vil. Mannen er alltid flink til å hjelpe til, og no er det kun han som styrer. Eg har gått lang tur ute i dag. Sola skin, og energien vender tilbake. Tusen takk for alle fine helsingar her og på mail angåande helsa mi. Det er veldig godt med den omtanken dokke gir! Eg har kun ein ting å gjere; starte med opptrening igjen. Og DET har eg gjort mange gongar før ;) 

Eg vil til slutt takke for alle flotte tilbakemeldingar på siste innlegga mine! Det er ekstra kjekt å ta innspurten med oppussinga, når så mange synes at det vi har gjort blir bra! NB! Taka er ikkje nymåla. Dei burde vore det etter tolv år, men vi får ikkje tak i den målinga vi brukte då. Alle tak og lister er i høyglans 80, lady oljemåling. Vi har ikkje klart å finne denne i forretningar her i området. Kun vannbasert. Og det blir ikkje det same... Difor ventar vi litt til. 

Så er det snart måndag igjen.

Vi satsar vel på at det skal bli ei flott veke?

Haba haba hujaza kibaba; 

for husk, det er små seierar som leder til store seierar!