Mine tips til ein røffare look i heimen!

I dag har eg prøvd å ta bilder av ting som eg meiner er med og understrekar stilen i huset her. For dei som var med i den spede byrjinga av Draumesidene, veit at eg IKKJE var ei shabby chic dame frå starten. Eg hadde mange av elementa som er her i dag, med mørkare treverk og mange innslag av børsta og blankt stål. Har du lyst å sjå tilbake til 2009? Trykk HER og HER.

Vi har måla kjøkkenet og stova etter nyttår. Fargen vi brukte heiter Eggekvit. Vi har både innerdører og kjøkkeninnredning som har gulna siste tolv åra, så det skulle vise seg at heilt kvit vart total kræsj med desse andre kvite flatene. Gangen vår er i Jotuns Sand. Det har som kjent mykje å seie kva fargar ein har på veggar, golv og tak, i forhald til det inntrykket ein ynskjer å skape med interiøret. Eg føler at huset er eit godt lerret "å måle på" no, ein kan bruke dei fargane ein ynskjer, alt etter humør og årstid. Favoritten no, er den kvite bakgrunnen, med rekved, gamle fjøler og gråe nyansar som kontrast. Siste tilskot på den kreative stammen er gamle svart/kvitt bilder frå Frankrike.

Det var litt frå stova vår. Her er sjølvsagt fleire ting som eg er glad i, og kanskje kjem det fleire slike innlegg? Håper du fekk nokre idèar til korleis du kan bruke ting du har rundt deg. Får av og til mailar frå folk som har fått ei slik "lyspære-over-hovudet" oppleving av å sjå bilder frå huset her. Og det er der eg finn meining med å blogge. Å kunne formidle idèar og stemning. Å inspirere andre. Eg blir glad av å lese yndlingsbloggane mine. Eg håper at eg når ut på same måten. Då er det verd tidsbruken.

Ha ein fin fin kveld,

 la inspirasjonen fylle deg!