Heimelaga tavle, gevir og påskestemning :)

Aller først; så flott at så mange på bloggrollen min støtta aksjonen i går! Herleg å sjå alle som bryr seg om det som skjer i Japan. Eg må innrømme at eg har hatt visse problem med å blogge i det siste, fordi eg føler dette blir VELDIG overfladisk, i forhald til det som skjer ute i verda. Ikkje berre i Japan, men i Libya og andre pressa områder. Difor var det ekstra fint å sjå og lese alle flotte innlegg i går, frå alle gode medbloggarar der ute!

Likevel; eg kjenner at dagens økt med å få ferdig tavla mi, gjorde godt. Det er befriande å ikkje tenkje på noko som er gale, berre vere kreativ, og prøve å få til praktisk, det som har surra oppe i hovudet i vekevis. Eg har bygd tavla sjølv, og ho har tidlegare vore bakgrunn for eit bilde. No fekk ho seg to omgongar med tavlemåling, og har tørka i tre dagar etter dette. Eg vil presisere at eg er edru, sjølv om skrifta skulle tilseie at eg ikkje er heilt heil i toppen. Eg fekk ikkje dreisen på dette med bein skrift ;) Men det får halde. Geviret har eg lånt ein periode, og i dag fekk det kome opp på veggen.

Og på grunn av det fine vèret, vart eg i påskestemning. Litt oransje appelsiner kvikkar opp i grove skåler :)

Stolane er frå Slettvoll, og heiter Archibald. Finns også med lang kappe. Tok bildet øverst for å vise kor fine dei nye lampane frå Bloomingville er inni. Blanke, og i herleg kontrast til den grå, røffe utsida.

Så håper eg dei fleste får sjå litt av sola i dag,

eg kjenner at ho gjer uendeleg godt for

det meste som ikkje er godt i

kroppen :)

Fortsatt god helg!