Kvitmåla stovegolv

Ting Tek Tid her i heimen... Vi byrja å måle golv for eitt år sidan, oppe på soverommet. I vinter fekk vi ferdig golva på barneromma, men så har vi hatt eit langt opphald... Heilt til i går, når stova vart tømd for møblar og ting, og mannen heiv seg rundt som den reinaste kvite tornadoen... Og kvitt blei det. Fredfullt. Dette hadde nok vore reinaste idyllen, hadde det ikkje vore for lukta som no fyller heile huset. Ungane sende vi vekk i natt, og det blir lufta gjennom alt som kan åpnast. Berre fordi mor i huset har stor tru på oljebasert måling... Kvifor vi gjer dette? Jau, det skal eg forklare. Etter 12 års bruk av furugolvet her, var det på tide å gjere noko med det. Vi har ikkje ork eller råd til å slipe det opp igjen no, så då kjøper vi oss litt tid ved å måle det for ein periode. Så kan vi slipe. Til konfirmasjonen til lillemor kanskje? ;) Den tidlegare behandlinga med olje tilsett kvitt pigment, var veldig slitt.

 

Og så kan mor i huset leike seg litt med kameraet... ;)

 

For kvite flater og naturleg lys er mine favorittar

og gode hjelparar...

Fekk tilbakemelding i går på at det har vore vanskeleg å leggje att kommentarar her inne? Og å leggje seg til som følgjar? Det viser seg at g-mailen eg har her inne, også er ute av drift? Nokon som tips og råd til meg? Blei nesten litt letta, det har vore så stillt frå folk der ute, at eg tenkte at Draumesidene held på å gå ut på dato? ;)

Med ynskje om ein flott søndag til alle;

her regnar det (som vanleg) i strie straumar...

Elin