Here I am - This is me, I think...

For det er vel meg? Kan bli litt forvirra, sidan eg er inne i eit stilskifte igjen. Men eg trur at min signatur er der uansett? Mange av tinga på bildet har eg jo hatt i fleire år :) Eg ser at det smyg seg inn draumar om meir asiatisk-inspirerte mønster. Trudde ikkje at eg skulle kome inn på den vegen. Men min veg blir til medan eg går, det er bra sikkert. Ein skal alltid vere åpen for nye tankar og idèar. Ny inspirasjon.

Det øverste bildet er mitt bidrag til NIB si mars-utfordring,

for fleire fine bidrag gå inn og sjå HER.

Tusen Tusen Takk for alle fine

tilbakemeldingar i veka som gjekk,

eg har verdens finaste lesarar! :)

Eg håper å klare å blogge litt meir i vekene som kjem,

det er ein siger for meg kvar gong eg postar

eit nytt innlegg!

Elin

Inspirasjon TineK

Herlege inspirasjonsbilder frå TineK
Og ja, det er lampeskjermar frå denne leverandøren eg ventar på,
i STOR spenning. Er likevel veldig glad for alle desse flotte
bilda ein kan nyte heilt GRATIS!




Elin

DIY lampefot, anbefalast! Make your own lamp!

Frykteleg lyst på ny lampefot, eller kanskje fleire? Det hadde eg også... 

Og draumen var denne :

TineK sin lekre, men akk så dyre variant...

Kva gjer ein då? Jau, då lagar ein seg ein fot som liknar vel? ;)

Fann desse lysestakane på Kremmerhuset for litt sidan, til under 200-lappen pr.stk. 

Hadde først tenkt å måle dei, men det blir ikkje noko av. 

Berre ELSKAR den sletne trefargen!

Etter litt shopping på Clas Ohlson, av ferdigpakke med ledning og pæresokkel,

måtte eg ha hjelp. Min SNILLE snikkarven Kristoffer klarte å borre eit 7mm hol ned gjennom

lysestakane. Eg hadde på førehand skrudd opp alle skøytar, og limt med kontaktlim, for å styrkje dei. For å gjere stakane litt høgre, sagde eg av to trebitar (av hesjestaur, men her kan ein bruke nesten kva som helst) og limte på toppen. Desse bora eg gjennom sjølv med same type bor. Deretter brukte eg verkty eg ikkje kan navnet på, og hola ut litt ekstra for å senke pæresokkelen ned i trebiten. Eg klipte av dei originale kontaktene, og tredde så ledninga ned gjennom alle delane, deretter limte eg fast trebiten og sokkelen med kontaktlim.

Det vanskelegaste var å få ledninga til på undersida. Eg bora inn i sida på staken nesten heilt nede, og halla på boret, slik at eg kom ut gjennom botnen på skrå. Så laga eg ein "gang" som ledninga kunne ligge oppi under staken. Sjå på bildet eg legg ved; dette vart litt vanskeleg å forklare. Men det gjekk alldeles strålande, er nesten overraska sjølv?

Har enno nokre utfordringar m.t.p. å få laga til fester til lampeskjermane som skal på, dei skal ikkje ned over pærene. Men det skal eg vel få til?

Så no ventar eg spent på ting eg har bestilt til huset. Bl.a. nye lampeskjermar. Eg tenkjer at eg har spart så mykje på lampeføtene, at eg kan ha litt dyrare skjermar? 

Eg er i alle fall veldig fornøgd med resultatet! :)

 Og du kan lage lampeføter av mykje rart? 

Kanskje du fekk ein idè? På Clas Ohlson har dei i alle fall alt du treng! 

Eg skulle gjerne hatt bilder av prosessen undervegs, men eg orka ikkje å ta bilder i tillegg til alt det andre eg måtte gjere... Skal heller passe på å gjere dette neste gong eg ordner nye lampar ;)

NB! Ein skal ha hjelp av elekriker for å koble kontakter på nytt... 

Inspirert?

Prøv, dette var eit av dei kjekkaste 

prosjekta eg har hatt på lenge!

Elin

I`m a perfect dreamer...

Denne bloggen heiter ikkje Draumesidene for ingen ting... Når eg starta å blogge hausten 2009, var det for å evne å drøyme og vere kreativ igjen. Det skulle vise seg å verte ein suksess. Ikkje alltid like intenst og målbevisst, men alltid på veg framover. Eg er veldig stolt og glad over å ha ei fin veke. OK, det har berre gått to døgn enno, men eg kjenner at eg er på rett veg igjen. Framover. Det er dit vi alle skal. Uansett. 

Eg har fullført to prosjekt siste dagane, som eg gleder meg til å dele med alle dokke der ute. Men enn så lenge må eg få vise fram eit bilde frå ByNord som traff meg rett i hjertet... Trur eg er forelska - igjen... Det brukar alltid å skje noko nytt i huset når eg får slike reaksjonar og slik inspirasjon. Så får vi sjå kva som skjer. Eg klarer ikkje å gjere så veldig mykje opprør for tida, så mannen må vere veldig enig og hjelpe meg når eg får desse føra mine. Kanskje ikkje så praktisk, som å kunne dure på åleine, og gjere akkurat det eg vil. Lettare å få tilgivelse, enn tillatelse??? ;)

Bilde : ByNord via MyHome

Velkommen til alle nye følgjarar! 

*

Superkoseleg at dokke vil vere med

på turen framover mot vår!

*

Dream along with me :)

Elin

Sign of spring, og så gir eg bort noko i dag :)

Dei første snøvklokkene har kome inn på kjøkkenet, noko som eg er veldig glad for. Det er så uendeleg godt å få håp om at våren ikkje er alt for langt unna. Eg har bestemt meg for at dette skal bli ei flott veke uansett, og eg fann ut i går, at noko av det eg blir glad av, er å gjere andre glad. Difor vil eg i kveld spandere Interiørmagasinet februar/mars på ein av mine lesarar. Ikkje eit abbonement altså, men eitt flott blad med vakre reportasjer i. Det er frå meg til ein av dokke der ute. Skulle ynskje at dokke slapp å gjere noko som helst, men eg må ha eit vink under her med kommentar viss du er interessert?

Eg vil også takke for så flott respons på innlegget mitt i går. Det er så kjekt når så mange legg att nokre ord, og spesielt når det tek tid og anstrengelsar å klare å lage innlegget. Det er veldig begrensa kva bilder eg klarer å ta, og vinklane er ikkje alltid slik eg ynskjer. Men det må greie seg, til eg klarer å bøye meg igjen. Tusen-tusen takk!!!

Elin

VINNAREN ER: INGEBORG :)
24 stk.melde seg på trekninga, kjekt!

DIY, nye hyller på stova

Boksar frå Walther & co. Mine kjøpt hos HERLIGHET

Hyllene er ikkje ferdige. Hadde planar om å bruke gamle fjøler, men dei eg har på lager er for smale... Det blir nok til at eg setter på hobbyhyller, beisa i Drivved frå Jotun, slik som hylleknektane (Clas Ohlson) Eg vil også ha ei fjerde nederst. 

Eg har hatt ei trasig veke, og håper på betre dagar i den nye som ventar. Kjenner meg så levande kvar gong eg klarer å fullføre eit lite prosjekt. Eg drøymer meg vekk på nettet, og let meg inspirere av alle flinke folk der ute. Pinterest har gitt meg ei ny fantasiverd :) Eg har bestemt meg for å kjøpe noko til huset, rett og slett for å muntre opp meg sjølv. Andre ville kanskje kjøpt sko, klede, bestilt seg SPAbehandling... Eg veit at toppen av overfladisk lukke for meg, er å friske opp interiøret mitt :) Så får  eg sjå kva valget fell på. Stolar og lampeskjermar står høgast på ynskjelista. 

Tusen takk for fine kommentarar på innlegga under. Eg har ikkje overskot til å vere flink å kommentere hos andre slik eg har det no. Har vel ikkje vore flink på veldig, veldig lenge. Men det er ikkje vondt meint. Eg er berre tom og lei. Det tek på å ha desse smertene... Eg fokuserer framover, og håper at våren kjem tidleg i år! 

Ha ei fin, ny veke du også!

Elin

Kontorinspirasjon

Eg har bestilt meg ting og tang frå IKEA. Er veldig spent på korleis alt kjem til å bli når det er ferdig, for eg har ikkje heilt kontroll på det enno? Eg skal ha ein arbeidsstad i hjørnet av stova, og det må vere både funksjonelt, men også på ein slik måte at det blir ein naturleg del av det eksisterande rommet. Eg må også ha godt lys, på veggen eller på bordet. Prosessen starta for lenge sidan, og eg var så hekta på nokre bordbukkar eg såg rundt omkring, som kunne hevast og senkast. Til mi store overrasking var desse frå IKEA? Trudde det var dyre greier, som ikkje var aktuelle for meg i det heile tatt. Det som er så fint, er at også andre legg ut inspirasjonsbilder, og slik tek plutseleg draumane veien til eit nytt nivå...

Via Svenngården

Bilde : Helt enkelt

(bildet dette innlegget er henta frå, er SÅ inspirerande!)

Eg kan knapt vente med å bli i så fin form, at 

eg kan starte på prosjektet mitt!

Elin

Vinnaren av gåvekort frå Jotun er :

Terese!

Terese sa...

"3 lodd til meg takk :)

Har mange små maleprosjekt på gang som trapp,møbler og vegger !! Supreme Finish er nok tingen for meg om e skulle vinne eller vannbasert oljemaling av anna slag :) Veggmaling og panelmaling. Ja takk begge deler som Ole Brumm seier :)

En flott Give Away"

Eg er enig, dette var ein flott ting å kunne gi bort!

Tusen takk igjen til Evie Gaasholt og Jotun for at dei spanderte måling for 1000kr på ein av mine lesarar!

Send meg adressa di Terese, så skal eg 
vidareformidle kontakt med Jotun for deg! :)


Det vart mange lodd i bollen til slutt, skreiv lodd til krampa tok meg, og klipte opp papirbitar for trekning. Har aldri hatt slikt opplegg før,har kun hatt eitt lodd pr.person. Men så kjekt at så mange meldte seg på, både her inne og på facebook! :) Korleis gjer dokke andre ei slik trekning? Eg lagde til alle navn på lappar, og trekte ut av ei skål? 

***

Eg har meldt meg på ein GiveAway sjølv i dag. Nesten så eg ikkje pustar når eg tenkjer på at eg kan vinne 4 shell stolar! Har du lyst "å tevla med", besøk den nydelege bloggen 

My lovely things!

Foto, Anna Truelsen

Ha ei fin veke vidare, eg held på å kjem meg på beina, 
IGJEN, men bloggar nok om ikkje alt for lenge?

Elin

Vintersol inn på stova

Mine nye yndlingshyller på stova over tv-stolane. Eg flyttar rundt på pyntetinga, og varierar frå veke til veke. TineK keramikken står mitt hjerte nær, og eg synes skålene er fine same kvar eg setter dei :) Hyllene og knektane er kjøpte på Clas Ohlson, og skulle vel finnast over det meste av landet? Eg har måla dei med svart Bengalac. Og eg har fleire hyller i emning, berre forma stig litt igjen.

Vi har hatt ein dag med snøv, vind, sol og snøv igjen. Men du verden så vakkert det er når sola skin gjennom skylaget, og verda utanfor blir gnistrande og krittkvit! Difor vart det også to innlegg i dag; eg MÅTTE berre utnytte dette fantastiske lyset!

Minner IGJEN om GiveAway,

gåvekort frå Jotun

på 1000kr

TRYKK

HER!

Elin

Heimesnekra skåp på badet

Ja, eg skal ærleg innrømme at eg flyttar på møblar og skiftar uttrykk i heile huset i løpet av året. Men så er der ting som IKKJE blir tatt bort også. For akkurat to år sidan bygde eg denne skåpa til dusjrommet av nokre gamle kasser. Inventaret i henne skiftar med årstidene og humøret mitt, men ho vert verande på det minste badet. Kjekt med slike vellukka prosjekt. Eg skal også innrømme at det er ikkje alltid "gode idèar" fungerer i praksis! 

Når eg no er i gang med å innrømme ting, kan eg vel også seie at eg har vore mest liggjande sidan onsdag. Eit trasig tilbakesteg, etter å stadig ha blitt bedre i ryggen. Har så mange ting eg vil gjere og lage, men det stoppar veldig greit opp av seg sjølv. Takk og pris for blogg og fine kommentarar! Takk! 

Drøymer meg bort til betre tider her inne. Eit nytt bloggbekjentskap for meg, 

Live a lot, hadde eit flott ordtak på eit innlegg denne helga,

On the other side of fear, lies freedom...

Tok til meg desse orda! Skal prøve å tenkje positivt, og ikkje gi opp! Vi kan alle klare det vi vil, berre vi er positive og har god tru...

Kjempekjekt at så mange vil vere med i trekninga om gåvekortet frå Jotun! :) Du kan framleis melde deg på! Eg trekkjer ikkje vinnaren før ut i neste veke! Trykk HER viss du vil vere med!

Elin

Twilight...

God helg!

Elin

Skøna hem - Lovely inspiration!

På Valentindagen, som eg har eit veldig anstrengt forhald til, hadde min bedre halvdel kjøpt meg eit interiørblad. Vart veldig glad for det :) Er svak for svenske magasin, og svenske interiørbloggar. Det er forfriskande å sjå kva nabolandet har å by på av inspirasjon. Det synes i alle fall eg. Og favoritten denne gongen var artikkelen med tekst av Suzanna Nilson, og bilder av Daniella Witte, sistnevnte eigar av denne draumen av eit hus...

bilder via LilleW

Kvifor eg fall så pladask? Det var nok for at der er mange ting som eg ynskjer å ha i mitt hus, ting eg drøymer om å få til. Og så likar eg så godt mixen av kvitt, svart og natur. Har nokre prosjekt på gang her i heimen, og i denne artikkelen dukka liknande greier opp. Vart så opprømt av å sjå "mine idèar" i eit anna hus. Det er sjølvsagt ikkje mine idèar, det er det nesten aldri, sjølv om ein trur at ein har vore oppfinnsom... Men ser at eg skal fortsetje i dei tankebanene eg er i no. 

Ynskjer alle ei god helg,

-og viss du ikkje er med og konkurrerer om eit gåvekort frå Jotun på 1000kr allereie, kan du melde deg på HER! :)

Elin