By Nord - inspiration!

Lovely! Har lånt bilda frå Hviit, som ventar inn desse
flotte nyheitene i næraste framtid. 

Kanskje teljaren min passerar 250.000 unike treff i kveld. Dette er overveldande, 

50.000 treff sidan oktober... Eg planlegg ein bildeserie frå 

kjøkken og stove seinare i dag.

 Håper du ser innom igjen!

Elin

Purple in the kitchen

Ynskjer alle som er innom ei herleg helg!

Wish you all a wonderful weekend!

Elin

Korleis skape eit spesielt interiør med din eigen stil? How to create your own style?

Elskar fløyelsbandet, TineK kreamikken og den heimestrikka svarte puta mamsen var snill å lage til meg!

Mine beste råd til dei som lurer på korleis dei skal skape eit spesielt interiør. Eg trur det handlar om å finne det som tiltalar deg max, og så prøve å gjenskape denne følelsen i huset ditt. Det første du må ha, er ein plan over kva du vil oppnå. Ein fin måte å finne ut dette på, er å lage deg ei inspirasjonsmappe, der du samlar saman bilder og utklipp, stoff- og målingsprøvar osv. Du må sjølvsagt leite og gjere ein stor innsats i forkant, dette er ein tidkrevjande prosess. I mitt hovud, er det gjerne små ting som setter i gang store prosessar. La dei modne før du setter i gang! Eg vil påstå at keramikken til TineK sette i gang noko slikt i meg, første gongen eg såg kolleksjonen. Og det er lenge sidan.

Det behøver ikkje vere dyrt å gjere om litt på stilen i huset ditt. Det kan vere nok å plukke vekk nokre pyntegjenstandar, og så sette fram andre ting som har fått kvile seg i skuffer og skap. Ein boks med fin måling, kan også gjere underverk med eksisterande eigendelar. Det å ta ned gardiner den lyse årstida, kan vere nok til at du forandrar eit rom dramatisk. LYS er viktig, ikkje berre når du tek bilder!

Stikkordet her på Draumesidene er GJENBRUK. Veldig ofte er det ting eg bruker på nytt, forandrar. Eg oppfordrar alle til å leite i kjellarar og på loft, besøkje bruktbutikkar og loppemarked. Skattane ligg der og ventar. Bruk fantasien, ikkje ver redd for å tenkje nye bruksområder! Det er gjerne det uventa som skapar den spesielle tvisten du legg merke til i eit hus.

Og : det er betre med ein skikkeleg, litt dyr ting, enn mange små, like dyre, som forsvinn i mengda. Viss du skal investere i interiør, kan det nok vere smart å kjøpe kvalitet. Men husk; dette er MI meining.  

Og til slutt : TØR å vere deg sjølv! Men; det er lov å adoptere gode idèar frå andre!

Det er alltid nokon som må vere den første til å gjere noko på ein ny måte, og viss det fungerar, er det jo naturleg at andre ynskjer å gjere det same?

Håper dette var til hjelp for nokon der ute?

Eg får litt prestasjonsangst når eg skal prøve å gi råd til andre.

Elin



Blacks and whites

Nytt plastikkteppe frå Pappelina, Åhlens. Det kunne godt ha vore litt lenger, men eg trur det får bli slik. Lett å lufte, og superpraktisk fordi ein kan tørke av evt. merker som skulle kome. Eg skal til å lage nytt konsollbord til gangen. Dvs; eg tenkjer... Treng nok litt til tid før eg er klar for snekring. Men eg har mange gode idèar. Og då er det vel berre å la kreativiteten strøyme på? Eg har måla ein dørstokk i dag. Og klarte å stige på den før den var tørka, the story of my life ;) Har som mål å måle ein ny for kvar dag framover. Time will show.

Får stadig mail og kommentarar om kameraet mitt, og ellers spørsmål om fotografering.

Eg føler meg absolutt ikkje kompetent til å svare på slike tekniske spørsmål. Det overlater eg til ekspertane. Tidlegare hadde eg eit Canon EOS 1000D, dei siste dagane er bilda mine tatt med mitt nye kamera, som er eit Canon EOS 7D. Eg brukar ikkje stativ til interiørbilda mine, rett og slett for at eg ikkje har eit slikt feste på toppen for å kunne setje kameraet på høgda. Det nye kameraet er så tungt, at eg leiter stadig etter eit kraftigare og betre stativ. 

Mine råd for gode bilder:

MEST MOGELEG LYS!

Unngå blitz, i alle fall den dingsen som er integrert i kameraet...

REDIGER BILDA,

bruk litt tid på å gjere bilda dine enno betre

OM DU KAN, TA EIT FOTOKURS!

Det er vel verd pengane, dersom du er interessert i å ta

gode bilder! Og så gjer det fotograferinga morsommare :)

Elin



Nydelege lykter frå Hviit

Vakraste lyslyktene frå Hviit...

Av og til tek eg bilder som gjer innrykk på meg

Som er spesielle, sjølv om motivet i utgangspunktet var ordinært.

Dette er eit slikt bilde. Kanskje fordi eg byrjar å få dreisen på det nye kameraet mitt?

Elin



Detaljar stove - Details livingroom

Litt nytt frå Herlighet, Boksar frå Walther &.co, glasvase frå IB Laursen.

Håper å få tatt fleire bilder i dagane som kjem. Det vart så forandra på stova etter måling og opphenging av hyller, kjøpt på Clas Ohlson, og måling av endeveggen i Dempet sort. Og nei, vi angrer ikkje. Det var litt rart i byrjinga, men har forandra rommet dramatisk - positivt! Akkurat som om det er lunare. Vi har jo tross alt kvite tak, golv og veggar over alt ellers, og vindu på 3 av 4 veggar i stova.

Som eg skreiv i forrige innlegg, skal det på plass ein arbeidsstasjon for mor

i bakre hjørnet av stova. Det trengs... Kjekt å ta bilder i dag,

håper dei inspirerer og fell i smak :)

Elin

Svarte detaljar også på kjøkkenet

Det svarte og kvite vil nok etter kvart fylle alle romma i hovedetasjen. Ser at eg er blitt hekta. Den gamle brune stolen med målingsflekkar har også blitt svart. Synes den kledde den blanke nye fargen veldig godt? Har planar om å trekke om dei kvite stolane også, har lagt oppå putetrekk i svart og kvitt, og leitar no etter eit liknande stoff. Saknar "gamle dagar" når fleire butikkar hadde superbra utval av slike. No er det helst å leite etter ei ferdigsydd gardinlengde, eller ein duk e.l. som kan brukast til same formål.

Planane mine er mange, våren nærmar seg. Kjenner at lyset gir ny energi. Eg har ikkje lyst å skrive meir om ryggen min, prøver å late som om alt er bra når eg er innom draumeverda mi. Eg har kjempelyst på å få til ein arbeidsplass inne i eine hjørnet av stova. Har sendt mail til IKEA, og håpar verkeleg at det eg vil ha kan sendast som postpakke. At det er lite og lett nok. Då er det kun 190 kr i porto. Visste du det? Ellers må eg ut med 1500kr hit til UrenLurenHimmelturen 6253Huttiheiti.

Bildet i dag er tatt med det nye kameraet mitt, CanonEos 7D. Har hatt litt oppstartingsvanskar, eg og bruksanvisningar er ikkje heilt bestevener. I dag brukte eg eit 60mm objektiv, veldig artig fordi du kan leike deg med å få berre enkelte punkt heilt skarpe. Får av og til spørsmål om slike ting, men føler ikkje eg er kompetent til å svare, sidan eg er stort sett sjølvlært i fotografering.

Elin



Gorgeous - gorgeous - gorgeous!!!

Påverka av reklame? Eg? Nja, tja... Det hjalp i alle fall godt på at Elin Anita også skrytte av denne målinga. Med god sørvis på Fargerike i Spjelkavik, vart eg den heldige eigar av 3 liter av vidunderet i fargen Dempet sort. Og eg er imponert av denne målinga. Den reklamerer med å gi eit supermatt resultat, og det har den faktisk også. Eg er ingen fan av den grove stria på stoveveggen, men strukturen vart "svakare".

Eg har også tatt ned hesjestauren som hang over sengegavlen vår. Trudde eg var nyskapande i den prosessen, men ubevisst, likevel heilt sikkert med inspirasjon frå ulike bloggar rundt omkring? Må seie eg LOVE it, og så er det alltid kjekt med ting som får ein ny plass og liksom blir "ny". Med den svarte veggen bak, kom den mykje meir til sin rett.

Så får eg berre rope GORGEOUS, GORGEOUS, GORGEOUS!

Som dama på reklama ;)

Elin

Black is back, effektfull stovevegg

Nokre bilder frå stova, dramatiske forandringar i heimen her for tida. For 3 år sidan hadde eg ein periode der eg måla møblar svarte. Dei har alltid vore her, men i ein heller kvit periode har dei ikkje vore så synlege på bilda mine. I dag har mannen fått utfolde seg med ei spann svartmåling på eine stoveveggen, og som mamsen min sa: har han ikkje fått Jarlsberg? (sett reklama vel?) ;) No var vi nok enige om å måle den veggen, eller dvs. at han var kanskje ikkje frå seg av begeistring på førehand. Men i kveld er han rett entusiastisk. Og bra er det! Kjem tilbake med fleire bilder ein annan dag.

Inspirasjonen fekk eg for eitt år sidan hos ein av mine yndlingsbloggar, Helt enkelt. Sjølv om Anna-Malin har tatt bort sin svarte vegg, har eg ønska meg ein sidan eg såg innlegget HER.

Ha ei fin fin ny veke!

Elin

Have I mentioned that I love TineK?

Superflinke Jenny sine bilder frå showroomet til TineK. Eg får kriblingar både her og der, er fullstendig forelska i alt eg ser! Og ikkje minst teppet under bordet... Er på teppejakt om dagen, men har ikkje hatt nokon stor suksess enno... Her skjer saker og ting i heimen, er svært fornøgd med eigen innsats siste veka. Desse bilda inspirerte meg veldig til å fortsetje!

Du finn nettbutikken til Jenny, Blackballoon HER!

Tusen takk for alle fine helsingar,

eg synes det er kjempeskummelt å skrive om

personlege ting, nesten så eg slettar det i etterkant. Men eg veit jo at dette er mi sanning. Og slike vanskelege realitetar kan vere enklare å takle viss ein deler dei med andre? Og det føler eg etter å ha delt historia med alle der ute...

Det kjem nye interiørinnlegg om ikkje alt for lenge. Føler eg ligg litt på lading, men kjenner at energien er i ferd med å kome igjen :)

Fortsatt god helg!

Elin

Om å klare å gå igjen

Eg er eit heldig menneske. Eg er funksjonsfrisk, og har ingen alvorlege sjukdomar. Når ein ser på Ingen Grenser med Lars Monsen og gjengen på NRK, får ein verkeleg perspektiv på livet. Likevel; det har vore nokre strie veker sidan søndagen før jul. Frå å ikkje klare å sitje, og slett ikkje stå, har det gått sakte framover. Eg har vore plaga med ryggen i ti år, og har tre prolapsar i ryggrada frå før. Eg har vore sengeliggjande, og måtte hatt hjelp til det meste fleire gongar før. Men aldri så gale som denne gongen. Eg klarte ingen ting. Måtte ha hjelp av heimesjuketenesta og mine nærmaste i tre døgn for å fungere. Det kjennes som ei evigheit sidan eg klarte å kome meg opp på føtene på eiga hand, og gå fire skritt bortover golvet. Det har gått så veldig sakte framover, sjølvsagt lukkeleg for det, men det har tært på humør og psyke. Eg har ein tilstand i levra mi som gjer at eg ikkje skal ta smertestillande, dette gjer alt endå meir utfordrande. Eg tek ibux når det blir for gale. Eg måtte ha "the real stuff" første to døgna, men etter dette har eg klart meg uten. Mitt største problem i det daglege, er prolapsen som sitt øvst i nakken. Denne protesterte høglydt første vekene med krykkegåing. Heldigvis har eg verdas snillaste og flinkaste behandlar, og han har kome heim til meg, sidan eg ikkje har klart å sitje i bil. Han har på mange måtar berga meg gjennom dei verste vekene.

Kvifor skriv eg om dette? For at folk skal synes synd i meg? Tvert om; husk korleis dette innlegget starta. Eg vil berre dele at eg klarte å gå heile trimturen min i dag, uten krykker :) Det har vore det store målet i januar, og no rakk eg det akkurat! Eg skal innrømme at eg brukte dei etterpå, eg blir sliten og veldig ubehageleg stiv i ryggen etter ei slik økt. Men; eg klarte det! Og det var ikkje så vondt medan eg gjekk heller. Treninga tek meg framover dag for dag, og det nydelege vèret vi har hjelper veldig på motivasjonen. Det å kjenne verkeleg framgang etter så mange veker med verk og frustrasjon, er beste gåva eg kunne få på tampen av januar.

Eg veit at det blir få lesarar når eg skriv eit personleg innlegg, men eg håper du som les dette kan få optimisme og pågangsmot av det eg skriv. Kanskje treng du det du også? Interiør blir lite viktig i denne samanhengen. Men det kjem nok fleire innlegg når eg har blitt enno bedre. Akkurat no er det heilt andre ting som står øverst på lista mi over "thing to do".

Tusen takk til dei som legg att nokre ord,

 gir meg guts til å fortsetje

Draumesidene.

Elin

Sol i gangen

Vi er velsigna med eit fantastisk vintervèr for tida. Nokre minus midt på dagen, og sol frå blå himmel. Eg har ingen unnskyldning for ikkje å smile når eg står opp om morgenen! Og i dag har eg ENDELEG byrja å måle møblar igjen. Det kjennes så flott å vere kreativ igjen! No skal eg ut på min daglege treningstur, gleder meg! Ser fram til å bli så bra i ryggen, at krykkene ikkje behøver å bli med ut. Trur kanskje at det ikkje er så lenge til?

Det blir nokre bilder frå gangen i dag. Bada i vintersol.

 

Lillemor var på salg i helga og kjøpte støvlettar til seg sjølv, og fann mine yndlingar, til halv pris... Skulle ynskje vi brukte same str.! ;) Har eit håp om å finne eit slikt tilbod sjølv. Forresten utruleg masse fine sko og støvlettar til "gi bort" pris.

 

Ha ein fin dag!

Elin

 

Min besettelse for TineK, og Draumesidene på Facebook

Aller først; keramikken på bilda frå i går er frå TineK, og fløyelsbandet er kjøpt hos Herlighet. Keramikken er frå nettbutikken Blackballoon i Sverige. Dersom du handlar frå utenlandske nettbutikkar, må du sjekke om det er toll på varene du er interessert i. Porselen er f.eks. tollfritt. Du kan gå inn HER for å sjå lista til tollvesenet. Det er moms på alle bestillingar over 200kr.

I løpet av dei vekene eg ikkje blogga, fekk eg ein del henvendelsar, der folk lurte på når neste innlegg kom. Eg ser jo problemet når ein ikkje har blogg sjølv, at ein må innom for å sjekke. Men Draumesidene har faktisk ei side på Facebook også. Eg har aldri bedt folk om å "like" bloggen min der, fordi eg har eit avslappa forhald til slike ting. Men det hadde sjølvsagt vore veldig stas om fleire kom til i gruppa der inne. Ser at eg kan kommunisere veldig enkelt med lesarane mine, og at det er mange fordelar med dette. Spørsmål og svar bl.a. Og ikkje minst kan du lett få vite om eg har lagt ut eit nytt innlegg :)

Eg prøver stadig å svare på spm. frå kommentarfelta under innlegga, men ver så snill å sende meg ein mail på draumetausa@mail.com viss eg ikkje har svart. Dei siste mnd.har vore kaotiske, og eg har null kontroll på om eg har gløymt av nokon? Eg har sånn "vårreingjeringsfølelse" for Draumesidene, treng å ta ting til neste nivå. Det er godt med positiv framgang!

Så dersom du har lyst til å følgje med meg og bloggen på facebook,

kjem du dit ved å trykkje på ikonet under :)

Elin

Livsteikn - sign of life

 

 

 

 

Fekk herleg pakke i posten med TineK porselen frå

Jenny med nettbutikken Blackballoon

for ei tid sidan. LOVE it!

Eg er i bedre form, har byrja å glede meg over livet igjen. MR`en påviste ein prolaps i korsryggen. Har hatt tre slike før, så veit kva dette krev av meg. Positivitet og masse trening. Håper å ta meir bilder i tida som kjem.

Prøver å vere kreativ i små doser, og har ein del idèar eg

skal prøve å realisere i vekene som kjem.

Tusen takk for alle fine helsingar!

Elin

 

So long

Eg treng ein pause frå det meste. Er sliten etter snart fem veker med rekonvalesens med ryggen min. Føler eg ikkje har noko å bidra med her inne heller slik som eg har det no. Eg har det OK helsemessig. Er som sagt berre litt tom. Og sjølvtilliten er på minus hundre. Eg bloggar nok igjen om ei tid?

I have been in bed the last four weeks with pains in my back. I am tired, and a bit sad. I will take a break from my blogging. I think I will return later?

Thank you all for visiting my blog,

and thanx for lovely comments!

Elin

My kitchen and livingroom

Luftige bilder frå stove og kjøkken som er nyvaska og litengrand ommøblert i dag :) Mannen gjorde ein kjempeinnsats i går, og vi fekk endeleg tatt "julevasken". Ingen problem å gjennomføre den i januar? Kjennes SÅ godt i dag, hybelkaninar og støv er borte. Akkurat som om vi vaska oss eit skritt nærmare lysare tider og vår? Gjorde veldig godt for humøret mitt! Eg klarer å hjelpe til i ståande høgde, og på kne. Og det er mykje ein kan klare med god vilje, og litt hjelp av f.eks. tennene... ;)

Kjøkkenet er avbilda på veldig mange innlegg siste vekene, men det er desse innlegga som blir mest besøkt også? Kjøkkenet vårt er eit Mørekjøkken i kvitmåla bjørk. Rommet er nesten 40 kvm. Dette er eit såkalla allrom, og stova vår er difor ikkje så veldig stor. Men valget på stort kjøkken har vi aldri angra på. Etter at vi åpna opp mellom desse to områda, og tok bort skyvedøra og fekk inn ny peis, fungerar huset enno bedre. I dag viser også kjøleskapet og IKEA skåpa som har skulle blitt innebygd i 13 år... Det er enkelte ting som liksom ikkje blir? Diskusjonen har vore om der skal inn ei større kjøl/frys skåp, og vi ventar på at vi skal bestemme oss for det... Og så går åra medan vi tenkjer, og tenkjer... Vi finn vel ut av det til slutt?

Eg trener, slit meg nokre hundre meter meir på tur kvar dag. Har klart å sitje min første tur i bil i ettermiddag, 4 veker etter at ryggen svikta. Men humøret er bedre, og optimismen vender sakte tilbake. Tusen takk for alle fine helsingar både her inne og på FB. Veldig glad for alle fine ord! Betyr mykje for meg! :)

Ta vare på gode stunder i den

nye veka som ventar!

 

Elin

Header på hjerna...

Her går dagane av og til seint... Og då dukkar det opp problemstillingar som ellers ikkje er på dagsorden... Nytt år og ny header... Eg skifter ofte header, rett og slett fordi eg synes det er kjekt å eksperimentere med redigering. Og no har eg tid til det. Rikeleg tid... Det som irriterar meg mest, er at det er fort gjort å plagiere andre sine idèar, ufriviljug! Det vere seg teksttype, fargar, symbol osv.osv... Eg har alltid prøvd å ha originale idèar. Men det er jammen ikkje lett, for her er mange i systemet som tenkjer likt? Og så kan ein bli inspirert ubevisst trur eg? Min største inspirasjon på seinhausten var fargen lyseblå. Og dette vedvarer. Håper å få sydd, eller kjøpt nokre tekstilar i denne kuløren mot vår. Enn så lenge får eg leike meg med litt lyseblått her inne.

Headeren min er laga i Photoscape. Eg får stadig mailar om dette redigeringsprogrammet. Eg anbefaler at dei som er nysgjerrige lastar det ned, og prøver seg fram. Det er veldig forståeleg. Det er også dei tilbakemeldingane eg har fått frå dei som har prøvd det for første gang. Det er berre å leike seg, prøve og feile. Ein lærer litt etter kvart. Tolmod er nok eit stikkord.

Eg konkluderer med at min header ikkje kan innehalde for mykje tekst og bilder, det er akkurat som om det er greit at den ikkje tek for mykje merksemd frå sjølve bloggen. Eg ser at somme bloggarar spør lesarane sine om hjelp til å velgje header. Kanskje det er lurt? Har headeren mykje å seie for deg? Eg tenkjer mest over korleis den er første gangen eg er innom ein ny blogg. Når eg tenkjer meg om, har min header mest å seie for meg, at eg likar å sjå den når eg loggar meg på. Det er vel det som er viktigast?

Gleder meg til dagar, der eg har det for travelt til å

filosofere over headeren min... ;)

 

Håper at helga di blir god!

Elin

(som klarer å gå ute uten krykker...)

 

Oliventrea på hagestova

Kom meg endeleg ut på hagestova, for å sjå korleis det går med oliventrea mine. Lillemor har gitt dei ein liter vatn annakvar veke etter at eg gjekk ned for telling. Der er veldig kaldt, men rikeleg med lys. Og det er ei glede å meddele at dei ser strålande ut :) Her har ikkje vore kulde å snakke om, men har fått opplyst at dei skal tole ned mot 10 minus dersom dei ikkje blir utsette for trekk.

 

 - både oliventrea og eg ;)

Elin

Om handling og blogging...

 

 

 

Eitt av mange makeover-prosjekt i 2011

Har fått eit akutt handlebehov... Har ikkje vore på butikkar sidan 17.desember. Og så tenkte eg at eg skulle kjøpe meg noko fint på januarsalget. Men her ligg eg, eller no sitt eg faktisk. Rundtstappa med eit pledd går det OK. Herleg følelse! Håper å kome meg ein biltur snart. Det er ikkje sunt å gå rundt seg sjølv inne i eit hus i fire veker...

Dagens tema; hadling. Og blogging. For eg har drevet litt research. Interiørblogging består for veldig mange i å vise ting som er nyinnkjøpt, eller? Sånn var mi blogging også første året. Følte at eg måtte ha stadig nye ting å vise fram. Ikkje møblar og slikt, men pynteting. Kvifor les folk bloggar? For å bli inspirerte? Ja, sikkert. Men eg trur også vi gjer det for å drøyme oss vekk, fantasere om ting vi ynskjer oss? Eg gjer i alle fall det. Men no i det siste har eg ikkje hatt godt av det. Har nesten blitt frustrert. Ein ting er at eg ikkje har økonomi til å handle inn til huset, noko anna er at eg slett ikkje kjem meg dit ein kan kjøpe ting. Netthandel er ein fin ting. Ventar på ein pakke frå Sverige om nokre dagar. Gleder meg veldig! Men det har vore planlagd lenge. Har du ting som du ynskjer deg veldig, men som du ikkje har råd til? (dumt spørsmål kanskje...)

Og så vil eg seie, som eg har sagt før, at eg GJERNE skulle ha handla nye møblar og gjort om i huset her! Får så koselege mailar om gjenbruket mitt! Tusen takk! Hjalp ei tysk dame for nokre dagar sidan, som ville ha tips og råd ved oppussing av gjesterommet sitt :)  Men; eg går veldig lei av tinga mine til tider... Kunne handla i dagevis viss eg kunne! Eg er slik som folk flest!

Og eg har kjempelyst å bli kvitt stria på veggane her (som var ei superbilleg løysing då vi bygde for 13 år sidan), og eg har trua mannen med at eg skal få hit nokon og pusse ganggolvet, har fått for meg at eg vil ha sementgolv... Og så har vi ein heil kjellar som står rotete og uinnreidd. Blant anna med eit kjempestort rom som skal bli bad...

Eg skal egentlig vere glad berre eg klarer å bøye meg igjen, og måle hyllene eg kjøpte på Clas Ohlsson i september... Ikkje alt som går så fort som eg planlegg det. Og så har eg ein makeover-idè for mi heimelaga baderomsskåp. Lurer på om arbeidslysta vedvarer når forma blir bedre? ;) Det ville hjelpe på humøret mitt viss du som les dette kunne ause ut din frustrasjon om kva du ikkje klarer, eller ikkje har råd til! Eg treng å kjenne meg som ein del av eit frustrert fellesskap!!!

Elin

Soverommet ein januardag...



TAKK for så uendeleg med støtte i siste innlegget!

Gir meg styrke! I dag er ingen god dag,

men eg trur morgendagen

blir bedre?

Elin