Rammer og nøklar på stoveveggen

Blogging i rykk og napp... Rammeveggen min er ikkje ferdig enno. Men eg fann denne gamle nøkkeltavla i påska. Synes den fortener ein heidersplass på stova? Og årets første peonar er på plass. Kvite og nydelege. Eg er mest ute for tida. Sola skin kvar dag, og trimturar og hagestell er førsteprioritering. Takkar for alle fine kommentarar, og alle besøk! Som eg har sagt før; eg føler meg priviligert, som har det slik. Eg er slett ikkje flink til å gjenbesøkje. Tilgj meg det... Det har vore nokre harde månedar, og eg strekk ikkje til på alle områder. Både fysikk og psyke har fått prøve seg. Men bloggen er min fristad, ei sone for smil, inspirasjon og draumar. Her prøver eg å vere positiv, og håper å kunne glede andre. Det gir ein veldig god følelse. Og eg gløymer litt av problem og smerter som ellers har prega kvardagen. Difor fortsetjer eg å blogge. På grunn av det dokke gjev av smil og meldingar tilbake. Det er verdifullt for meg. Men føl for all del ikkje at du må leggje att kommentarar! Det er ein flott følelse i seg sjølv, at så mange er innom dag etter dag!  

" ...som å ha sin eigen engleskare..."  

                                      sitat Elin

TAKK ♥



Mitt festbord i mai, NIB utfordring

Velkommen skjønne mai! Dette er mitt festbord, nesten klart for å ta imot glade, fine  dagar i ein av favorittmånedane mine! Med nytt og gamalt tilbehør, og yndlingspeonar i kvitt med rosmarinsvøp, er eg forventningsfull og spent på dagane som kjem.

Dette er mitt bidrag til NIB si Mai utfordring!

Lyst å sjå fleire lekre bord? Trykk HER!

NYT dagane som kjem! :)



Til deg!

... kan du kjenne lukta av kvitveis? Å få liggje rett ut i ei slik eng, og snuse inn

den herlegaste eimen av desse nydelege kunstverka på stilk... Så heldig er eg.

Eg håpar at du får eit snev av same følelsen ved å sjå på bildet

og late att augene og drøyme...

Forresten; hadde du trudd at dette var eit mobilbilde? ;)

Med tanke på debatten om at ein må ha så flott

kamera for å ha bra nok bilder

til blogging :)

Draumebord med utsikt til fjell og fjord...

Tenk å ha det slik... Utesesongen er i gang :) På menyen i dag :

Pasta og kyllingsalat med rykande ferskt foccacia brød. Fortreffeleg!

Og herleg avslapping på terrassen i sola. Bordet på

bilda er ordna til ære for dokke.

Måltidet vårt var

i hagestova. 

So long! :) 



"Oppskriftshaldar" frå farne tider til kjøkkenet

Det er ikkje alltid eg er klar over kva eg finn og tek vare på... Denne dingsen skulle vise
seg å ha vore ein dokumenthaldar på eit kontor for lenge sidan. Ved sidan av
ei skrivemaskin. Men kva kunne eg bruke han til?

Fann denne oppskrifta på TINE.no

 

DIY - knaggrekkje av gamle sikringar :)

Må kome med nokre kjappe innlegg, kjenner eg er i ferd med å miste sikta framover angåande bloggen. Tusen takk for kommentarar. Dei betyr mykje. Prøver å svare alle! Etter halvtanna år med Draumesidene, er spørsmålet der heile tida ; har eg meir å vise? Eg koser meg med å lage til bilda, men føler sterkt at det blir mykje opp igjen det same. Då mister eg litt piffen. Vil ikkje kjede folk heller. 

Skal vere superkreativ i dagane som kjem - trur eg... ;)

NYT veka!



Kaffemaskina på kjøkkenbenken



Stovebilder ein dag i april

I dag regnar det, men vi er varme i kinna av all sol og varme siste dagane. Vaskemaskina går for fullt, og vi held på å gjere oss klare for kvardagen som kjem i morgen. Det har vore ein skikkeleg kosedag inne med fyr i peisen og besøk av familie. Sjølv om det også har vore triste dagar, kjem vi til å minnast påska 2011 med smil om munnen. Vi har hatt ei flott veke! Vi er så takknemlege for å ha gode vener rundt oss, og eg er så glad for at helsa mi er betre, og trimturane mine er stadig hardare og lengre. Det er eit godt teikn for meg! 

No er det berre å nyte våren!



Tid for ettertanke...

Tusen takk for omtanken dokke gav i går. Det er alltid tøft å kjenne på datoar, som ein forbinder med triste ting. Tida som går hjelper i sorgprosessen, men det er ofte mange ting som skal tenkjast mange gongar, før det finn ein fredeleg plass inne i hovudet. Det er viktig å sjå framover, og bevare dei gode minna. Og skape nye i den tida vi har no. Å finne styrke til å fortsetje. Ta vare på kvar dag. Oppmuntre kvarandre, kunne gi ein klem. Sjå at andre har ein tung dag, og ta hensyn til det. Å lytte, før ein gir råd. Å forstå, sjølv om ein av og til kanskje ikkje gjer det fullt ut. Verda er full av krasse ord og kommentarar. Også her inne i bloggfellesskapet. Eg veit ikkje kva det er som gjer at menneske har behov for å såre andre? Misunnelse? Dumskap? Uvitenheit? Eg føler for å vere saman med menneske som evner å tenkje før dei snakkar, og som har til hensikt å vere til støtte for meg og dei eg er glad i. Desse dagane med påske er ei fin tid for ettertanke. Samfunnet er så fullt av stress og mas, at vi ikkje rekk å finne ei slik ro til vanleg. Uansett livssyn, er det godt når "toget" slakkar av på farta, og ein kan, som eg gjorde i dag, sitje i sola og puste djupt inn og ut igjen. Gå lange turar om dagen, og nyte solnedgangen  frå terrassen. Kjenne at livet kan vere godt.

Bildet eg deler i dag, tok eg for nokre veker sidan. Eg føler at det symboliserer ro...

Håper du også finn tid til ro og ettertanke!

Nyt påska vidare!