Draumesidene.com

So long

2012-01-17T17:09:00.003+01:00

Eg treng ein pause frå det meste. Er sliten etter snart fem veker med rekonvalesens med ryggen min. Føler eg ikkje har noko å bidra med her inne heller slik som eg har det no. Eg har det OK helsemessig. Er som sagt berre litt tom. Og sjølvtilliten er på minus hundre. Eg bloggar nok igjen om ei tid?

I have been in bed the last four weeks with pains in my back. I am tired, and a bit sad. I will take a break from my blogging. I think I will return later?

Thank you all for visiting my blog,

and thanx for lovely comments!

Elin

My kitchen and livingroom

2012-01-15T17:36:00.001+01:00

Luftige bilder frå stove og kjøkken som er nyvaska og litengrand ommøblert i dag :) Mannen gjorde ein kjempeinnsats i går, og vi fekk endeleg tatt "julevasken". Ingen problem å gjennomføre den i januar? Kjennes SÅ godt i dag, hybelkaninar og støv er borte. Akkurat som om vi vaska oss eit skritt nærmare lysare tider og vår? Gjorde veldig godt for humøret mitt! Eg klarer å hjelpe til i ståande høgde, og på kne. Og det er mykje ein kan klare med god vilje, og litt hjelp av f.eks. tennene... ;)

Kjøkkenet er avbilda på veldig mange innlegg siste vekene, men det er desse innlegga som blir mest besøkt også? Kjøkkenet vårt er eit Mørekjøkken i kvitmåla bjørk. Rommet er nesten 40 kvm. Dette er eit såkalla allrom, og stova vår er difor ikkje så veldig stor. Men valget på stort kjøkken har vi aldri angra på. Etter at vi åpna opp mellom desse to områda, og tok bort skyvedøra og fekk inn ny peis, fungerar huset enno bedre. I dag viser også kjøleskapet og IKEA skåpa som har skulle blitt innebygd i 13 år... Det er enkelte ting som liksom ikkje blir? Diskusjonen har vore om der skal inn ei større kjøl/frys skåp, og vi ventar på at vi skal bestemme oss for det... Og så går åra medan vi tenkjer, og tenkjer... Vi finn vel ut av det til slutt?

Eg trener, slit meg nokre hundre meter meir på tur kvar dag. Har klart å sitje min første tur i bil i ettermiddag, 4 veker etter at ryggen svikta. Men humøret er bedre, og optimismen vender sakte tilbake. Tusen takk for alle fine helsingar både her inne og på FB. Veldig glad for alle fine ord! Betyr mykje for meg! :)

Ta vare på gode stunder i den

nye veka som ventar!

Elin

Header på hjerna...

2012-01-13T19:09:00.001+01:00

Her går dagane av og til seint... Og då dukkar det opp problemstillingar som ellers ikkje er på dagsorden... Nytt år og ny header... Eg skifter ofte header, rett og slett fordi eg synes det er kjekt å eksperimentere med redigering. Og no har eg tid til det. Rikeleg tid... Det som irriterar meg mest, er at det er fort gjort å plagiere andre sine idèar, ufriviljug! Det vere seg teksttype, fargar, symbol osv.osv... Eg har alltid prøvd å ha originale idèar. Men det er jammen ikkje lett, for her er mange i systemet som tenkjer likt? Og så kan ein bli inspirert ubevisst trur eg? Min største inspirasjon på seinhausten var fargen lyseblå. Og dette vedvarer. Håper å få sydd, eller kjøpt nokre tekstilar i denne kuløren mot vår. Enn så lenge får eg leike meg med litt lyseblått her inne.

Headeren min er laga i Photoscape. Eg får stadig mailar om dette redigeringsprogrammet. Eg anbefaler at dei som er nysgjerrige lastar det ned, og prøver seg fram. Det er veldig forståeleg. Det er også dei tilbakemeldingane eg har fått frå dei som har prøvd det for første gang. Det er berre å leike seg, prøve og feile. Ein lærer litt etter kvart. Tolmod er nok eit stikkord.

Eg konkluderer med at min header ikkje kan innehalde for mykje tekst og bilder, det er akkurat som om det er greit at den ikkje tek for mykje merksemd frå sjølve bloggen. Eg ser at somme bloggarar spør lesarane sine om hjelp til å velgje header. Kanskje det er lurt? Har headeren mykje å seie for deg? Eg tenkjer mest over korleis den er første gangen eg er innom ein ny blogg. Når eg tenkjer meg om, har min header mest å seie for meg, at eg likar å sjå den når eg loggar meg på. Det er vel det som er viktigast?

Gleder meg til dagar, der eg har det for travelt til å

filosofere over headeren min... ;)

Håper at helga di blir god!

Elin

(som klarer å gå ute uten krykker...)

Oliventrea på hagestova

2012-01-12T15:44:00.001+01:00

Kom meg endeleg ut på hagestova, for å sjå korleis det går med oliventrea mine. Lillemor har gitt dei ein liter vatn annakvar veke etter at eg gjekk ned for telling. Der er veldig kaldt, men rikeleg med lys. Og det er ei glede å meddele at dei ser strålande ut :) Her har ikkje vore kulde å snakke om, men har fått opplyst at dei skal tole ned mot 10 minus dersom dei ikkje blir utsette for trekk.

- både oliventrea og eg ;)

Elin

Om handling og blogging...

2012-01-11T15:54:00.002+01:00

Eitt av mange makeover-prosjekt i 2011

Har fått eit akutt handlebehov... Har ikkje vore på butikkar sidan 17.desember. Og så tenkte eg at eg skulle kjøpe meg noko fint på januarsalget. Men her ligg eg, eller no sitt eg faktisk. Rundtstappa med eit pledd går det OK. Herleg følelse! Håper å kome meg ein biltur snart. Det er ikkje sunt å gå rundt seg sjølv inne i eit hus i fire veker...

Dagens tema; hadling. Og blogging. For eg har drevet litt research. Interiørblogging består for veldig mange i å vise ting som er nyinnkjøpt, eller? Sånn var mi blogging også første året. Følte at eg måtte ha stadig nye ting å vise fram. Ikkje møblar og slikt, men pynteting. Kvifor les folk bloggar? For å bli inspirerte? Ja, sikkert. Men eg trur også vi gjer det for å drøyme oss vekk, fantasere om ting vi ynskjer oss? Eg gjer i alle fall det. Men no i det siste har eg ikkje hatt godt av det. Har nesten blitt frustrert. Ein ting er at eg ikkje har økonomi til å handle inn til huset, noko anna er at eg slett ikkje kjem meg dit ein kan kjøpe ting. Netthandel er ein fin ting. Ventar på ein pakke frå Sverige om nokre dagar. Gleder meg veldig! Men det har vore planlagd lenge. Har du ting som du ynskjer deg veldig, men som du ikkje har råd til? (dumt spørsmål kanskje...)

Og så vil eg seie, som eg har sagt før, at eg GJERNE skulle ha handla nye møblar og gjort om i huset her! Får så koselege mailar om gjenbruket mitt! Tusen takk! Hjalp ei tysk dame for nokre dagar sidan, som ville ha tips og råd ved oppussing av gjesterommet sitt :) Men; eg går veldig lei av tinga mine til tider... Kunne handla i dagevis viss eg kunne! Eg er slik som folk flest!

Og eg har kjempelyst å bli kvitt stria på veggane her (som var ei superbilleg løysing då vi bygde for 13 år sidan), og eg har trua mannen med at eg skal få hit nokon og pusse ganggolvet, har fått for meg at eg vil ha sementgolv... Og så har vi ein heil kjellar som står rotete og uinnreidd. Blant anna med eit kjempestort rom som skal bli bad...

Eg skal egentlig vere glad berre eg klarer å bøye meg igjen, og måle hyllene eg kjøpte på Clas Ohlsson i september... Ikkje alt som går så fort som eg planlegg det. Og så har eg ein makeover-idè for mi heimelaga baderomsskåp. Lurer på om arbeidslysta vedvarer når forma blir bedre? ;) Det ville hjelpe på humøret mitt viss du som les dette kunne ause ut din frustrasjon om kva du ikkje klarer, eller ikkje har råd til! Eg treng å kjenne meg som ein del av eit frustrert fellesskap!!!

Elin

Soverommet ein januardag...

2012-01-10T17:51:00.002+01:00

TAKK for så uendeleg med støtte i siste innlegget!

Gir meg styrke! I dag er ingen god dag,

men eg trur morgendagen

blir bedre?

Elin

A new day in the kitchen...

2012-01-08T15:25:00.001+01:00

Har vore så fryktelig lei dei siste døgna. Det er heilt vanleg at eg får ein slik reaksjon etter 3 veker med ligging... har prøvd det før. Må vere så optimistisk og positiv, men så plutseleg blir det tomt nokre dagar. Eg klarer å vere åleine i huset, og får til det meste med god tid og sterk vilje. Men i går vart det litt for mykje bøying ved knyting av sko, og så vart ting vondt i ryggen igjen... Reaksjonen i dag var å gi opp alt, aldri blogge igjen, synes grusomt synd i meg sjølv... Ein god plan, heilt til eg sparka meg sjølv hardt i rumpa (mentalt) og kom meg opp på beina med kameraet.

Håper at i alle fall nokon tek seg tid til å lese denne teksten, slik at dei forstår kva dette innlegget betyr for meg. Det er gamle motiv, og kanskje kjedelege bilder - igjen frå kjøkkenet. Men for meg er det eit billedleg bevis på at eg ikkje gav opp i dag... No skal eg ut og gå i sola, viss eg får på meg sko... Og viss eg klarer å skru på smilet igjen, blir dette innlegget posta seinare.

Oppdatering : eg har vore ute og gått over ein kilometer...

Elin

På rundtur i gangen med nytt kamera :)

2012-01-06T17:55:00.003+01:00

Eg var så heldig å få nytt Canon EOS 7D med meg sjølv i julegåve (og litt med mannen min) :) Eg fekk det i posten dagen før ryggen min svikta. Og det har kun blitt trykt litt på, før eg prøvde det for første gang i ettermiddag. Bortsett frå at det er veldig tungt i forhold til kva eg burde halde, merka eg ein slags "luksusfølelse" frå første bilde :) Men at eg må ha meg nytt og bedre fotostativ er herved opplest og vedtatt! Så har du nokon gode råd, blir eg kjempeglad dersom du legg igjen ein kommentar! Det må gå an å setje kameraet på i alle vinklar, og så er det fint viss eg slepp å ta opp lån for å kjøpe det...

Elin

ByNord

2012-01-06T15:26:00.002+01:00

Berre innom for å opplyse om at sengesettet i innlegget i går var kjøpt hos hviit,

men finns nok i mange andre butikkar og webshops rundt omkring. Og ja; dei er dyre. Eg gav vel rundt tusenlappen for eitt år sidan (vaksen str.). MEN dei har ein fantastisk kvalitet. Begge setta her i huset var på konstant første månedane, og eg har vaska og tromla dei massevis. Likevel held dei seg fine. I barnestørrelse ligg dei på rundt sekshundre kroner. Linken øverst tek deg rett til ByNord produkt hos hviit :)

Og ja; ByNord er ein STOR favoritt hos meg!

Elin

Fantastiske TineK!

2012-01-05T22:48:00.002+01:00

Alle fantastiske bilder frå TineK!

Og så eg som har blitt så glad i lyseblått...

LOVE the Springcollection!

Elin

Lillebroren sitt rom

2012-01-05T14:38:00.001+01:00

Ikkje store forandringar siste året, men i alle fall eit nytt teppe frå Pappelina :) Kjøpt på Åhlens. Hadde tenkt å ha det på badet nede, men så bad lillebror om å få det framfor senga si... Han er glad i stjerner, og dette fall visst heilt i smak. Ellers er sengesettet også snart eitt år gamalt, frå ByNord, og framleis like fint! Det har fått kvile seg ein periode, Cars og fotball-sengesetta har vore i bruk. Men det var stor gjensynsglede når lillebror kom på at "ulven" låg i skuffa :) Han har også fått opp dyra frå ByNord på veggen sin. Ei drivvedsgrein gjer nytta som oppheng. Vi held også på å skrive dyrenavn på ein label eg lagde av kvit kartong, men så vart Dymoen vår tom... Knaggrekka har eg laga sjølv av gamle fjøler, og oppkutta drivvedspinnar. Ekornkoppen til lillebror er av merket Mugtail, kjøpt hos hviit.no

Lillebror har hatt vannkoppar siste halvanna veka. I morgen er han klar for skule igjen.

Så spørs det om han trives i dongeri, etter å ha slumra rundt i koseklede så lenge? ;) Eg kjem i alle fall til å sakne den hjelpsomme vesle fyren veldig!

Elin

Den er frå Bruka! :)

2012-01-04T23:27:00.001+01:00

Sorry, eg er stadig elendig på å skrive leverandør og butikk på tinga eg viser.

Flott dokke minner meg på det! Skal ta det med på forbedringar blogg 2012... ;)

Still winter...

2012-01-04T15:54:00.003+01:00

TIPS: lag dine eigne merkelappar av stivt papp,

og skriv på med DYMO!

Har eit mål om å like vinteren neste månedane... Blir alltid så hysterisk for at våren skal komme FORT, men det har ikkje slått til siste åra. Difor får ski og skinn vere her vidare. Det er januar. Her er det kuling, sludd og regn i dag, best å vere inne. Lyset glimrar med sitt fråvèr, men fekk tatt nokre bilder eit lyst kvarter likevel.

Tungsinnet frå i går har gått delvis over, og eg innser at dersom eg skal blogge, får eg gjere det på min måte. Skal prøve å finne styrke til å halde på den tanken. Det er berre ikkje så lett å halde på positiviteten heile tida. Sjølvtilliten sviktar fullstendig når kroppen kranglar slik som no.

Har fått ein del spørsmål om Photoshop siste dagane, men eg har funne ut at eg klarer meg lenge med Photoscape, det går an å bruke rammer og brushes som ein lastar ned også i dette redigeringsprogrammet. Photoscape er gratis, og mykje enklare å lære enn Photoshop. (men Photoshop er uten tvil eit betre verkty...) Har du lyst å leike deg litt med redigering, kan nok Photoscape vere morsomt. Eg oppfordrer alle som er interessert i temaet om å lese BEATE`S innlegg, som eg også linka til ein dag før. Ho har tips og råd til kvar du finn rammer og brushes også.

Eg skulle gjerne ha skrevet meir om emnet, men så var det denne nakken og ryggen... Sorry!

Beklager også viss eg ikkje har svart på andre spørsmål siste vekene, ver snill å sende ein mail viss nokon lurer på noko! Der prøver eg å svare etter kvart. Veit at nokon spurde om kvar eg hadde kjøpt skåpa i dagens innlegg? Den fann eg i eit hus i haust. Ganske øydelagd, men eg har fixa den og måla med svart, blank måling. Mitt råd må vere å ha augene meir enn godt åpne, og sjå mogelegheiter i ting andre ser på som ubrukeleg! Eg har fått masse slike ting, men det krever sjølvsagt ein stor makeover. I alle fall ofte.

Elin

2012-01-03T21:28:00.006+01:00

Var ikkje så pratsom før i dag. Eg kan avsløre at eg slit aldri så lite med motivasjonen siste dagane, eg er litt sånn ute på jordet angåande kvar vegen skal gå. I fjor held eg opp å blogge i januar, men sidan eg held opp store delar av desember, trur eg det er lurt å halde maskineriet i gong. Når eg skriv slikt som dette, får eg alltid kommentarar om at eg må blogge når eg vil. Eg vil alltid blogge, dersom eg har bilder å vise fram. Det går heller på at eg er redd for at ting blir kjedeleg, og for likt frå dag til dag. Dette er ein blogg for meg, uten tvil, men også ein blogg for deg...

Så får vi sjå kva eg finn på i vekene som kjem. Eg ser sjølvsagt at eg er prega av det som har skjedd med ryggen min, og at det også spelar inn på kreativitet og humør. Eg føler meg meir normal og frisk når eg klarer å blogge. Det gir ein god følelse!

Shopping hos hviit.no

Elin

I give you a touch of spring...

2012-01-03T15:12:00.002+01:00

Elin

Nye rammer og snusing på PhotoShop

2012-01-02T21:29:00.001+01:00

Etter å ha lest eit flott innlegg hos Beate, fekk eg nok sjølvtillit til å kjøpe nokre rammer og brushes til bildebehandling på nettet i går kveld. Veldig usikker, og litt sveitt i panna underveis, men no ser det ut til at eg har knekt nokre av kodane. Eg vil verkeleg anbefale andre å ta sjansen! :) Eg tok eit PhotoShop kurs i haust, men har ikkje vore flink å øve. Når eg likevel ligg her, er det ingen unnskyldningar for å utsetje det lenger... Eg har laaangt igjen før eg klarer å utnytte PS, men litt er vel bedre enn ingenting? Stikk innom Beate via linken øverst her, viss du vil lese og lære meir!

Og så har Beate ein HÆRLEG blogg ;)

Elin

Bilder frå peisen på kjøkken/stove - the fireplace

2012-01-02T15:13:00.001+01:00

Får av og til mailar ang. peisen vår. Den er frå RAIS, og vi har teikna og bygd ramma rundt sjølv. Ein snekker hjalp til med monteringa av dei brannsikre platene, og ein faglært mann kobla den til pipa. Resten klarte vi sjølv. Peisinnsatsen står på lecasteinar inne i "boksen". Ristene oppe og nede, har eg fått laga hos ein mekanisk verkstad. Effekten av ovnen er veldig god, og vi tok vekk ei skyvedør mellom kjøkken og stove pluss litt vegg for å få bedre varmesirkulasjon i første etg. Noko vi er veldig glade for!

Nokre oransje appelsiner lyser opp på drivvedsbordet. Har ikkje plukka ned kanelhjerta frå den svarte tavla. Trur dei også skal få henge litt lenger? Eg har klart å plukke av juletreet i dag, og vi fekk det ut på terrassen. Men som eg har sagt før, eg har ein del vinterpynt, som kom inn i november, som skal få vere her lenger. Det er jo ikkje vår sånn med det same? Eg har imidlertid eit ynskje om å få i hus tulipanar eller ranunklar... Eg er heilt avhengig av skårne blomster i januar og februar. Skulle hatt det på blå resept, fordi eg føler at synet av dei gjer meg gladare og friskare.

Vil takke dei som tek seg tid til å leggje att kommentarar til meg! Det gir energi til å fortsetje med blogginga. Eg er ikkje så flink til å kommunisere med lesarane mine lenger, men det er ikkje noko eg har valgt frivilleg... Eg prøver å skrive litt rundt omkring, men dokke får beklage at det då manglar store bokstavar og slikt. Eg ligg når eg held på med pc`en, og det er ganske travelt å skrive. Nakken min er jo det største problemet til vanleg, og den er slett ikkje glad for all denne ligginga. Men det er ein overgang. Eg blir bedre for kvar dag. Men det kjem ikkje av seg sjølv. Det er vanskeleg å motivere seg til trening når det gjer vondt å bevege på seg. Men eg kjenner at det held på å bli bedre, eg klarer stadig meir. Tusen takk for alle som tenkjer på meg, og ynskjer meg god bedring!

Elin

Dagen derpå i kjøkkenet

2012-01-01T15:24:00.002+01:00

Godt nyttår! Happy New Year! :) Hadde store planar om eit blogginnlegg frå nyttårsbordet vårt, men eg hadde meir enn nok med å få dekka det... Einaste pynten var ein vakker vase med granbar, og to lys. Då sa ryggen min klart frå om at eg måtte inn igjen på sofaen... Likevel var det ein mykje kjekkare dag i går, enn julaften... Det går sakte framover, veldig sakte etter mi meining. Eg har aldri hatt så vondt så lenge før når slikt har skjedd. Det tærer på tolmod og humør, og eg er også redd for kva som kan vere gale. Men dagane går, og no er det nye året her, sjølv om eg ligg rett ut... Bilda mine er kanskje ikkje så spennande. Det er veldig begrensa kva eg får til, men eg synes det er kjekt å kunne blogge. Det kjennes som om eg er litt "normal" når eg klarer å ta bilder. Så får de tilgje at eg stadig held meg på kjøkkenet. Skal prøve å plukke vekk den lille julepynten som er her, blir ei enkel sak. Eg har alltid likt å få ut jula over nyttår, sjølv om vi ikkje pyntar treèt før lille julaften. Klipte forresten av litt granbar i går, for å ha noko på bordet ;) Man tager hva man haver...

Mange fine ord som er inngravert på denne vasen,

SMIL, HÅP, MOT, VENNSKAP, KJÆRLIGHET, LYKKE

Ord som eg tek imot og lagrar i hjertet mitt...

Duken må vaskast, lysa er nedbrente, det er noko litt vemodig med 1.januar. Men eg håper at vi skal få orden på kjøkkenet, og at eg blir så frisk at eg kan få pynta litt i dagane som kjem. For det vil også gjere meg glad! Håper at alle der ute evnar å tenkje positivt, eg prøver i alle fall så godt som eg kan!

Ha ein flott januarmånad!

Elin

Året 2011

2011-12-30T19:58:00.001+01:00

Sidan alle redigerte bilder frå januar til juni er på den øydelagde pc`en min, blir det eit litt avkorta tilbakeblikk på 2011. Eg har litt trøbbel med å liggje og blogge, så det vart ei enkel løysing på årskavalkaden ;)

Elin

Nyttår på kjøkkenet

2011-12-30T14:24:00.002+01:00

Til alle som har vore med Draumesidene si ferd i 2011 : Tusen takk for alle fine tilbakemeldingar, og ikkje minst så trofaste besøk! Det har vore ei fryd å få underhalde dokke alle! Fotograferinga mi har vore ein lidenskap og hobby sidan eg fekk mitt første kamera i elleve-års alderen. Det at det kanskje kan bli eit levebrød, forundrar meg, men gledar meg stort! Hadde aldri turt å satse på dette i eit "friskt" liv, så kanskje kjem det noko godt ut av all motgangen?

Er veldig glad for alle positive resultat som har kome av blogginga mi. Men mest av alt er eg glad for å ha så flotte menneske, frå fleire land, som er innom og som også har blitt mine gode vener. Vener eg aldri har møtt personleg, men som er tvillingsjeler med ei stor evne til å smile saman med meg i glede, og muntre meg opp på tunge dagar. Det har vore ei veldig trasig avslutning på 2011, og det er vanskeleg å vere positiv ved inngangen til det nye året. Men på kjøkkenbenken ligg mitt nye Canon 7D, og eg har mitt fulle hyre med å gjere ferdig bilder til ikkje mindre enn to interiørbøker som eg er heldig å få vere med i i 2012. Dette gjer meg tankefull, og litt nervøs. Men mest av alt er eg takksam for at der finns menneske der ute som setter pris på det eg gjer. Eg skal verkeleg arbeide med å tru meir på det eg sjølv presterar i det nye året.

Eg held på å setter saman ein bildecollage frå året som var, og eg ser dei store forandringane både bildeteknisk, men også stilmessig. Det har vore eit år med store forandringar på mange måtar. Og slik kjem det til å vere vidare. Eg er spontan, og av og til må eg berre skifte ut ting. Det eg gleder meg mest til er nok å få dreisen på det nye kameraet mitt, og ikkje minst få tatt del to av fotokurset... No klarer eg ikkje å sitje, og det vil nok vare ei stund. Men med trening skal eg bli som før. Og kanskje må eg operere denne gongen... Gleder meg ikkje til MR i januar, men det må nok til. Enn så lenge er eg i gang igjen med det gamle kameraet mitt :)

Det er merkeleg dette livet; eg har oppdaga det. Men eg er kjempesikker på at dersom ein kavar mot eit mål, har draumar, så kan ein lukkast! Det var jo slik Draumesidene oppstod, og tenk så mykje flott eg har fått oppleve sidan oktober 09!

Håper du kan nyte siste dagane av

året som snart er over!

Legg ved ein sang som har halde meg oppe siste

månedane. Heile albumet er nydeleg,

og vil vere noko av det eg tek med

meg inn i 2012

KLEM

Elin

Juletreet på kjøkkenet

2011-12-29T13:36:00.002+01:00

Eg klarte det! :) Rykande ferske bilder frå kjøkkenet vårt!

Det er lillemor som har pynta juletreet, som står i frambygget mot fjorden.

I dag ligg sjøen spegelblank, og lite minner om dei stormfulle dagane vi har lagt bak oss.

Lillebror har hjelpt til å rydde og hente fotoutstyr til meg. Vi er heime åleine, og det er han som har fått på mammaen strømper og bukse i dag. Snakk om liten helt... Han har vannkoppar,

så vi kosar oss inne som best vi kan. Håper de likar bilda vi har laga til :)

Lillebror og Elin

Jul i huset

2011-12-28T18:26:00.001+01:00

Det er no ein gong slik at jula kjem, uansett om ein er klar eller ikkje... Det fekk eg prøve i år. Målet var å kome meg ned trappa på julaften, slik at dei andre ikkje måtte kome opp på soverommet til meg... Og det gjekk bra :) Men at heimen ikkje er slik som eg hadde tenkt, det er vel ingen overraskelse. No har vi i tillegg hatt orkan, og fokuset har blitt flytta frå min vonde rygg over på heilt andre ting. Det er så trist å sjå alt som har blitt øydelagt rundt om oss i naturen. Det er sjølvsagt viktigast at det ikkje har gått menneskeliv, men eg gret innvenig når eg ser mobilbilder frå mamma sitt øydelagde naust, og fjøra som eg er så glad i, uten dei hundre år gamle vørasteinane... Men eg har heldigvis bilder, og minner. Livet går vidare...

Eg er ute på krykker og trener dagane, livet er i ferd med å normalisere seg.

Eg håper å kunne ta bilder og blogge igjen snart!

Elin

2011-12-23T15:22:00.001+01:00

Etter å ha fått fullstendig ryggkollaps sist søndag, har eg ligget i ei seng hos mamsen min. Klarte å kome meg heim ved hjelp av krykker i går. Så dette blir ei julehelsing uten bilder. Det er vanskeleg å halde på humøret, men eg prøver. Likevel ein del tårer... Barna har vore så redde, og føler at dei ikkje kan glede seg til jul. Eg har forklart at dei sjølvsagt må gjere det! Jula kjem uansett! Og same kor mørkt ting ser ut til å vere, så må ein aldri gje opp! Kom til å tenkje på denne sangen frå mi barndoms jul, med ein veldig flott bodskap!

Så til alle dokke der ute,

frå Elin i senga si ;

fortsett å drøyme,

og god jul!

Elin

Årets julekort

2011-12-17T17:59:00.001+01:00

Eg vart visst borte? Veka har vore litt trasig, og eg veit ikkje om eg kjem i gang å blogge att før jul?

Eg vil i alle fall sende dette kortet til alle som er innom! Med dei beste ynskjer til alle for Jula og det nye året! Så får eg sjå om det blir bilder i tida som kjem. Vi er ferdige med handel, og juletreet kom til gards i ettermiddag. Det kjennes godt. Men alt det andre har stoppa opp. Slik er det berre her innimellom... Men eg veit at nakken kan gi meg bedre dagar i veka som kjem. Det hadde vore den beste gåva eg kunne fått no.

Merry Xmas to everyone!

Love,

Elin

Lyseblå jul!

2011-12-11T15:26:00.001+01:00

Konglene og sløyfene på døra til skåpa er laga med inspirasjon frå bildet til Sweet Paul, og eg ser for meg meir lyseblå julestemning i heimen :)

Eg er så heldig å få vere med på to spennande prosjekt som skal realiserast i 2012. Så eg sitt her med nasen langt nedi bildegalleriet mitt, og skal prøve å finne det eg leitar etter. Eg kunne ikkje fått finare julegåver! Takk til dei som har trua på meg, og takk til bloggen min, som hjelper meg å få oppfylle draumane mine!

Og takk til alle som er innom kvar dag!

Uten dokke hadde ikkje Draumesidene eksistert!

Elin

Juletre av drivved på kjøkkenet

2011-12-10T13:45:00.001+01:00

"Og høgt i toppen ei peparkakestjerne..."

Takk til GundaM og AllTheBeautifulThings for herleg inspirasjon! Har leika meg i pinnedungen min i dag :) Borna er på juleverkstad, og seinare blir det peparkakebaking for små og store. Eg tjuvstarta litt i går. Prøvde ferdigdeig for første gong. OK resultat, sjølv om eg synes der er ein ettersmak... Men veldig fint å sleppe å stå og elte og kna. Ikkje nokon yndlingsaktivitet for meg om dagen.

Elin

It`s me Elin, in the tracks of Jamie Oliver...

2011-12-09T16:47:00.002+01:00

Vi har kome til eit slikt innlegg, der eg prøver å imponere andre, men ikkje minst - meg sjølv... Som eg lova skal eg vise to julegåvetips frå Herlighet. Eg har vore i bakemodus i dag. D.v.s.eg prøvar no så godt som eg kan... Eg fann ein aldeles herleg pakke med koppehandkle, mjøl, salt, kjernar og tørrgjær på interiørbutikken, som du kan lage div.figurar av. Eg gjekk for juletre, men fann ut at eg hadde nok deig til eit aldri så lite julegrisetryne også :)

Vil du vere med, så heng på!

Og brødet vart KJEMPEGODT! Lillemor og lillebror storkosa seg med nysteikt brød og kakao når dei kom frå skulen. Så her er det terningkast seks for pakken til White Christmas!

Nevner også hundrekronersgåve under her, samansatt av fire små, søte sylteglas.

Ops... såg du litt av denne på bakebilda? Eg fall pladask. Leverandør er Min Josefine, og det står at strikket er home made. Det ser også slik ut. Endeleg fann eg ei lykt med skikkeleg strikk på! :)

Alt over finn du hos

Herlighet, Ålesund.

Elin

Litt info. om gårsdagens innlegg

2011-12-08T19:27:00.001+01:00

Takk for kommentarar og ikkje minst mailar. Valgte å svare under ett i dag, men det er berre å sende inn spørsmål, eg prøver å svare etter kvart. Mailadressa mi er til venstre i margen her. Eg har vore på julegåvehandel i dag, og er litt meir klar for jul. Ikkje så mykje eg kjøpte, men føler at det hjalp på det dårlege samvetet mitt. Ser det er meldt snøvstorm det neste døgnet på sør og vestlandet, så det var nok greit å ta turen til Ålesund i dag. Det er alltid kjekt å kike på utstillingar og finne inspirasjon. Med besøk hos Robin på Indiska, og Sonja på Herlighet, vart dagen ekstra kjekk. Eg klarte nesten å kome meg ut av butikkane deira, uten å handle. Nesten. Eg fann nokre utruleg smarte presangar hos Herlighet, som eg vil vise bilder av i morgen. Minuset er jo at eg risikerer at div.familiemedlemmar er innom her og ser kva eg har kjøpt? Hmmm... ;)

Håper kvelden din er fin!

Elin

Jul i hagestova, og eit glimt av Elin

2011-12-07T14:13:00.001+01:00

Kos på hagestova med fyr i peisen, og ein dobbel kakao til å varme seg på... Det er kaldt hos oss, og snøven ligg djup utanfor huset. Julestemninga er på plass :) Oliventrea mine har det bra, litt gule blad her og der, men det ser ut til at dei trives i dette rommet. Dørene ut er enkle, og eg skal innrømme at reinsdyrskinna var veldig gode å ha i dag. Men som eg har sagt før; ta på rikeleg med klede, og legg pledd og skinn i ein stol, og NYT denne årstida ute også! Lag eit bål, det finns rimelege bålpanner, trur eg såg slike hos Clas Ohlson? Sett den i hagen, eller utanfor huset, og grill pølser! Smakar HERLEG i desember!

Elin

Draumesidenebilde hos Plaza Interiør

2011-12-07T11:23:00.001+01:00

Litt stas å sjå bildet av soverommet vårt på websida til Plaza Interiør :) Men det står jo ikkje at bildet er mitt, sidan dei har lånt det hos NIB. Men, men. Der er jo link til NIB. Eg likar dette magasinet veldig godt, og difor er det ekstra kjekt at dei likte hytte-looken i soveavdelinga vår.

Takk til Tove for tipset!

Elin

Plaza Interiør har linka til meg i løpet av dagen! Takk :)

Julepynta kjøkkenkrok i desembersol

2011-12-06T14:18:00.001+01:00

Herleg desembersol inn på kjøkkenet mitt i ettermiddag. Som medisin etter fleire dagar med regn, snøv og slaps. Kjenner at eg letnar innvendig. Og sjølv om dagen ikkje er spesielt god, måtte eg berre blogge. Og det hjelper alltid, sjølv om nakken min slett ikkje hadde lyst å halde kameraet i dag? Håper at du som ser dette kjenner mi glede over å ha fått til eit innlegg i dag også :)

Elin

2011-12-05T21:36:00.001+01:00

Gå inn til hviit og lag di eiga ynskjeliste! :)

Elin

Ventetid...

2011-12-05T13:27:00.001+01:00

Det er sikkert mange som ventar veldig på jul no? Det gjer jo eg også, mest på vegne av dei to barna mine. Dei er så forventningsfulle... Men mest av alt ventar eg på vår og sommar. Når vinteren kjem, har eg smerter heile tida, og det er tungt å stå opp om morgenen. I natt kom det over 40cm snøv, og eg har ikkje sjanse på å måke. Eg blir sitjande inne, koseleg det, men eg velger det ikkje sjølv? Det glatte føret gjer at eg blir anspent i nakken når eg først er ute og køyrer...

Så gje meg lysare dagar og kveldar, gje meg solnedgangar ute i fjorden og spede knoppar av kvitveis utover ei sovande brun eng... Vinteren er mi ventetid på dei lysaste årstidene... Vi fekk aldri smak av sommar her på Sunnmøre i 2011. Bildet symboliserer mine draumar for 2012.

For fleire bidrag til Øyeblikk`s konkurranse

trykk HER

Elin

Det enkle er ofte det beste...

2011-12-04T14:04:00.003+01:00

Med fare for å kjede nokon, det vart bilder frå stova i dag også. Eg har enno ikkje gått lei av ommøbleringa som fann stad for nokre dagar sidan. Bordet stod på loftstova før, og er ei gamal kasse med lokk, som vart brukt til å sende bakarvarer i før. Lappen som heng på er nok frå siste leveransen, til ei speidersamling i påska for MANGE år sidan :) Lillebror er ikkje så fornøgd. Dette var hans leikebord på loftet, og han treng faktisk eit nytt? Eg har ein plan...

Hjortegeviret har fått lyslenkje, og fungerer som ny vegglampe.

Dei kvite treskålene er kjøpt hos Herlighet, og telysglasa

hos hviit. Ser at det blir mykje kongler og kvistar i

huset til jul, som vanleg. Det enkle er

ofte det beste!

Elin

Avisreportasje om julebakst, og oppskrift på julemenn for cøliakere

2011-12-03T17:32:00.002+01:00

Eg har første julereportasjen min på trykk i Sunnmørsposten i dag. Det er alltid kjekt å sjå det ferdige resultatet. Eg fekk ikkje lage interiørreportasjer denne gongen, noko eg gjerne skulle gjort, men det har vore kjempekjekt å besøkje folk og lært meir om baking og juletradisjonar. Ikkje minst å få innblikk i dei minste sine tidlegare minner, og forventningar. Eg har jo lurt meg til litt interiørbilder sånn for eige bruk, så dei som les bloggen får med seg litt meir av det flotte kjøkkenet vi var og baka på! Herleg stemning, og nydeleg julepynta. Vegard på fire år, på bildet øverst, har cøliaki. Det har også mamma Anne-Martha. Det er ekstra kjekt å kunne spreie informasjon om denne allergien/sjukdomen som så mange slit med. Difor vil eg gjerne dele oppskrifta på julemenn også her på bloggen.

JULEMENN for cøliakere

200 gr sukker

150 gr smør

1 ts hjortesalt

3 dl lettrømme

600 gr Semper mix

1 ts vaniljesukker

Smelt smør, bland i sukkeret. Bland rømmen, sikt hornsalt og

tilsett mjølet litt av gangen. Kan vere at ein må ha meir mjøl,

deigen skal ikkje vere klissete, men lett å bake ut.

Sett plata med bakepapir midt i ovnen. 175 grader i 8-10 min.

Kan vere porøse når dei er ferdige, så kan med fordel bakast litt tjukke.

Elin

Julehjørne på stova

2011-12-02T13:58:00.006+01:00

Har du ein stad i huset ditt som er vanskeleg å møblere? Eg er kjempefrustrert over stova vår. Får alltid til den enden sofaen står i, men andre enden blir alltid på trynet. I dag sette eg meg ikkje mindre mål enn at NO SKAL DET BLI ORDEN I MISNØYA!!! (passeleg å kave med på ein fredag, midt i rydding og husvask) (som stoppa heilt opp...) Eg trur ein må trykkje DELETE i hjerna, og så RESTART...

Eg har ei bittelita kasse med julepynt, skal ta bilde av henne ein dag :) Men du verden så mykje fint eg har i den! Så no er det nye julehjørnet i heimen ferdig, og eg er fornøgd. (Enn so lenge...)

Dei vakre kongle-hjerta på veggen er kjøpt hos Herlighet i Ålesund, det er også

favorittpleddet mitt på stolen.

Håper du og dine får ei fin helg, her har første snøven lagt seg. Det var enklare å ta bilder i dag, for snøven gjorde alt lysare. Og jammen er julemusikken på anlegget vakrare når det er kvitt ute? ;) Eg vil takke alle som har vore innom Draumesidene denne veka. Det har vore eventyrlege lesartal, (i min målestokk) og eg kjenner at kreativiteten og trangen til å dele denne aukar når bloggen har ein opptur. Eg håper å kunne vere tilstades utover heile desember!

Elin

Har slengt innlegget her på hos NIB`s desemberutfordring :

Jul i vårt hus

Trykk HER for å få meir julestemning!

Trykk på skinn

2011-12-01T23:55:00.002+01:00

Har dokke sett noko så vakkert? Dette er fjordnorsk handarbeid, trykk på saueskinn. Med pelsen så flott på utsida, og det nydelege mønsteret på innsida. Dette er laga med gamle former, arva gjennom fleire generasjonar. Det er kjempeflinke Ingvild som eg besøkte i går som hadde slike skattar i huset sitt. Ho lagar til skinn på bestilling, frå sauene sine som er ein type gamalnorsk spelsau. Skinna kostar ein del, men eg forelska meg fullstendig... Håper å få vist fram meir i eit innlegg før jul. For dette fall i alle fall rett inn i min draum om vinterinteriør...

For å lese meir om Ingvild, trykk HER

This is a product from the western fjords of norway.

Ingvild makes it from the fur of her sheeps, and prints the pattern

by using old forms, an heritage from her great grandparents.

Elin

Desember i morgen...

2011-11-30T18:26:00.001+01:00

I morgen brakar det laust! 1.desember for liten og stor. Lillebror har fortalt med opp til fleire gongar at i morgen; I MORGEN!!! Det er ikkje fleire dagar igjen å telle. Det er tid for kalender! O`glede! På mine turar med reportasjeskriving, kom eg over den beste kalenderen av alle. Ein opplevelseskalender, ein kalender som oppfordrar små og store til å gjere noko saman. Ein kan sjølvsagt gjere noko kvar dag, men eg fekk tips om at det kan vere greit å slakke litt på krava, og heller ta nokre få ting kvar veke. I kveld skal vi vaksne skrive lappar om ting vi ynkjer å gjere i lag i desember. Ein felles tur ut, kanskje aking viss det vert snøv, lesing i ei bok, kveldsmat ute i det fri, bålbrenning og kos i skogen... Her er det kun fantasien som setter grenser. Takk til Anne-Martha og Terje for ein fantastisk fin idè!

Eg har vore og køyrd i snøv i dag på fjellet, spunne litt med bilen, og kjent på verkeleg vinterstemning med julemusikk på anlegget. Eg har fått blitt kjend med nok ein skjønn familie gjennom avisjobbing, og vi har hatt ein flott ettermiddag høgt over Storfjorden. Tusen takk til alle som tek mot meg på ein slik måte! Audmjuk og takksam! Eg føler at eg verkeleg får vener gjennom arbeidet mitt? Og så blir eg kjend med spennande menneske, som utvidar mine tidlegare horisontar. Gleder meg til å møte både små og store igjen i framtida!

Nyt siste novemberkvelden 2011

Elin

Den ultimate inspirasjonen for Elin si jul 2011

2011-11-29T23:38:00.005+01:00

Picture : Sweet Paul blog, Magazine

Via mi gode bloggveninne Elin Anita, med bloggen Edda`s, kom eg over dette fantastiske bildet i dag. Det høyrer til bloggen Sweet Paul, og eg fall pladask både for dette bildet, og bloggen generelt. Som eg beskreiv det; det kjennes ut som om nokon pakka opp ein kreativ presang inne i hovudet mitt... Den har liksom alltid vore der, men eg visste ikkje om det? Det vil garantert bli julepynting med inspirasjon frå dette bildet utover desember!

Thank`s to all foreign readers that have become followers tonight, and thank you

Anja with Sofies Haus, for linking to me! Greatful!

Elin

Tips om enkel desemberpynt, og nokre ord til ettertanke...

2011-11-29T14:55:00.003+01:00

Lav på energi og litt oppgitt over alt julesnakket før desember er her? Eg forstår i så fall korleis du har det. Når eg var i full jobb, og hadde små ungar, var ofte desember det ultimate marerittet. Det er den måneden du skal besvise at du har styr på ALT, og i tillegg er nyslanka inn i julbordskjolen og med ny frisyre? Eller? Vel, her inne hos Draumesidene kan du slakke på skuldrane og puste skikkeleg med magen. Etter 4 år heime, har eg nesten gløymt kva det var eg var så stressa over? Når ein blir sjuk, skiftar synsvinkelen mot livet fullstendig. Det som før sette meg skikkeleg ut, er slikt som eg løfter så vidt på skuldrane for no. Eg har blitt bedageleg, bikka 40, og lært at ein skal ha krefter igjen i januar og februar også. I mars byrjar eg å livne skikkeleg til liv igjen. Då er våren min innen rekkevidde...

Akkurat no gjer eg mitt beste for å gløyme at det er vinter, og at kroppen ikkje likar denne årstida. Alt blir vondare, strammare og meir intenst. Dagslyset glimrar med sitt fråvèr, og det blir vanskelegare å tenkje positivt. Dei fysiske smertene tek enklare psykisk form i mørke kveldar. Det hjelper imidlertid å blogge :) Å pynte litt rundt omkring, høyre på juleplatene, ete ein mandarin...

Det du ser på bilda mine er verdas enklaste pynting mot jul. Plukk inn kongler og kvistar dersom du er så heldig å ha tørt vèr, gå ein tur og finn ei lerkegrein eller litt granbar. Det er svært lite som skal til for å forandre eit heilt rom. Eg bruker i tillegg forskjellege skinn, som eg har hatt i ti år. Skiene du ser på øverste bildet, var eg heldige å få av ein ven for snart tjue år sidan. Dei har vore i huset til pynt både ved inngangsdøra og i ulike rom sidan det. Ein kjelke kan gjere same nytten.

Korga frå KID inneheld både furukongler og grankongler. I tillegg har eg lerkekongler. Nøtter er også flott som pynt. Og epler. Og mandarinar... Når eg tenkjer meg om er vel desember ein månad for å vise fram det vi et? I fine boksar, i Norgesglas og i krukker. Kaker og frukt.

Og så kan du tenne lys. Eg har på levande lys heile dagen når vi er på denne tida av året. Sjølv om eg lovde å ikkje tenne eit lys meir, etter nedvask av tak og veggar i vår... Men det er noko beroligande med det. Noko godt. Og det blir så koseleg i rommet. Vi prøver å ha levande lys på bordet når vi et også. Grandiosa med levande lys er fantastisk ;) Her går det mykje i telys, og eg vil kome med ei oppfordring til alle som brukar det : gjenvinn! Lever dei saman med anna glas og metall når dei er oppbrukte!

I morgen skal eg lage reportasje om ein familie som verkeleg skaper jul på gamlemåten. Beundrer slikt, men har innsett at det ikkje er mi oppgåve her i livet? Eg er litt meir coop-julekake typen, som kosar meg med innkjøpte bakverk. Som har droppa julegardinene, og som er ferdige med julegåvene i november, for å unngå stressnakke i desember. Som pyntar juletreet fleire dagar før julaften, sjølv om eg alltid før skulle gjere det lille julaften, fordi det var tradisjon. Men som innsåg at eg stod over vaskebøtta og nesten grein i tretida om natta til kvar julaften og grudde meg til matlaginga neste dag. Denne jenta har blitt vaksen, og har lært at det å sitje med borna sine lille julaften å slappe av, å sjå forventininga i augene deira, og kanskje klare å kjenne på den fjerne følelsen av barndomens jul; ja det er sjølve lukka! I tillegg også å kunne kjenne på sorga ved det å ha mista mange av dei som var jul for oss før... Å kunne smile gjennom tårer, og fokusere på dei gode minna. Det er det jula handlar om for meg. Det er det eg vil prøve å vere god på.

Elin

Ny ynskjecollage til hviit :)

2011-11-28T22:33:00.001+01:00

Må no vere med på neste trekning også?

Hiv deg med du også!

Gå inn til hviit HER

Elin

Advent ved peisen

2011-11-28T14:28:00.004+01:00

I dag viser eg peisen med heimelaga julestjerne :) Stjerna laga eg av gamle hesjestaur, og inspirasjonen fekk eg i Geiranger. Der har dei store stjerner av hesjestaur i full lengde, med lyslenkjer på i sentrum. Veldig flott! Kanskje ein idè for fleire?

Ellers har eg leita veldig etter fleire "juleputer"? Mannen meinte at det kanskje var fleire på hagestova, men nei... Puter finn eg over alt, men ikkje dei eg leitar etter... Har vore i alle kott, og i skåpa i kjellaren. Etter denne leiteaksjonen har eg ein tilståelse... Eg heiter Elin, og eg er putoman... Sånn, då var det gjort. Skal jobbe med avhengigheita framover... ;) Enn så lenge laga eg ein herleg dunge med puter og pledd på Tolixskammelen! Kjekt å ha?

Overvelda over alle besøk i går, og alle flotte tilbakemeldingar! Eg trur eg fekk besøkt alle saman tilbake, noko eg er så kjempeglad for! Det veltar inn adventsinspirasjon, når eg har energi til å vere rundt omkring og kike! I dag er eg superslapp av influensa, og har litt panikk for å bli verre? Når eg først har jobbar rundt omkring, ville det vere sørgeleg å avlyse pga. noko slikt. Lillemor er også heime, lillebror er akkurat blitt frisk. Det er vinter, og vi må nok rekne med nokre sjuker framover?

Oppdaga akkurat at flinke Hildegunn har slike vimplar til salgs som eg viste på innlegget i går.
Viss du vil kjøpe deg ein slik, gå inn HER!

Elin

Advent på kjøkkenet

2011-11-27T15:37:00.002+01:00

Til alle tolmodige lesarar av Draumesidene! Ikkje så mykje nyskapande, berre mitt gamle velbrukte kjøkken. Håper likevel bilda kan inspirere! Store snøfiller dalar ned utanfor, Michael Bublè syng som berre han kan... Telys lunar stemninga i romma, og lysestakane har kome fram på alle bord. Det er tid for kos. Adventstaken er komen opp i vinduet, og bortsett frå influensaen som har tatt tak, har vi ein fin søndag. Håper du og dine også har ein velsigna god første advent!

Elin

Vakre små dyr frå ByNord ved adventsstaken

2011-11-26T14:57:00.004+01:00

Tilbake frå eit døgn på spahotell :) Vi tok ein liten juleferie på forskot, og sjølv om lillemor vart sjuk av influensa, og vi andre også kjenner på noko i kroppen, var det flott å kome seg bort nokre timar. Vi fekk unna siste julegåvene i fagre Stryn, noko eg er veldig godt fornøgd med! Eg prøvde å la vere, men ba mannen om å køyre tilbake til yndlingsbutikken min der, To Damer interiør. Ei herleg oppleving kvar gong eg er innom, og veldig inspirerande! Butikken er uvanleg fin, og full av dei lekraste varer! Det kjekkaste var at eg for fyrste gong fekk studere kolleksjonen til ByNord på nært hald. LOVE! Skulle gjerne ha kjøpt massevis, men så var det denne lommeboka... Eg kjøpte meg tre små skjønne dyr, til å hengje opp, eller berre til pynt på bordet? Dei står saman med adventslysa og hjorten, og ventar på at det skal bli første søndag i advent :)

Adventsstaken er ikkje ferdig, men det har ikkje vore fristande å gå ut i sterk storm

for å hente det eg treng... Men "Berit" gjorde ingen skadar her, så då får vi tole litt vèr.

Tusen takk for fine ord på innlegga under!

Elin

Ynskjeliste i november...

2011-11-25T17:42:00.001+01:00

Eg er ikkje tungbedd når det gjeld å lage ynskjelister ;)

Og når det ein skal ynskje seg finns hos herlege Hviit, ja då gjer det jobben enklare!

Har vore så heldig å få ein pakke frå denne nettbutikken denne månaden, og ventar spent på den neste, som eg trur er i ferd med å nærme seg? I alle fall, eg satsar på ein ynskjecollage frå ein av mine yndlingar; TineK. Har leita veldig etter desse tinga, men dei ser ut til å vere utsolgt over alt?

Kanskje nissen ser dette innlegget, og så ordner det seg? ;)

Har du lyst å lage di ynskjeliste til Hviit?

Gå inn HER og finn meir info.!

God helg!

Elin

Meir om julekort, nokre tips for eit godt resultat!

2011-11-23T11:27:00.006+01:00

Har fått nokre spørsmål om julekortfotografering. Veit ikkje om eg er kvalifisert til å svare, men prøver så godt eg kan! :) Spørsmåla går på dette om korleis ein får fine bilder?

Aller først har det faktisk litt å seie kva barna har på seg. Kva vil du formidle med julekortet ditt? Ein kvardagssituasjon? Vinter? Sommar? Osv. Skal bildet vere humoristisk? Her er det meir enn tusen valg å ta. Men viss vi tek utgangspunkt i bilda eg har vist, har vi prøvd å forhalde oss til årstida, og at borna ser ut til å ha det koseleg saman.

Dernest må du finne ein stad å ta bilda. Eg vil anbefale ein vèrbitt, eller grå vegg viss du skal vere ute. Eg lykkast i alle fall alltid når eg har valgt denne varianten. Dersom du ikkje har heilt kontroll på å stille inn kameraet ditt, eller har eit kompakt eller mobilkamera, skulle dette vere ei grei løysing. Pass på at lyset er bra, noko som ikkje er det lettaste denne årstida. NB! Det er ikkje lett å ta bilder i snøv! Lyset blir ofte for skarpt. Likedan er det smart at ungane ikkje har kvite klede, duse fargar er absolutt enklast å arbeide med.

Det er alltid kjekt å ha med litt rekvisittar, for vår del har det vore skinn og kjelkar siste åra. I går var det rett og slett kjøpte julemannar. Veit ikkje om eg kjem til å bruke av dei bilda kakene er med på, men borna synes alltid det er kjekt å få noko godt på slike fototurar. Dei aller minste kan godt få litt premie, så blir det også kjekt neste gang ein skal ta bilder ;)

Dei beste bilda for meg, er dei der borna nesten gløymer kva vi held på med. Sånn som i går når lillebror oppdaga eit reir oppe i eit av trea over oss. Fekk tatt fleire bilder som eg veit er gull verd for oss foreldre i framtida. Eg planlegg aldri i detalj kva som skal skje. Det blir litt slik at ein må "goe with the flow". Stå ALDRI og hopp opp og ned og rop at barna skal sjå "hit og smil!" La barna sjølv finne roa, snakk litt om kjekke ting, og få dei til å bli ivrige. For eksempel spør dei om kva dei gleder seg til i jula, eller kva dei ynskjer seg. Få dei til å slappe av.

Sist men ikkje minst, det kan vere nødvendig å gjere fleire forsøk. Ikkje ta bilda i siste liten, det blir berre stress og mas av heile bildetakinga. Dette merker borna, og så er sjansen stor for at alt berre blir ei trist oppleving. Stressa foreldre, og sure barn. (Dette veit eg alt om...)

Kanskje blir årets julekort i svart/kvitt? Det er kanskje lett å gjere tradisjonelle valg når ein skal få ting ferdig til jul? Eg føler for å gjere noko som er litt annaleis i år. Så får vi sjå kva bilder som blir valgt. Reknar med at det ferdige eksemplaret dukkar opp her inne før jul ;)

Eg brukar redigeringsprogramma Picnik og PhotoScape (trykk på navna, der er linkar) Desse to kan du laste ned gratis frå nettet, og er relativt enkle å lære. Leik deg fram til resultat! Korriger bilda slik at dei blir rette i vinkel, klipp bort uønska deler av bildet, korriger kontrast og lys, fargar, skarpheit osv. Eit fint bilde er ofte redigert. Og det er lov! Men heilt valgfritt sjølvsagt.

Eg minner om at dette berre er tips

og råd frå ein sjølvlært hobbyfotograf!

Elin

Sjokkarta ettermiddag - julekortbilda i boks :)

2011-11-22T16:53:00.004+01:00

Som mange nok har forstått, kjem bloggen sist i rekkje over gjeremål på tampen av november. Eg er i gang med ein serie julereportasjer, og det medfører eit godt trøkk for ei som ikkje er så god på å arbeide mykje i gongen. Eg hadde planlagt at alt skulle gå føre seg i rolege former, men så skjer ting seg undervegs, og så blir det stress likevel. Ettermiddagen i dag blei plutseleg ledig, og sjølv om eg har fått trykt på plass nokre virvlar i ryggen på behandling før i dag, så var det veldig fristende å fått tatt bilder av ungane i det vakre vèret. Så då gjorde vi det. I stri kamp med lyset, som forsvinn i ræsertempo etter klokka halv tre. Vi bur i eit fantastisk fjordlandskap, og sidan julekortbilda 2010 var tatt mot fjellet, var det kjekt å trekkje ned mot sjøen denne gongen. Eg har sett på ei gammal utløe lenge, og drassa med meg mine to håpefulle nedover ei blaut mark. Ein må faktisk lide litt for å få dei beste locations? ;) Og vi var strålande fornøgde med området. Skjerma, mystisk og passeleg sjarmerande.

Lillebror har hatt same jakka tre år på rad på julekortbilda...

Eg har ein tendens til å kjøpe ting rikeleg store, når det er til slikt bruk...

Vinteren let vente på seg, vi hadde 13 grader før i dag. Difor

ville lillebror ha tøysko på seg. Eit "varmt" minne frå

førjulsvinteren 2011 :)

Elin

Sett frå ein annan vinkel

2011-11-18T15:10:00.003+01:00

Det er gått over to år sidan eg byrja å blogge. Eg får mange hyggjelege mailar i løpet av ei veke, der folk er koselege, og lurer som regel på kvar eg har kjøpt ting. Så er det mailane frå superfine folk som skryt av Draumesidene. Kjekt alt saman! :) Og veldig givande; får meg til å ville blogge vidare. Men så er det menneska eg møter utanfor husets fire veggar. Dei som kjenner meg litt frå det verkelege livet. Dei er dei mest forvirrande for meg. Ikkje så mange som snakkar om at eg bloggar, sjølv om dei sikkert veit det?

Og så får eg spørsmålet, innimellom, -har du det verkeleg slik? Og då tenkjer eg : KORLEIS? Kva meiner folk med det? Nei, eg har det ikkje slik som det ser ut på bilda mine? Vi har vel ofte diskutert dette med å snu ryggen til rotet, rydde ein bit av huset, og så blogge i vei. Rett og slett herleg! Men kva meiner folk med spørsmålet? Kan ein ha det annaleis enn det som bloggen tilseier? Eg skal vere den første til å innrømme at eg ofte bloggar vekk triste dagar, dei har eg hatt plenty av siste to åra. Det er ikkje eit forsøk på å framstå som meir perfekt og lykkeleg, heller ein måte å takle tunge dagar på. Kanskje folk misforstår dette? Kanskje det skaper harme og irritasjon?

Kjenner du deg igjen her? Hmmm... Jaudå. Det er stova mi. Frå ein vinkel som eg ikkje kan hugse eg har tatt bilder frå før? Og eg har opplevd at folk som har lest bloggen min før dei har kome på besøk utbryt : det er jo ikkje slik her skal sjå ut? Og då tenkjer eg ofte, kva med meg? Er eg også ein annan enn den eg gir meg ut for å vere? Smilande, kreativ, optimistisk og evigvarande?

Det er ikkje lett å interiørblogge. Ikkje lett å vere kreativ på kommando. Det går faktisk ikkje an? I alle fall ikkje for meg. Og det å skulle gjengi det med kameraet er heller ikkje lett. Det har også slått meg at der stadig kjem så mange flotte, nye bloggar, at ein kanskje burde ta kvelden? La andre og meir nytenkjande krefter ta over? Draumesidene burde kanskje sove litt? Men eg har no ikkje tid til å sove? Og stadig kjem det ting plaskande ned i hovudet mitt, som eg føler for å dele med andre galne interiørinteresserte? Og så fortsetter blogginga, sjølv om noko inni meg stadig ropar : hallo, du kan stoppe no? Verda går vidare uten alle desse bilda og orda dine!

Eg veit. Og eg veit også at der er andre som kan dette mykje bedre enn meg. Men eg reknar med at dei som kjedar seg, hoppar av i svingen og finn seg nye jaktmarker? Eg for min del blir her nok ei stund til. Fekk ein mail ein kveld forrige veke, som var så spennende, at eg nesten slutta å puste. Ikkje minst minte den meg på at det er ein grunn til at Draumesidene oppstod. Eg skulle lære meg å drøyme igjen. For når ein drøymer og ynskjer seg ting hardt nok, it may come true... Det er liksom eg og Timmy gresshoppe, det er vi som er the dreamers... Og eg vil overbevise alle tvilarar om dette. Eg vil lykkast. Og då må eg halde ut. Bli frisk. Få leve ut draumane mine. For livet mitt ellers er nok heller ikkje slik som dei fleste trur. Eg bloggar om det eg er fornøgd med, det eg er glad for. Så får folk meine og tru det dei vil.

Så for å understreke at eg kanskje ikkje har det akkurat som du trur,

valgte eg desse bilda frå stova i dag. Det er alltid sider ved eit menneske du ikkje kjenner, akkurat som at du ikkje kjenner kvar krik og krok i huset til ein interiørbloggar. (sjølv om du kanskje trur det)

Ha ei flott helg alle saman, eg vil takke for alle fine kommentarar,

dei er veldig viktige for at eg skal fortsetje å blogge no. Skal

prøve å kome på besøk tilbake til dei som er så supre

at dei tek seg tid til å leggje att nokre ord.

Takksam!

Elin

Rudolf har flytta inn på kjøkkenet. Ein DIY som vart litt komplisert?

2011-11-17T12:31:00.001+01:00

Trudde eg skulle lage ei oppskrift på din eigen DrivvedsRudolf til veggpynt, men innsåg raskt at dette kanskje vart i vanskelegaste laget? Uansett, dersom du er tolmodig og har ein dunge med drivvedspinnar, kan du jo gjere eit forsøk? Eg fann inspirasjon i Vakre Hjem & Interiør, der Shishi hadde ei annonse. Eit dyrehovud av kvist til 975 kr. Dette må då vi kunne gjere billegare sjølv? Du kan sjølvsagt bruke pinnar du finn i naturen ellers også. Det gjeld også stjernene eg har vist før.

Eg brukte ein tynn bor og laga hol der pinnane skulle festast saman.

Så putta eg inn tynne stiftar, og i tillegg brukte eg limpistol på

desse punkta. Tolmodigheitstest!!!

Viss du vil prøve deg, så lag fasongen på hovudet først. Deretter

festar du på "sidegreiner" til horna. Til slutt festa eg dei små

pinnane som dannar fjeset.

Ikkje freistande å prøve eingong?

Dersom du MÅ HA, finns framleis Shishi sin versjon ;)

Litt spent på om følgjar nr.500 legg seg til i dag,

i så fall hjerteleg velkomen til Draumesidene!

If you join me today, you will

be member 500 on Draumesidene :)

Welcome!

Elin

Slettvollstolar med nye trekk

2011-11-16T19:36:00.001+01:00

Etter eit aldri så lite samanbrudd i pc`en min, og deretter eit samanbrudd i hovudet mitt, er eg back on track og online igjen. Skulle leggje inn eit printerprogram i går, der alt skar seg BIG TIME! Det skal ikkje skje, men med min teknologiske flaks i november, vart det sjølvsagt tull i systemet. Kameraet mitt har også streika, så eg kjenner meg ganske hjelpelaus. Men, alt ordner seg nok til slutt? Ein veldig snill mann har tatt seg av maskina i dag, og no er nesten alt på plass igjen. Og så har eg fått lånt meg kamera, takk til T som ofra Canon Eos`en sin så eg får laga reportasjer og blogginnlegg!

Eg har sett meg som mål å bli meir opplysande på bloggen min, og huske å merke innlegga med etikettar, slik at lesarar enklare skal kunne finne fram på Draumesidene. Men eg gløymde heilt å skrive at eg hadde kjøpt nye trekk til Slettvollstolane mine... Dei heiter Archibald, og vi har hatt korte trekk i koksgrå på dei. I og med at desse er lange, vart det heilt ny look på stolane. Fargen er ein slags lys blå/grå, og eg elskar forandringa. Synes dei er kjempefine til sofaen og det lyseblå locker-skapet på stova.

Og som eg har sagt 1000 gongar før; Slettvoll er ein av mine store favorittar.

Når eg blir "stor", skal eg fylle opp huset med meir frå denne

produsenten... Det er i alle fall det eg drøymer om...

Elin

Problemer med kommentering? Eg trur eg har funne ei løysing?

2011-11-15T16:16:00.007+01:00

Via omtenksomme MissMette, fekk eg eit flott tips tidlegare i dag. Eg slit veldig med å få lagt igjen kommentarar hos ein del medbloggarar. Dette synes eg er trasig, for eg prøver å skrive minst mogeleg, for å avlaste nakken min. Når eg skal poste, og det forsvinn på mystisk vis, blir eg både sint og lei meg.

Nøstemor, ein blogg som er ny for meg, hadde lagt ut ei oppskrift som forandrar på innstillingane til maskina di. Eg har prøvd å forklare, og håper at fleire enn meg kan få hjelp! Eg har testa etterpå, og kommentarane har blitt posta på første forsøk, og eg er veldig glad! :)

Trykk på VERKTØY oppe til høgre på skjermen.

Velg ALTERNATIVER FOR INTERNETT, som kjem fram lengst nede på lista.

Trykk på PERSONVERN

Trykk på OMRÅDER

Skriv inn adressa www.blogger.com der pil nr1 er.

Trykk tillat der pil nr 2 er.

Trykk til slutt OK ved pil nr 3.

VOLILA!

Viss dette viser seg å vare, burde eg sende

blomster til både Miss Mette,

og Nøstemor :)

TUSEN TAKK, for at dokke hjalp meg!

ELIN

Oppdatering tirsdag kveld: Har fått problemer med maskina mi, fryktar at eg har åpna opp for virus ved å gjere endringane over??? Usikker, for eg har også lasta inn eit printerprogram i kveld frå cd, og det var etter dette maskina låste seg. Køyrer no i Sikkermodus. Skal prøve å finne ut om denne løysinga kanskje ikkje er så bra likevel?

Ny oppdatering : Det skal IKKJE ha noko med innstillingane eg tipsa om før i dag å gjere, at pc`en min klikka. Held på å få hjelp til å fixe problema no. Programvare som har slått seg på vranga...

Vinter på stova

2011-11-15T13:07:00.003+01:00

I dag vakna vi til nesten ingen plussgrader, og rim på bakken. Nesten merkeleg, sidan vi har hatt så milde dagar og netter til no i november. Litt godt også, kjenner at tanken på at det faktisk nærmer seg desember, vart litt meir verkeleg. I dag skulle eg ha vore på reportasjetur for avisa, men lillebror vart sjuk i går ettermiddag. Feberen reiv i den vesle kroppen i natt, og difor valgte eg å vere heime. Kanskje like bra, fordi eg slit med veldig hovudverk for tida. Det kjem frå nakken, og er heilt vanleg denne årstida. Men ikkje alltid like enkelt å takle. Likevel er eg veldig glad for at lillebror et og drikk igjen i dag, ser friskare ut i ansiktet, og har lyst å leike på loftstova. Eg skal heller ikkje gjere så mykje. Lese litt bloggar, prøve å få lest siste Vakre Hjem & Int., og kanskje setje på ei vaskemaskin med klede. Det kan vere godt å ha slike dagar innimellom, berre la lufta gå heilt ut, og senke skuldrane. Det er i alle fall målet.

Puta frå Kremmerhuset er eg blitt så glad i. Pappaen min var idrettsmann på 40-talet, og bildet på puta er så likt han :) Eg synes dette var ein flott tidsperiode, og let meg fasinere av klede og stil. Og ikkje minst optimismen som etter kvart bygde landet vårt opp igjen etter andre verdskrigen. Det var ein litt tung dag på søndag, sjølv om eg kan besøkje grava hans og tenne lys, ville eg helst ha hatt han her hos meg enno. Difor betyr denne puta litt ekstra for meg.

Eg store problemer med å få lagt att kommentarar hos andre bloggarar? Eg har tenkt litt i dag, og funne ut at det faktisk er dei eldste bloggane eg har mest problemer med? Ser at det varierer veldig med kommentarar her hos meg også, og har fått tilbakemeldingar på at folk ikkje får posta det dei skriv? Gode råd mottaes med stor takk! Brukar å kopiere kommentaren eg har skrevet, i tilfelle den ikkje går gjennom i systemet, men det er det liten vits i, for den går då heller ikkje gjennom på andre og tredje forsøket heller?

Ynskjer alle ein flott dag vidare!

Elin

Beate kom med eit godt tips i kommentar under her.

Dette er ikkje grunnen til mine problem.

Deler likevel dette tipset med andre :

Trur eg har fått hjelp?

Innlegg kjem i kveld! Tusen takk!

Vinnaren er:

2011-11-14T22:32:00.001+01:00

Frøken Fryd! :) Random org plukka ut nr.8 av 40 som hadde lagt att kommentar.
Eli legg alltid att så herlege kommentarar, ei bloggveninne i SÆRklasse!

Send meg adressa di på mail, så kjem det ei drivvedstjerne i posten!

Tusen takk til alle dokke andre som var med
i trekninga, skulle gjerne laga ei stjerne til
kvar og ein, kanskje eg overraskar
nokon før jul?

Elin

Lyseblått locker med X-MAS glam

2011-11-14T13:58:00.002+01:00

Papirpynt og trefuglar frå Indiska, kvite perlehjerter, Herlighet.

Det er snart midten av november, og sidan eg er ei slik dame som hiv ut jula første januar, er det på tide å byrje å tenkje på korleis eg vil pynte til jul i år. Eg synes det er kjekt å utfordre seg sjølv til å tenkje nytt. Eg har ikkje mykje glam og glitter i heimen til vanleg, difor skal det svært lite til for at her lyser opp. Eit papirhjerte med gullstrø er kanskje alt som skal til? Tavla på forrige innlegg har eg laga sjølv. Laga ei ramme av lekter, og spikra på ei tynn treplate. Deretter er ho grunna, og måla med to strøk tavlemåling. Siste året har ho vore brukt til dekor med fransk tekst på. Men eg fekk eit innfall på laurdag, etter å ha pakka ut serviettane frå Hviit. Dei er kvite, med svarte stjerner på. Eg klipte ut 4 slike stjerner, og limte dei opp på tavla med tape. Saman med pappfigurar frå Indiska. Til slutt tok eg to kanelhjerter og festa på med tegnestiftar. Voila! Eit veldig stemningsskapande innslag på stova. Desse produkta som du får kjøpt av kanelbark luktar heilt himmelsk! Veit at Herlighet held på å pakke ut slike sist eg var innom. Er usikker på kva leverandør som har dei? Mine er frå Hviit.

Eg trekkjer vinnaren av drivvedstjerna i kveld, er du følgjar på Draumesidene,

og har lyst å vere med? Meld deg på HER!

Elin

Hviit Vinterstemning på stova

2011-11-13T16:35:00.003+01:00

Fekk så kjempefin pakke i posten frå Hviit før helga.

Nesten som julaften... Eg hadde bestilt nokre småting, men gleda meg STORT over alt saman!

Kanellykt og hjerter, herlege serviettar med stjernemotiv og flotte telyshaldarar ned stjerner dei også. Frå TineK. Tusen takk for flott sørvis og alltid herleg utval i nettbutikken!

Lyst til å sjå på fleire herlegheiter? Du finn

Hviit HER!

Og korleis du kan lage di eiga "vintertavle", ja det kan eg nok

fortelje om ein annan dag? Eg er i alle fall veldig

glad i mi si! Og idèen er min...

(trur eg?)

Elin

Har du meldt deg på i trekninga om ei Draumeside-drivedstjerne?
Du finn innlegget HER :)

DIY oppskrift på drivvedstjerne

2011-11-13T13:16:00.001+01:00

Her kjem ei oppskrift på korleis eg lagar stjernene mine. Det minner om når vi lærte å lage sjerner på barneskulen? Prinsippet om å lage ein trekant, og så lage ein trekant til opp ned på den første.

Du kan rett og slett leggje to trekantar opp på kvarandre, den eine med flat side ned, og den andre med spiss ned. Surr med streng i hjørna, og deretter i krysspunkta der pinnane tek saman. Stjerna i headeren min er sett saman på denne måten.

På stjerna eg laga i dag, putta eg kvistane litt over og under kvarandre, og det vart veldig fint!

Dette gjekk an, fordi kvistane ikkje var heilt rette.

Og stjerna du ser på øverste bildet, gir eg vekk til ein

følgjar :) Legg att kommentar

HER, og bli med i trekninga!

Elin

Eg gir bort ei DIY drivvedstjerne :)

2011-11-12T13:16:00.004+01:00

Trekninga er over :)

I dag har lillebror og eg vore på skattejakt i naturen. Nettet vårt vart fullt av furu og grankongler, og ikkje minst drivvedspinnar. Eg kjem til å lage nokre ting framover, og fekk lyst til å gi bort ei lita drivveds-stjerne til ein av følgjarane mine. Eg er veldig glad og takknemleg for at så mange har funne vegen inn her i det siste.

Ser at det er litt styr inne hos NIB, fordi mange meiner at soveromma i utfordringa er veldig like. Seks av ti bidrag skal visstnok ha "ved" i bilda sine. Eg er enig. Og skal eg vere heilt ærleg, er eg ikkje oppteken av å få stemmer heller. Det blir ein slik bismak når ein ser alle dei flotte bidraga som ikkje nådde til finalen. Eg kan godt gi min plass til eit f.eks. retro-soverom. Alle stilartar burde vere representerte.

Men at greiner og drivved berre er til fyring; det er eg ikkje enig i ;)

Og viss du heller ikkje er enig i dette,kan du leggje att ein kommentar under dette innlegget,
og bli med i trekninga om ei Draumeside-stjerne :)

Bildet over er av prototypen eg laga i haust.

Den eg gir bort blir omtrent lik :)

Det er sjølvsagt lov å leggje seg til som følgjar,

og så skrive kommentar...

Nyt helga!

NB! Det kjem oppskrifter på ein del GjerDetSjølv ting i vekene framover!

Elin

I finalen hos NIB :)

2011-11-11T17:15:00.001+01:00

Kjære alle saman! ENDELEG kom Draumesidene med i ein NIB finale :) Eg har vore med på temmeleg mange utfordringar, og vore heldig å fått vist bildet mitt i bildegalleriet mange gongar. Men eg har aldri vore blant dei ti siste. Eg har sett over dei 20 som er i bildegalleriet, og er som vanleg ikkje enig i kven som til slutt havna blant finalistane. Slik er det alltid. Eg vil hevde at der er fleire som fortente å vere med meir enn meg i alle fall. Så får dokke andre gjere dokke opp ei eiga meining. Reagerte veldig på ein av begrunnelsane til kvifor eit bilde var valgt. Men det er no ikkje mitt problem, når eg tenkjer meg om...

Likar du bildet frå soverommet mitt, og vil gi meg di stemme, kan du trykkje
HER for å kome inn til NIB :)

Kjekt at sengegavlen med fjøler frå tippoldeforeldra

mine sitt hus fall i smak hos juryen :)

Elin

Vinterpynta på terrassen

2011-11-10T15:05:00.004+01:00

Pledd frå Anouska, Herlighet

Kopp frå Indiska

Lykt frå Kremmerhuset, hjort og naturkransar frå Herlighet.

Heldige meg fekk nyte ein kopp te, og lese Alt i Hemmet nr.13 i novembersola på terrassen. Veldig fint blad!

I fjor var det kaldt og snøv på denne tida. Eg må innrømme at eg setter VELDIG stor pris på at vi har draumedagar her i Nordvest, med sol og mildvèr kvar dag. Godt for kropp og sinn!

Har investert i to reinsdyrskinn, fantastisk varme og fine!

Håper du også kan få oppleve slike dagar, sjølv om mørketida inntek landet

vårt dag for dag. Forresten: eg elskar å sitje ute stjerneklare

kveldar også! Det gjeld å sjå det vakre i alle årstider...

Elin

Oppdatert vareinformasjon (må gjerne få ting forklart to gongar...) :)

2011-11-09T19:13:00.003+01:00

Ja då er vi tilbake på soverommet. Eg har prøvd å gjere heimeleksa mi litt bedre i dag, og håper å kome med meir sannferdig vareinformasjon. Aller først; hjorten på nattbordet er frå House Doctor. Framleis kjøpt på Herlighet i Ålesund. Likedan lyslenkja over sengegavlen, frå same butikk og leverandør. Lenkja går på batteri, med sånne fancy pærer som ikkje brukar så mykje energi. Var det LED lys mon tru (OK, held på å dette av lasset allereie, igjen?) Stjerna har eg laga sjølv av drivvedspinnar frå fjøresteinane. Eg har laga to trekantar, og surra endane saman med tjukk streng. Du kan sjølvsagt bruke tau/hyssing også. Veldig dekorativ, og enkel å lage!

Oppi korga frå Broste (det var rett) kjøpt på Herlighet, heng det eit lekkert hjerte frå Walther & co, kjøpt på same staden. I tillegg ligg det strikka julekuler der, kjøpt hos Kremmerhuset.

No er eg vel snart ferdig vel? Putene har kome ned i sofaen på stova, dei er herleg vinteraktige, og heilt ulike alle dei andre putene eg har frå før. (og det er jo snakk om nokre eksemplar det då...) Den med fototrykk minte meg så veldig om bilder av pappaen min på 40-50-t. Det var difor eg fall pladask. Det står "Gledelig Jul" på ein lapp i det eine hjørnet, men den vurderer eg å fjerne. Denne puta skal få vere i stova til påske! Du finn henne på Kremmerhuset. Den andre berre ropte etter meg, og ville vere med heim frå Herlighet. -ta meg med Elin! Heilt sant... Synes dei er fine saman. Pleddet, som eg har ute i stolen på terrassen, er også frå sistnevnte butikk.

For å få full oversikt over alle desse tinga, måtte eg innom Herlighet igjen i går kveld, og det skulle vise seg å bli interessant... Var jo eit par ting eg faktisk klarte å la vere å kjøpe på måndag, som stod og gret på borda når eg kom inn... Vel, det får eg fortelje om ein annan dag. Og viss nokon lurer på kvar all denne kjøpelysta kom frå, så er det så enkelt som at eg held på å selge gamle møblar. Eg synes eg har fortent litt shopping eg også?

Tusen takk for alle fine kommentarar! Og velkommen til ein liten,
søt flokk med nye følgjarar!
Hyggjeleg! Skal gjere mitt beste for å

oppretthalde blogginga fram mot jul! :)

`till we meet again...

Elin

Bli med til havet...

2011-11-08T23:42:00.002+01:00

Var impulsiv i ettermiddag, heiv born og fotoutstyr inn i bilen,

og køyrde ut til Sunnmørskysten og det storslåtte havet. Ei ny eventyrleg oppleving,

på få dagar... Frå fjell til fjord.. Sjølv borna vart bergtekne av inntrykka.

Vinteren blir kortare for kvar dag som går. Sola skin frå ein skyfri himmel,

og med 15 grader minner det meir om seinsommar enn november...

Elin

Produktinformasjon à la Elin :)

2011-11-08T13:07:00.001+01:00

Eg lover stadig å bli bedre med produktinformasjonen min, men heng litt etter i svingane. Det er veldig greit å sende meg ein mail, viss det er noko du lurer på. Eg svarer alltid, om ikkje med ein gong, så svarar eg så raskt som eg kan :) Eg forstår sjølvsagt at mange lurer på kvar ting er kjøpt, eller kva leverandør tinga kjem frå. I går hadde eg nokre nye ting som skulle i bruk, og eg la lappane sirlig på kjøkkenbordet. No skulle Elinjenta verkeleg informere proft! Men i dag må eg innrømme at ting har gått litt i surr? For kva lappe var på kva produkt?

Hjort, lykt og stålkorg er kjøpt hos Herlighet på Moa, Ålesund. Lykta er frå Mille Moi, korga ser ut som om den kjem frå Broste, og hjorten stakkar, ja han kjem frå dei ville skogane... ;) Dersom nokon lurer, skal eg nok finne det ut? Herlighet bugna over av flotte varer i går, og eg vil nok ut igjen når julevarene kjem på plass. Ser ikkje bort frå at det blir nokre bilder frå utstillinga også. Det fine i år er at det finns så mykje fin pynt som passar heile vinteren, ikkje berre akkurat jul? Det synes i alle fall eg!

Dei strikka julekulene er frå Kremmerhuset.

Fleire bilder og opplysningar frå soverommet kjem seinare.

No må eg ut og nyte den vakre novemberdagen!

Elin

Soveromsutfordring hos NIB - i siste liten :)

2011-11-07T16:00:00.004+01:00

Jammen bra at NIB har desse utfordringane, så ein får orden på eitt og anna rom ;) Eg har vore med

på soveromsutfordring før, men har vel kanskje vore gjennom ein x-treme makeover sidan sist?

Det nærmer seg desember og vinter. Det var også inspirasjonen til dagens bilder.

Det blir jo også litt ekstra fluffing og stæsjing når ein skal ta slike bilder?

Eller er det kun eg som driv med slikt? (eller innrømmer det)

Kjekt er det i alle fall! Skal vere flink og informere om

kvar ting er kjøpt i seinare innlegg. Pleddet frå

Anouska/Herlighet er min vinterfavoritt!

(kunne faktisk brukt det som kjole!)

(LOVE!)

Sjå fleire bidrag i utfordringa hos NIB

Elin

Indiska på Trollstigen, mine bilder!

2011-11-06T17:49:00.002+01:00

Ein eventyrleg dag eg ALDRI kjem til å gløyme! Skulle gjerne vist fleire klede,

men forma mi er ikkje noko særleg for tida, så eg prøver å begrense meg i det kreative eg gjer.

Tusen takk til vakre og kjempeflinke Amalie, som ikkje hadde vore modell før... kven skulle tru det? Tusen takk også til Robin på Indiska Moa Amfi, som har trua på kreativiteten min! SÅ glad at eg vart kjent med deg Robin! Indiska har tilpassa varene sine meir og meir til eit nordisk klima, og butikkane bugnar over av bl.a.flotte strikkeklede.

Du kan sjå meir av Indiska sin kolleksjon HER.

Tusen takk for alle flotte kommentarar på innlegget før i dag
Kjekt å sjå at somme likar bilder på Draumesidene,
som ikkje er av interiør! Håper at du setter pris på
mitt forsøk på å vere nyskapande :)

Elin

photo by elin parr

2011-11-06T08:59:00.001+01:00

Av ulike årsaker har eg valgt å bli Elin med fullt navn her inne på bloggen.

Draumesidene er ein interiørblogg, men av og til finn eg stor inspirasjon i å gjere ting som er litt annaleis. Som til dømes å låne ting frå butikkar og gjere dei om til min stil. Ser at lesartalet blir halvert når eg gjer slike ting, og det er jo litt ironisk, sidan eg sjølv har dobbel glede av slike bilder og prosjekt. Eg har pr.d.d. aldri tent ei krone på slike oppdrag, viss nokon lurte... Eg gjer det for min eigen kreative del. Seinare i dag kan du bli med meg og vakre Amalie på tur til Trollstigen, ein alldeles fasinerande fjellovergang i Møre og Romsdal, og eitt av Noregs mest besøkte turistmål. Synes at dette var ein passande setting for å vise klede frå Indiska?

Stay tuned :)

Elin

"PARALLELOGRAMS"

2011-11-05T17:46:00.003+01:00

http://youtu.be/OZn5lyOjvnk

Mitt bidrag til

Øyeblikk.net

Ta deg ein tur innom for å

sjå fleire flotte

bidrag!

Elin

DIY strikkapute, uten å strikke

2011-11-04T20:18:00.001+01:00

Fekk ein mail med spørsmål om puta på bilda frå i går, om den var å finne på Indiska. Nei, er svaret. Puta er nemleg ein strikka hals frå Indiska som vi skal bruke på fotoshooten i morgen ;) MEN: sjølvsagt kan du lage ei pute av den! For 99 kroner, har du eit godt utgangspunkt! Putt ei pute inni halsen, og lag til saumar slik at den blir eit putetrekk. Du kan til og med sy for hand, gjerne med ein grov ulltråd. Denne kan vere i ein annan farge som passar til puta sin petrolblå nyanse. Det er lurt å vrenge halsen, og sy på innsida. Siste saumen må du ta etter at du har putta puta inni. Elendig forklart, I know :) Men it was worth a try...

Nyt fredagskvelden!

Elin

Elin, Indiska og førjulsvinter

2011-11-03T17:12:00.006+01:00

Hesjestaur til å hengje opp ting på! Anbefalast!

Tomme rammer i klase med tråd i. Kvifor ikkje? TineK idè.

Hortensia frå Mester Grønn, LOVELY!

Hagestova er ein flott stad å vere, også mot jul...

Svolten fotograf, blir tid til kos også!

Og masse inspirasjon!

Eg er så kjempeheldig å få lov å vere kreativ ved hjelp av kolleksjonen til Indiska. Eg tok på meg eit liknande oppdrag i fjor før jul, resultatet finn du HER :) Indiska sett gjennom Elin sine auge. I år blir modelljenta mi større, og settingen ein heilt annan. Gleder meg til fotoshoot i helga! Ellers har eg shoppa litt til meg sjølv også, fall pladask for papirpynten som heng på veggen. Eg måtte også ha meg nokre nye koppar, og 3 vakre trefuglar som ein kan hengje opp. Har snakka om vinterpynt tidlegare; synes absolutt desse fuglane kjem inn under denne kategorien.

Hadde tulla med linken ser eg, no skal det vere mogeleg

å kome til fjorårets innlegg!

Vil takke alle lesarar som er trufast innom kvar dag, sjølv om eg ikkje bloggar.

Dette innlegget er dedisert til alle dokke! Og til Robin på Indiska

Moa Amfi.

Og nei, eg tek ikkje betalt for jobben... ;)

Vi sjåast vel igjen i helga?

Elin

Kjøkkendetaljar

2011-10-22T11:21:00.002+02:00

Vinteren som var innom trekkjer seg tilbake, vèrvarsla er fantastiske...

Den grøne basilikumen gjev kjensle av sommar... I alle fall

haust lenge enno... og til deg som lurte, finn ingen

merke på boksane om kven som er

leverandør? Skal sjekke.

Dei små metallskålene

er frå Madam

Stoltz.

Fann det ut : boksane er også frå Madam Stoltz :)

Laurdagen blir travel, familiemiddag

med 11 rundt kjøkkenbordet.

Men aller først ein lang

tur til fjellet...

Nyt din dag!

Elin

Lullabye...

2011-10-21T18:04:00.001+02:00

Eg har hatt besøk igjen av tinybittelille Ronja, som viste seg å ha blitt ei større jente i løpet av siste veka. Heile 14 dagar gamal, og forandra sidan sist fredag? Eg blir både tankefull og ikkje minst mjuk innvendig av å studere babyar på nært hald. Har fått fleire henvendelsar om babyfotografering, men det er faktisk ganske slitsomt og intenst? Fekk nokre kommentarar sist om at ein baby er fin sjølv om han ikkje søv. SJØLVSAGT er dei det! Nydelege uansett. Men det er noko magisk med eit sovande barn. Morfaren min brukte visst å seie, at borna var finast når dei søv... Han brukte å stille seg inn til senga deira, og nyte synet i ro og mak. Morfar var født i 1899, så han var av ein litt anna årgang enn dei fedrene som styrar på i dag. Var visst eit program på tv også ein kveld, om at det gav assosiasjonar til triste ting når ein tok slike bilder. Dette får bli opp til kvar enkelt. Eg synes slike bilder er vakre.

Fredfull, harmonisk, lukkeleg, roleg...

VAKKER!

God helg!

Elin

Lyst på ein godnattsang til bilda? Trykk på siste sangen

på spelelista mi til venstre i margen ;)

Bring nature in...

2011-10-21T10:36:00.001+02:00

Ingen tvil om at eg er hekta på naturmaterialer. Og kjekt at ein kan

plukke med seg ting frå naturen... Du kan bruke pinnar av ulike

slag til å lage slike stjerner. Ser at det er fleire i

bloggfellesskapet som lagar sine eigne

stjerner. Kjekt! :) Og no er det

like før lerka mister

nålene sine...

Elin

Vinterkjøkken, snart november :)

2011-10-20T12:42:00.002+02:00

Eg var og handla i går... Viss nokon trudde at eg var så snusfornuftig at eg hadde slutta med slikt; så er det FEIL! Kunne ha shoppa for 100.000 på ein dag, viss eg var i rette butikkane. Blir faktisk varm i hovudet av å tenkje på alt eg ynskjer meg... Men DET gjer eg altså ikkje. Men LITT ;) Visste at eg kom til å knekkje saman hos Herlighet når eg skulle innom med adressa til Elin som vann pute derifrå. Eg hadde tatt nokre bilder sist eg var der, og studert ein del ting til kjøkkenet. Eg vart i tillegg veldig inspirert av deira veldig diskrè "julebord", som inneheld ting til førjulstid og desember. Hadde same kjensla når eg kom innom Indiska etterpå. Forstår jo at butikkane vil setje fram ting til fristelse og inspirasjon? Vel; det enda med at eg kjøpte nokre småsaker. Boksar til kjøkkenbenken, nye serviettar, ei zinkstjerne med grå og kvitruta sløyfe (vinter for meg, ikkje jul)... Og litt til. I dag er det ryddedag i heimen, har flytta fredagsdugnad til torsdag i det siste, synes det er mykje kjekkare å vere ferdig med hussyslar når fredagen er her. No skal det nevnast at eg ikkje er halvferdig i skrivande stund. Men eg fekk lyst til å ta bilder, og då gjorde eg det. Ute snøvar det heilt ned til fjorden, eg høyrer på Odd Nordstoga, og fyrer i peisen. Det er snart vinter.

Eg vil takke alle som tok seg tid til å lese, og gi kommentar på innlegget under. Eg veit at det er nok dei mest trufaste lesarane av Draumesidene som fekk med seg dette. Eg vart veldig rørt og glad av å lese det som stod i dei flotte helsingane... Eg innsåg også at dette er mykje meir enn ein interiørblogg for meg, men tydelegvis også for andre. Dette gjev ein veldig god følelse. Som å bli løfta opp av englar, beskreiv eg det til dei rundt meg her. Å ha så fine folk på nett... Beste medisin og inspirasjon som finnast!

STØRSTE klemmen!

Elin

Draumesidene - the story

2011-10-18T12:31:00.005+02:00

Denne bloggen vart oppstarta i juni 2009. Eg hadde vore sjukmeld sidan januar 2008. Eg hadde ein svikt i levra mi, fekk ein blackout, og landa på fjeset i badgolvet. Etter kvart fekk eg påvist ein prolaps i nakken, og to nede i korsryggen. I tillegg var eg gjennom nokre operasjonar av andre årsaker, livet var veldig tøft å leve. Familien vår vart ramma av sorg fleire gongar på kort tid. Minstemann var to år. Eg hadde ingen arbeidsgivar lengre, og difor ingen stad å drive jobbtrening. NAV foreslo forskjelleg, men eg synes alt høyrdes skummelt og krevjande ut. Veninna mi Marianne hadde byrja å blogge, og dette var eg litt nysgjerrig på? NAV synes dette var ein god idè, og oppfordra meg til å setje i gang. Prøve å skrive og ta bilder fleire gongar i veka. Kome i siget igjen. Starten på Draumesidene gjekk i slow motion kan ein seie. Eg kunne ingenting om HTML, om redigering eller noko som helst når eg tenkjer meg om. Det vart ikkje så mange innlegg for å seie det slik. Eg fekk meg speilreflekskamera med mannen og borna til bryllupsdagen denne sommaren, men det hjalp heller ikkje... ;) Ut på hausten løsna det litt, og eg forstod litt meir her inne på blogger. I slutten av september åpna eg opp for verda, og huskar at eg var veldig nervøs og spent.

Kunne nokon finne min blogg verd å lese?

Eg trur eg hadde eit anna navn i starten, huskar ikkje heilt. Men valget fall til slutt på Draumesidene, og eg var fast bestemt på å skrive på nynorsk. Eg hadde ingen flying start, det har vore ein enorm jobb å opparbeide seg lesarar, eg blogga nesten dagleg første året. Eg har aldri forstått meg på korleis ein brukar desse sidene der ein kan drive pr for seg sjølv, og er så bedageleg anlagt, at eg ikkje gidd å stresse med det heller. Eg har takka konsekvent nei til intervju og artiklar i aviser her i området, og halde på anonymiteten min. Det er klart at mange no veit kven eg er, kvar eg bur osv. Men det kjennes OK å ha det slik som no.

DRAUMESIDENE - eg hadde ein draum om å få bli frisk igjen. Sleppe smerter og triste tankar. Slik starta det. Etter kvart fekk eg evna til å drøyme om at eg kanskje kunne gjere ein forskjell for andre også. Eg sette meg som mål å bli flinkare å ta bilder, og prøve å vere nyskapande og kreativ slik at andre også sette i gang draumeprosessen sin. Interiørmessig først og fremst, men med ein undertone slik at lesarane også skulle forstå at ein sjølv må tru at ein er god nok. Det handlar ikkje om kor dyre ting ein kjøper, eller kor stort hus ein har. Det handlar om å skape noko som er sitt eige. Med sitt eige særpreg.

I mars 2009 storma det veldig rundt meg igjen. Eg sletta bloggen min, med 150 følgjarar. Og angra etterpå. Eg oppretta nye Draumesidene, og bad alle om å leggje seg til i lista mi igjen. Uff, eg angrar enno, hadde vore superfint å ha dei 100 som forsvann på følgjarlista mi i dag. Men mange la seg til igjen, og nye kom til heile tida. Det var litt som å byrje på nytt, men i ettertid ser eg at det kanskje var ei meining med det? Eg er i alle fall veldig glad for at eg ikkje gav opp! Det har vore ei flott reise. Eg har posta 899 innlegg. Eg runda 100.000 lesarar i januar 2011, og sjølv om eg har hatt lengre pauser, og blogga mykje mindre, kom det jammen 100.000 til i løpet av dei neste ni månedane. Eg kan takke andre bloggarar for dette. Ikkje minst Emmeline, som la meg til i bloggrollen sin for snart eitt år sidan. Det er slike ting som gjev blogginga eit løft, at andre hjelper til innimellom, slik at ein får større vingar å flyge med. Eg ser sjølvsagt at eg kunne ha fått fleire følgjarar ved hjelp av GiveAwayen som akkurat er avslutta. Men det er noko som held igjen. Det er kjekkast når folk legg seg til i lista av andre årsaker.

Som eg har nevnt før, det er kanskje litt fy-fy å innrømme at ein vil ha mange lesarar, og følgjarar? Ein skal blogge for sin eigen del, så klart. Men eg synes det er kjempestas å sjå at den jobben ein gjer blir lest og likt av fleire. For det er jobb. Uten lønn. Dei som er smarte og flinke nok, kan nok tjene pengar på det. Men eg gjer ikkje det. Ein bør ha reklame og avtalar som gjev inntekter, viss ein skal blogge i stor stil. For det tek MASSE tid! Eg likar ikkje at somme snakkar negativt om bloggarar som prøver å gjere ein leveveg ut av arbeidet sitt her inne. Slikt må då kome av sjalusi? Dei aller fleste har ein blogg for "sin eigen del", og trives kjempegodt med det. Får nye vener med same interesser, og har eit flott sosialt nettverk å finne inspirasjon og smil i når ein stikk innom. Også trøst innimellom, viss ein tør å blogge om at livet går ein imot... Det er viktig å akseptere at vi alle har ulike tankar og mål med blogginga vår.

Ved hjelp av ein ny behandlar, har eg fått eit "nytt" liv siste månedane, og eg klarer å sjå opp på stjernehimmelen kveldane uten å svimle. Tenk på det! :) Ein må ta vare på alle framsteg, sjølv om dei er ørsmå. Eg har kome i gang med jobbing igjen, takka vere bloggen min. Eg har skapt meg eit kontaktnett, og blitt sett av menneske som vil gi meg ein sjanse. Draumane mine vart verkelege! Du skal aldri undervurdere tanken si kraft, ei heller undervurdere deg sjølv. I mitt tilfelle er utfordringa å vere tolmodig nok i framtida og å ta tida til hjelp. Eg vil så mykje etter alle desse åra, men må enno spare på kruttet når eg er i gang. Fallhøgda er enno stor. Men eg er i gang.

Takk til alle som har vore der for meg!

De anar ikkje kva krefter de har gitt meg!

Eg er så kjempetakknemleg for alt Draumesidene har gitt

meg, og for den kreativiteten som kom fram igjen etter år med sjukdom

og tristheit. Eg veit ikkje enno kvar vegen går. Eg har fått nokre

tilbod i det siste som eg må vurdere. Eg håper at eg

finn ut korleis eg vil bruke tid og krefter vidare.

TAKK!

Elin

Holy Macaroni, the winners are:

2011-10-17T15:59:00.003+02:00

TROMMEVIRVEL.....

Sjal frå Emmas Verden : Vakre Augeblikk

Røykjelse frå Indiska : Julies drømmehjørne

Bok frå Karisma Interiør : Mine diller

Pute frå Herlighet : Elins drømmer

Leike frå Bella Rosa : Hverdagsliv

Rådyr frå Kremmerhuset : Nina A Andersen

Pute frå Mille Fleurs : My Home is My Castle

To koppar og tørkehandkle frå LiveIn : Made by Molla

Bok frå Slettvoll : Landlige Hjem

I tillegg har eg allereie delt ut eit forklede frå Red Shoe til Pias Verden

Send meg ei postadresse på mail : draumetausa@gmail.com

Veldig kjekt at Random Org plukka ut både kjende og ukjende navn. Ingen frå facebookpåmeldinga kom med, kanskje neste gong? :) Det har vore nokre fine veker, og med 217 deltakarar, har eg fått nytt innblikk i kven alle lesarane mine er. Då er det på tide å gå tilbake til normalen. Eg hadde faktisk planlagt å avslutte Draumesidene mine i dag. Tenkte det var ein flott måte å gjere sorti på.
Men eg får sjå kva som skjer framover?

Eg vil igjen takke alle butikkane som har gitt meg
så fine premiar til GiveAwayen!

Elin

Snart mamma...

2011-10-16T23:48:00.001+02:00

Og for ein måte å bli mamma på for første gang! :) To små jenter kjem snart til verda, og spenninga er stor. Eg har aldri tatt bilder av ein veksande mage før, og eg var veldig spent på fotoshooten. Spontant og optimistisk foreslått på laurdag, og utført dagen etter. Det gav absolutt meirsmak! Mammaen ville gjerne ha utradisjonelle bilder, ikkje så lett synes eg? Men eg har vel aldri sett ein mage med DYMOskrift, så det håper eg var min idè? Kjempekjekt å få forevige deg og jentene dine Kristine!

Mammaen fekk sjølvsagt med seg helsinga

frå dei små på eit ark som minne ;)

Elin

Presentasjon av siste premien før trekning!

2011-10-16T19:39:00.001+02:00

Då var vi komne til vegs ende i presentasjon av premiar :) Eg skal innrømme at eg såg litt svart på dagane som skulle kome sist søndag, for forma har vore laber. Men eg er superstolt over å ha laga så mange innlegg likevel, og fått vist fram alle fiiine premiar som dokke der ute kan vinne! Nesten godt med ein pause i interiørinnlegga, kjekt å gjere andre ting innimellom :)

Dagens premie er frå Bella Rosa, ein interiørbutikk i Stordal i Storfjorden, innanfor Ålesund. Ursula har eit variert utval av interiør og pynteting, tenkte å vise dokke meir frå butikken hennar ein annan dag. Men ho har massevis av fine leiker. Difor hadde ho lyst å gi vekk to dingsar frå HABA. Eg kan rett og slett ikkje finne navn på dei? Det nærmaste eg kjem er smokkehaldar, og drage-i-ringar-leike?

Lat oss heller prøve med eit beskrivande bilde! :)

Ursula held ope på ondagar, fredagar og laurdagar,

for meir informasjon kan du

ringe tlf. 41369038.

Teljaren bikkar nok 200.000 unike treff i morgon ein gong?

Eg trekkjer GiveAwayen med Random.Org. etter dette.

Håper at du har meldt deg på? Eg ville GJERNE ha vore med på denne trekninga!

Mannen i huset lurte på om han kunne melde seg på, men han var litt

for mykje i familie fann vi ut ;) Det vart også foreslått dekknavn,

men vi får klare oss utan vinnarsjansar denne gongen :)

SISTE SJANSE TIL Å VINNE FLOTTE TING!

TRYKK HER FOR Å MELDE DEG PÅ

MED EIN KOMMENTAR!

Elin

NB! Du finn presentasjon av alle premiane viss du scrollar

deg nedover innlegga mine siste veka!

Gi bort på rett :) PIA I love Your Blog!

2011-10-15T22:06:00.002+02:00

Kven har lese bloggen min så lenge, at dei huskar vesle Alva? Eg hadde ei flott

stund sist haust saman med jenta med englehåret... Og mammaen som syr klede av gamle gardiner og dukar :) Gry Annette har tatt sats, og modig starta sitt eige firma, RED SHOE. Trykk på linken bak her for å sjå fleire ting Gry har sydd, og kanskje du vil følgje med vidare på Facebook? Syerska skulle vel vere right on time med designet sitt, med bl.a. gjenbruk og friske fargar og mønster frå 70-talet? Ho syr også andre typar klede på bestilling, men eg trur ho er absolutt lykkelegast når ho får omgje seg med mønster og fargar? Eg har fått eit flott forklede størrelse 2-3 år. Det er mogeleg å bruke det på begge sider, med hovedfargane blå og raud, til den nette sum av 799,-kr.

Så til det kjekkaste. Gry vil at eg skal gi det til ein medbloggar som betyr mykje for meg. Som kan bli glad for det. Som likar stilen. Som kanskje har ei jente som kan bruke det? Og veit dokke; dette var kjempeenkelt! Eg visste med ein gong kven eg ville gi det til! Det er ei dame som faktisk berga Draumesidene mine i sommar. Utan at ho veit om det. Eg var så nær å slette alt eg hadde gjort, men jevne besøk frå denne supre jenta fekk meg til å føle at eg kanskje hadde noko å fare med? Det er veldig mange som fortener ei gåve frå meg, berre så det er sagt. Men PIA; eg elskar bloggen din, eg må alltid få med meg innlegga dine, og du har fått meg til å tø opp bloggmessig etter år med problem og deppetilstandar. Ironien og humoren din får meg til å smile, sjølv på drittdagar med smerter og følelsen av at eg vil gi opp. Og ikkje minst; TAKK for at du stikk innom med fine kommentarar, dei betyr enormt for meg! Og så til det mest avgjerande : minstejenta di må då kle dette forkleet veldig? :)

Det har jevne kantar, det er berre eg som har prøvd meg på litt utklipping

i PhotoShop ein laurdagskveld, med eit halvt auge på tv`en :)

Eg håper gåva fell i smak,

eg treng ei adresse i mailboksen min Pia!

Keep Up the Good Work!

Elin

Innlegget frå i fjor, kan du sjå HER!

Et barn er et lite menneske...

2011-10-15T09:40:00.001+02:00

Ronja på 7 dagar... Observerande og nysgjerrig på livet...

Mitt bidrag hos Øyeblikk

Elin

Skjønne Mille Fleurs er også med på GiBort`n :)

2011-10-14T22:40:00.002+02:00

Vil vi ha fleire premiar på GiveAwayen, eller GiBort`n?

Jaaaaaaa! :) Neste butikk ut er Mille Fleurs i Ålesund by. Susanne er eit ganske nytt bekjentskap for meg, men eg elskar den vesle, stemningsfulle blomsterbutikken hennar nær torget i byen. Ho har blant anna tatt inn Corokia Cotoneaster, og har nokre nydelege eksemplar igjen :) Noko av det Susanne kan vise til, er at ho er ein av få som selger urnene til Ampholia-anduze i Norge. Du ser dei på første bildet under her. For meir informasjon, trykk på linken over her! Ho har mest blomster, men har lyst til å ta inn meir interiør framover. Ein god idè synes eg, fordi blomster og interiør framhevar det beste i begge kategoriar.

Og kjekke Susanne vil sende denne herlege puta med dunfyll til ein heldig vinnar!

Har du ikkje meldt deg på trekninga mi??? Det er ikkje for seint!

Teljaren nærmer seg 200.000, men eg trekkjer ikkje før om nokre dagar,

så skriv ein kommentar HER og bli med! :)

Elin

Fredag med eit himmelsk under...

2011-10-14T16:29:00.002+02:00

Det er av og til godt å gjere heilt andre ting enn det ein gjer til vanleg. Og det er ikkje så ofte eg får halde eit nyfødd nurk på 7 dagar i armane mine... Nydelege, vesle, perfekte og knusegode Ronja stal hjertet mitt frå første augeblikk. Nystrikka huer og kanindrakt som mi flinke syster har laga, låg klar i studioet mitt (les:soverommet) ;) og alt var klart til mange bilder. Men vi hadde liksom tenkt at vesla skulle sove litt? Men det hadde ikkje prinsessa tenkt... Ho held seg vaken i samfulle tre timar, med masse pupping, og tre vaksne med heiteslag, fordi romtemperaturen var akkurat passeleg for ein naken liten baby. Snill og VELDIG vaken som sagt. Nysgjerrig på livet, og alt lyset i rommet. Har høyrt rykter om at ho sovna som ein stein i bilen heim, og søv enno. Vi prøver på nytt om ei tid, viss mammaen vil.

Takk for at eg fekk lov til å låne

ein slik liten, vakker modell!

God helg til alle!

Elin

Lyst til å sjå herlege babybilder? Gå inn på bloggen

DRØMMEFABRIKKEN! Ein av mine favorittar,

og til enorm inspirasjon!

Min tolix er drapert med...

2011-10-13T22:10:00.002+02:00

neste flotte gevinst! Og her har eg eit problem... Har sikla på slike skjerf hos Emmas verden sidan i vår... Som eg skreiv i går, har eg lyst å behalde alle premiane her hos meg, eller i alle fall melde på meg sjølv i GiveAwayen ;) Men som vi lærte då vi var små : den største gleda du kan ha, er å gjere ANDRE glad! Og denne premien til 699 kroner, må vel falle i smak hos mange?

Så viss du har lyst på dette herlege skjerfet frå Beck Söndergaard , kan det lønne seg å gå inn på dette

innlegget HER og leggje att ein kommentar :)

Emmas Verden er nok den butikken som har blitt skrevet mest om i løpet av desse to åra med Draumesidene. Eg vart kjend med flotte Anne då eg fann bloggen hennar hausten 2009. Anne flytta lokaler for litt sidan, og du finn henne no midt i sentrum av Langevåg ved Rema 1000. Det er fort gjort å svippe ut dit viss du er på Moa. Og vel verdt turen! Anne har i tillegg til interiør, tatt inn mykje flotte klede, og butikken er smakfullt innreidd og svært inspirerande! Du kan bli ven med Emmas Verden på

Facebook ved å gå inn HER!

Eg er så uendeleg takksam for alle desse flotte premiane

som ulike butikkar og menneska der har gitt meg!

TUSEN TAKK for all velvilje og

gavmildheit!

Elin

Fantastisk premie frå Herlighet!

2011-10-12T22:19:00.002+02:00

Eg er jammen glad at butikken Herlighet ville sende denne premien frå butikken til ein heldig vinnar, for eg hadde garantert ALDRI fått meg til å sende denne ut av huset mitt, viss den først hadde kome inn...

Moa/Ålesund

Sjå her kva du kan vinne!

Ei NYDELEG pute frå ByNord, ein av mine favorittar!

Du kan sjølv velge mellom dei tre motiva

over her. Lovely! :) Herlighet har

også blogg, den finn du HER!

Ikkje nok med det, eg har fått to til fiiine premiar i dag. Dei skal eg vise i morgen,

treng litt dagslys for å forevige dei først!

Lyst å vere med på trekning?

Trykk HER

Dei andre premiane kan du sjå HER

Elin